Mai'naya kavane 6:15 - The Keyagana NT and 25 OT books

¹⁵ Nehayaʼmofeʼmo malage huno alino hosu huno apatesiya kavaʼmo afole aigiye. Afole aisigeʼa alagepa huʼa maisaya kaʼmo alagi ohanegaiye.

Mai'naya kavane 6:15 ပူးပေါင်းရင်းမြစ်များ

2 Sitoli 36:16

Hapa paiʼnayaʼmonanafa apa vayaʼaina huʼa apami maleteʼa kigi yokalo geʼmo huʼa apatege Goti geʼaeʼmo ina agufa gee huʼa huge Polofeti vayaʼaifeʼmo huʼa faipa huʼa apatege hume hume neʼagenoʼaeʼmo Ala kava neʼmoʼa vayaʼaeʼmo lusi kava huno aipamo leno neʼapateyanageno hapa maesiya yaʼmo alagi ohanegaiye.

Samu 50:22

Gotifeʼmo lapake kaniʼnisiya vayaʼmogitapae, huʼna, geʼnieʼmo lapakesa afifi hutapa maiyo. Fiku yanageʼna lahapaeʼna katali katalu hisugeʼapaeʼmo lapa maesaya vayaʼmo oʼmaigae.

Samu 55:15

Kagaemo kameʼnimogi apatenegeʼa faliyo. Apatenegeʼa malage huʼa faliʼnaya vayaʼaitegamo lamiyo. Hosu kavaʼmo apaipafiʼmo hanege noʼapifiʼmo hanege huʼniyaʼmofeʼmae.

Mai'naya kavane 1:26

Ani kavaʼmo huʼnayaʼmofeʼmo hanageke yaʼmo neʼalisageʼnaeʼmo kigi huʼna lapategauve.

Mai'naya kavane 1:27

Lusi kava huno yasi aliteno ko aigekana huno hosu kavaʼmo lapakaeteʼmo afole aisigetapa lapamoʼyamo aigae. Lusi kava huno yasi aligekana huno aliteno alino lapagoʼya lagauno lapatalegaiye. Lapakafu kisigetapa lusi hosu kavaʼmo hutapa maigae.

Mai'naya kavane 14:32

Hosu vayaʼmogimo alagi hosu kavaʼapifiʼmo maiʼnagenoʼaeʼmo alino hapa faino neʼapataleyaʼmonanafa fatago vayaʼmo faliteʼapaeʼmo afole aisiya kavafeʼmo apavayagunagu huʼa neʼmaiye.

Mai'naya kavane 24:16

Fatago vekamoʼmo seveniʼa afinaʼmo asagauno aisiyana halate afaʼa he tigiyaʼmonanafa hosu vayaʼmo hanageke yaʼmo aliteʼa alagi asagauʼa aigae.

Mai'naya kavane 24:22

Ala kava neʼmoʼe gamani vayaʼmogiʼeʼmo lusi kava huʼa kayoʼmo apamisagenoʼaeʼmo apakaetegamo hosu kavaʼmo malage huno afole aigiye.

Mai'naya kavane 29:1

Gotiʼa asole afinaʼmo mago vekaeʼmo hosu kavaʼmo nehane, huno hisiya gemo noʼafisigenoʼaeʼmo malage huno alino agoʼya laga uno atalesigeno ha maesiya vekamo alagi oʼmaigiye.

Mai'naya kavane 6:16

Ala kava neʼmoʼa ani seveniʼa kavafeʼmo alagi ohauʼniye.

1 Tesaloniyani 5:3

Vayaʼmogi, alagepa huta neʼmaunanageta ani kavakeʼmo huta maigune, huʼa nehisagenoʼaeʼmo malage huno hosu kavaʼmo apakaeteʼmo afole aiteno alino hano huno apategaiye. Aʼnemogimo mafaʼnemo aliʼa apatesayafeʼmo huʼnaya afinaʼmo fikumo maiʼnagenoʼaeʼmo malage huno apakafu nekiya agufa kavaʼmo apakaeteʼmo afole aisigeʼapaeʼmo faiʼa kasalo opaegae.