Mai'naya kavane 6:23 - The Keyagana NT and 25 OT books

²³ Afiyo, huno huʼniya gemoʼmo lamugana huno haneʼniye. Keʼaepa gemoʼmo ha le yakana huno haneʼniye. Ani gemoʼmo alino api aino katesigeka alagepa huka maisana yaʼmo alisana kaʼmo alino kave ligiye.

Mai'naya kavane 6:23 ပူးပေါင်းရင်းမြစ်များ

Aepa Gemae 39:8

Yosefeʼa aliʼyaʼmo afoʼamoʼafeʼmo ha painoʼaeʼmo, Haʼao, ala vekaʼnimoʼa muki noʼafi haneʼniya yaʼmo oʼageno muki yaʼaleʼmo yagaisuvafeʼmo alino nagae nayapiʼmo maleʼniye.

Samu 119:105

Gekamoʼmo lamugana huno haneʼnenoʼaeʼmo aeno ha leʼnigeʼna umenitata nehuve. Gekamoʼmo aeno ha leno visuva kaʼmo nave neliye.

Samu 119:130

Gekamoʼmo vayaʼai apaipafiʼmo faleno uno haitenoʼaeʼmo aeno ha nele. Negi vayaʼmogi gekamo afiteʼapaeʼmo gemo aepaʼamo afigae.

Samu 141:5

Fatago vayaʼmogimo namagisayana kanalene. Nao vayaʼmogi hisaya kavaʼmo haneʼniyaʼmofeʼmae. Aliʼa api aiʼa natesaya kavaʼmoʼa alagepa uveligana huno haneʼniye. Ani kavaʼmo hisageʼnaeʼmo nakameʼyamo oʼapamiguve.

Samu 19:8

Keʼaepa gemo api gemo haneʼnigeʼa neʼafiya vayaʼmogi apamogaga neʼaiye. Ani kava hiyo, ina kava osiyo, huno huʼniya gemo hosu gemo ohaneʼnifa alagepa geʼageʼmo haneʼneno apaulagamo alino ayakeno apateteno alino alagepa huno neʼapate.

Mai'naya kavane 10:17

Aliʼa apaya neʼmalaya gemo neʼafiya vayaʼmo afaʼa maisaya yaʼmo neʼaliya kateʼmo neʼvayaʼmonanafa hosu kavaʼmo nehane, huno nehigenoʼaeʼmo noʼafiya vekamoʼmo alagepa kaʼmo ago neʼatale.

Mai'naya kavane 15:24

Afiteʼa ageʼnaya vayaʼmogimo ata koʼmo afelaga kotetiʼmo aiʼa afe leʼa ataleʼa afaʼa maisaya yaʼmo apamisiya kaʼmo anagamo uno haiʼniya kaʼmo haneʼniye.

Mai'naya kavane 15:31

Alagepa huʼa maisaya kavafeʼmo aliʼa api aiʼa hapa paisaya gemo alagepa huʼa afisaya vayaʼmogimo afiteʼa ageʼnaya vayaʼeʼmo magokepi lokaeʼa maigae.

Mai'naya kavane 29:15

Lapakaemo mafaʼnetapiyeʼmo, hosu kavaʼmo huʼnane, hutapa hapa paitetapa hopa kayotetiʼmo apamagisayaʼmoʼmo mafaʼnetapimogi afiteʼa agegayaʼmonanafa apaketapa apatalesayaʼmoʼmo itaʼapimogimo apavagage yaʼmo aliʼa apamigae.

Mai'naya kavane 3:18

Ani a kanomo vayaʼmogi atafauʼa anu nekiya vayaʼmo alagepa huʼa afaʼa maisaya yaʼmo alino neʼapamiya yosagana huno maiʼniye. Atafauteʼapaeʼmo noʼatalaya vayaʼmogimo apamogaga neʼaiye.

Mai'naya kavane 4:13

Alino kaya malesiya a kanomo atafauteka oʼatalo. Alagepa huka maisana kavaʼmo aepa a kanomo maiʼniyanagi yagaika ato.

Mai'naya kavane 4:4

Afoʼnimoʼmo alino naya malenoʼaeʼmo ani gemo huno alino naya maleʼniye. Geʼnimo atafauka alika kaipafiʼmo malo. Huvo, huʼna kaha paiʼnova gemo akame hisanana ofalika afaʼa maigane.

Mai'naya kavane 5:12

Lapakaemo ina ge hutapa hugae. Nagaemo negi nagi huʼnove. Aliʼa naya malesaya kavafeʼmo alagi oʼnahauʼniye. Hosu kavaʼmo nehane, huʼa naha paiʼnageʼnaeʼmo ina agufa gemo huʼnae, huʼna huʼnove.

2 Pita 1:19

Akeyaʼvilagamo Gotitegati gemo alini eʼa aeʼa hakalo huʼa hapa nepaiya vayaʼmogi ge huʼnageno afole aiʼniya geʼeʼmo haneʼniye. Kanalenagi mani gemo alagepa hutapa afiyo. Mani gemoʼa hanipiʼmo aeno ha neleya kanikana huno aeno ha leme ha leme neʼvigeno ko netigenoʼaeʼmo aeno ha neleya kanefikana huno lapaipafiʼmo aeno ha legaiye.

Leveleseni 2:5

Lapakaemo muga anaga alagepa kavategatiʼmo ataleta asagautapa aiʼnayanagi hogoteta huʼnaya kavafeʼmo halate lapakesamo afita ho hiyo. Lapaipamo alita afe letetapaeʼmo hogoteta huʼnaya agufa kavaʼmo hiyo. Lapaipamo alita afe olesayana emineʼnaeʼmo aise hiʼyalamutapileʼmo lamumo neʼmalaya hiʼyalamuʼmo aliniʼna uguve.