Mai'naya kavane 6:14 - The Keyagana NT and 25 OT books

¹⁴ Hosu kavaʼmo apaipafiʼmo havai teʼniye. Muki afinaʼmo hosu kavaʼageʼmo hisayafeʼmo apakesamo afiʼa aliʼa fako nehae. Apakaemo magokepi lokaeʼa oʼmaisayafeʼmo aliʼa fako huʼa neʼapatae.

Mai'naya kavane 6:14 ပူးပေါင်းရင်းမြစ်များ

Samu 140:2

Muki afinaʼaeʼmo apakaemo hosu kavakeʼmo hisayafeʼmo apakesamo afiteʼapaeʼmo ge neʼvaiya kavaʼmo aliʼa he tiʼa neʼatae.

Samu 140:3

Apavenafuʼnamo vayaʼmo nehapaeya nagaloʼyavegana huno haneʼnigeʼa geʼapiletiʼmo nagaloʼyavemoʼmo hapaeʼnigeʼa nefaliya analisagana huno haneʼniye.

Samu 36:4

Hipaʼapileʼmo havaeʼa maiʼneʼapaeʼmo hosu kavaʼmo hisayafekeʼmo apakesamo neʼafiye. Muki nehaya kavaʼapimo hosu kavaʼageʼmo haneʼnigeʼapaeʼmo muki hosu kavaʼapieʼmo, haʼao, alagi oʼnahaiye, huʼa nosae.

Mai'naya kavane 14:22

Hosu kavaʼmo hisayafeʼmo apakesa afifi huʼa neʼmaiya vayaʼmo alagepa kaʼmo ago ataleʼnayaʼmonanafa Gotiʼa alagepa kavaʼmo hisayafeʼmo apakesa afifi huʼa neʼmaiya vayafeʼmo hau huno apateteno lama gemo hapa paigiye.

Mai'naya kavane 16:27

Gotifeʼmo mono nosiya vekamoʼmo vayafeʼmo hosu apava gemo hisiyafeʼmo lokiya vaino kahauya nehiye. Avayaletiʼmo nehiya gemoʼmo atagana huno haneʼniye.

Mai'naya kavane 17:20

Humi neʼapataya apaipaʼe vayaʼmogimo alagepa huʼa maisaya kavafeʼmo kahauya hugayaʼmonanafa oʼagegae. Ani kavaʼmo huno aigofe gemo nehiya vekamo hosu kavapiʼmo asagauno aigiye.

Mai'naya kavane 2:14

Apakaemo alu hosu kava alu hosu kavaʼmo hisayafeʼmo apamogaga neʼaiye. Vayaʼmogimo nehaya hosu kavaʼapiyeʼmo amuse nehae.

Mai'naya kavane 21:8

Vaiʼmo neʼaliya vayaʼmogimo humiʼnami kavaʼmo nehayaʼmonanafa vaiʼmo noʼaliya vayaʼmogimo fatago kavaʼmo nehae.

Mai'naya kavane 22:8

Vayaʼmogimo hosu kavaʼmo nehaya kavaʼmo avina yaʼmo hakalegekana huʼa nehakalayanageʼa neʼyaʼmo neʼaliya kava huʼa kana yaʼmo aligae. Apaipamo leʼnigeʼa kayoʼmo neʼapamiya kavaʼmo hano hugiye.

Mai'naya kavane 24:8

Hosu kavaʼmo hisiyafeʼmo agesa afifi huno neʼmaiya vekaeʼmo huʼapaeʼmo hanageke vekae, huʼa nehae.

Mai'naya kavane 3:29

Kagaemo kahaopaleʼmo maiʼniya vekalegaeʼmo ani hosu kavaʼmo huguve, huka kagesamo oʼafiyo. Alagepa hutana maisaʼafeʼmo kahaopaleʼmo maiʼniye.

Mai'naya kavane 3:32

Ala kava neʼmoʼa ani agufa hosu vekaeʼmo alagi ohauʼnigeno aino maku huno neʼateyaʼmofeʼmae. Ohauʼniyaʼmonanafa fatago vayaʼaifeʼmo fala kino haneʼniya gemo hapa paiʼniye.

Aiyeya 32:7

Hosu kavaʼmo hisiyafeʼmo agesa afifi nehiye. Kagemiyaʼapimo ohaneʼniya vayaʼmo aigofe geletiʼmo alino hosu huno apatesiyafekeʼmo agesa afifi nehiye. Kafu huʼnaya vayaʼmogi fatago gemo nehaya afinaʼeʼmo alino hosu huno apatesiyafekeʼmo nehiye.

Aiyeya 57:20

Aliʼna hapageʼna apategauvaʼmonanafa hosu kavaʼmo nehaya vayaʼmo aino apalo neʼatiya solovala anikana huʼa maiʼnae. Solovala aniʼmoʼmo afaʼa ohanegaiyaʼmonanafa aino apalo atino hosu hapaʼe hosu mopaʼeʼmo alino afole aino neʼate.

Maika 2:1

Hosu kavaʼmo hisayafeʼmo apakesamo neʼafiya vayaʼmogi kage kage huʼa yulagefaʼmo aigae. Apakaemo hosu kavakeʼmo hisayafeʼmo hipaleʼmo havaeʼa maiʼneʼapaeʼmo apakesamo afiʼapaeʼmo gotilamisiyapiʼmo hosu kavaʼmo hisaya himamuʼapimo haneʼniyaʼmofeʼmo gotilamiyapiʼmo he tiʼa ani kavaʼmo nehae.

Lomu 16:17

Konagaʼnimogitapae, huʼna, aliʼna he tiʼna lapatesuvafeʼmo huvanagi mago vayaʼmogi lapakaemo afiʼnaya gelefeʼmo kame huʼa ateteʼa aliʼa fako huʼa lapatege hosu kavaʼmo hisayafeʼmo lapayateʼmo alige nehaya vayaʼaifeʼmo alagepa hutapa yagaita maiʼnetapaeʼmo maitapa halove huta maiyo.