Mai'naya kavane 6:17 - The Keyagana NT and 25 OT books

^17-19 Apakufamo apavaleliʼa haiteʼa hinuʼnamu gemo nehaya kavanagi apavayaletiʼmo aigofe gemo nehaya gegi vayaʼmo apayateti fikumo neʼapamagiya kavanagi hosu kavaʼmo hisayafeʼmo apaipafiʼmo apakesamo afiʼa aliʼa fako nehaya kavanagi apaiyaletiʼmo nagu nagu huʼa uʼa hosu kavaʼmo nehaya kavanagi agotileʼmo aigofe faigoko gemo nehaya kavanagi alagepa huʼa magokepi lokaeʼa maisayafeʼmo ohapauʼnigeʼa aliʼa fako huʼa neʼapataya kavafenagi huno alagi ohauʼniye.

Mai'naya kavane 6:17 ပူးပေါင်းရင်းမြစ်များ

Samu 10:4

Avai avai nehiya vekamoʼmo Gotiʼa agesiyafeʼmo kahauya nosiye. Gotifeʼmo alagi agesamo noʼafiye.

Samu 101:5

Huʼa faipa huʼa neʼataya vayaʼmo hapafaiʼna apatalegauve. Ala vayaʼmo maiʼnone, huʼa huteʼa himuʼnamu kavaʼmo nehaya vayaʼmo nagaeʼeʼmo oʼmaigae.

Samu 131:1

Ala kava nene, huʼna, nagufamo aliʼna asagauʼna noʼnatove. Aeʼna apakaseʼnova vekamo maiʼnove, huʼna nosuve. Nagaemo alopa aliʼyafeʼmo nagesamo oʼafige afaʼa oʼagesuva kavafeʼmo nagesamo oʼafige nehuve.

Samu 18:27

Kagaemo yagu yaga vayaʼmo apakufamo alika katika apateganaʼmonanafa himuʼnamu kavaʼmo nehaya vayaʼmo alika afepiʼmo apategane.

Samu 31:18

Fatago vayaʼaifeʼmo aigofe himuʼnamu gemo nehaya geʼapimo alika hano huka apatalo.

Samu 5:6

Kagaemo aigofe gemo nehaya vayaʼmo alika apagoʼya lagauka apatalegane. Ala kava neʼmoʼa vayaʼmo nehapaya vayaʼe humi neʼapataya vayaʼefeʼmo avenatuʼnaʼmo heno atalegekana huno neʼmaiye.

Samu 5:7

Ani kava huka maiʼnanaʼmonanafa nagaefeʼmo muki kahau huka neʼnatana kavakaletiʼmo nokafiʼmo uʼna haiguve. Kagaefekeʼmo koli huteʼnaeʼmo aote mono nokamo ageteʼna mono huguve.

Mai'naya kavane 1:11

Apakaemo huʼapaeʼmo, Lagaeʼeʼmo egetao. Lagaemo mago vayaʼmo apamagisunafeʼmo uta ka agiʼnaleʼmo fala kita maiʼneta apamagigune. Mago hosu kavaʼapimo ohaneʼnegaiyaʼmonanafa afaʼa lahauʼniya kavaʼmo akame huta kamitimo apamagigune.

Mai'naya kavane 1:16

Apakaemo hosu kavaʼmo hisayafeʼmo nagu nagu huʼa neʼvae. Malage huʼa vayaʼmo kamitimo apamagisayafeʼmo nehae.

Mai'naya kavane 12:22

Ala kava neʼmoʼa aigofe gemo nehaya vayaʼaifeʼmo alagi ohauʼniyaʼmonanafa lama gemo nehaya vayaʼaifeʼmo hapaoke nehe.

Mai'naya kavane 14:5

Lama ge vekamoʼmo ageteno faigoko gemo hapa nepaiya gemo aigofe gemo nosiyaʼmonanafa aigofe vekamoʼmo ageteno faigoko gemo hapa nepaiya gemo aigofe gemo nehiye.

Mai'naya kavane 16:5

Ala kava neʼmoʼa aliʼa apakiʼapileʼmo aliʼa asaga neʼapataya vayaʼaifeʼmo alagi ohauʼnigeno avenatuʼnaʼmo heno atalegekana huno neʼapatale. Apakaemo kayoʼmo apamisiya afinaʼmo afaʼa faiʼa kasalo opaegae.

Mai'naya kavane 17:7

Negi vekamoʼmo alagepa gemo hisiyaʼmoʼmo agaiʼalefeʼmo hosugiyaʼmonanafa ala agi vekamoʼmo aigofe gemo hisiyaʼmoʼmo agaiʼalefeʼmo alagi hosugiye.

Mai'naya kavane 21:4

Aliʼa afepi apatesaya agufa kavanagi apakiʼapileʼmo aliʼa asaga huʼa neʼataya kavanagi hosu vayaʼmogimo hoyamo aiʼyumo neʼaiya kavanagi huno hosu kavaʼmo haneʼniye.

Mai'naya kavane 26:28

Aigofe geʼaletiʼmo huno alino hosu huno neʼapateya vekamoʼmo huno alino hosu huno neʼapateya vayaʼaifeʼmo nohaiye. Aipafatiʼmo osuno avayaʼaletikeʼmo ala agimo amisiya vekamo alino hosu huno ategaiye.

Mai'naya kavane 28:17

Mago vekamoʼmo alu vekamo kamitimo amagisiya vekamo aune hetaleno uno ive kelifiʼmo uno lamigiye. Fiku yanageno mago vekamoʼmo ha maegaiye.

Mai'naya kavane 30:13

Mago nofi vayaʼmogimo apakaiʼapimo apakesamo afiʼapaeʼmo alagepa vayaʼmo maiʼneta alu vayaʼmo ago aeta apaka seta maiʼnone, huʼa apakesamo neʼafiye.

Mai'naya kavane 6:16

Ala kava neʼmoʼa ani seveniʼa kavafeʼmo alagi ohauʼniye.

Aiyeya 1:15

Lapayaʼmo alita asaga huliʼnetapaeʼmo nunumuʼmo hisageʼnaeʼmo naulagaleʼmo aiʼna ati kaeteʼnaeʼmo olapakegauve. Vayaʼmogi kolaʼapimo lapayateʼmo haneʼniyaʼmofeʼmo asole nunumuʼmo hisageʼnaeʼmo oʼafiguve.

Aiyeya 2:11

Ala kava neʼmo afole aisiya afinaʼmo ala apakimo neʼaliya vayaʼe apakiʼapileʼmo aliʼa asaga nehaya vayaʼeʼmo alino afepiʼmo apatesigeʼa Ala kava nekeʼmo aliʼa asaga huʼa ategae.

Aiyeya 3:9

Apaugosamoʼmo aeto nehiyaʼmofeʼmo agotimoʼmo afaʼa apatafaugiye. Satomi taonifiʼmo maiʼnaya vayaʼmogi hosu kavaʼapieʼmo aeʼa hakalo huʼnaya kava huʼa apakaemo aeʼa ati okaeʼa hosu kavaʼapieʼmo aeʼa hakalo nehae. Apakupi mafaʼnemoʼmo kage kage hugiye. Apakaemo hosu kavaʼmo huʼnagenoʼaeʼmo ani hosu kavaʼmoʼa apakaiʼapileʼmo asagauno aiʼniye.

Yoni 8:44

Afotapimoʼmo Sataniʼa maiʼnigetapaeʼmo mafaʼneʼamo maiʼnetapaeʼmo afotapimoʼmo hauʼniya kavaʼmo akame nehae. Aepa faiʼniya afinatetiʼmo vayaʼmo neʼapamagiya vekamo maiʼniye. Lama gemo aipafiʼmo alagi ohaneʼniyaʼmofeʼmo lama gelefeʼmo kame nehiye. Aigofe gemo aepa vekamo maiʼniyaʼmofeʼmo aipafatiʼmo alagi aigofe gemo nehiye.

1 Pita 5:5

Neya vayaʼmogitapae, huʼna, vayatama vayaʼai apaiyafiʼmo maiʼnetapa geʼapimo afiyo. He, muki vayaʼamogitapae, huʼna, ina agufa vayaʼmo maiʼnone, nehutapa aliʼyaʼmo neʼaliya vayaʼmogimo aliʼa neʼvaiya kukenamo aliʼa neʼvaiya kava hutapa konagatapimogi apaiyafiʼmo maiʼnetapa geʼapimo afiyo. Na kava nehiyaʼmofeʼmae. Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fiku hapa maeno neʼapamiye.

Leveleseni 22:15

Negayaʼmonanafa kalagana vayanagi Satani himamuʼaletiʼmo noʼagaya agufa aune kavaʼmo nehaya vayanagi kumai kavaʼmo nehaya vayanagi vayaʼmo neʼapamagiya vayanagi aigofe gotiʼapimogitefeʼmo mono nehaya vayanagi muki vayaʼmogimo aigofe kavafeʼmo hapauʼnigeʼapaeʼmo aigofe gemo nehaya vayanagi huʼa ani taonimo malagamo maigae.