Mai'naya kavane 6:12 - The Keyagana NT and 25 OT books

¹² Hosu kavaʼmo nehaya vayaʼmogimo aliʼyaʼapimo ohaneʼnigeʼa maiʼneʼa hosu gemo nehae.

Mai'naya kavane 6:12 ပူးပေါင်းရင်းမြစ်များ

Samu 10:3

Hosu kavaʼmo nehiya vekamoʼmo hosu kavafeʼmo haʼye nehunoʼaeʼmo, alagepa kavaʼmo nehuve, huno nehiye. Agaemo hapaʼye nehiya vayaʼmo aliʼa auleʼa neʼapateyaʼmonanafa Ala kava nefeʼmo hosu gemo huteno ataleno uʼniye.

Samu 10:7

Muki afinaʼmo huno faipa huno apatege aigofe gemo huge koli yaʼmo alino apamisiyafeʼmo lokiya gemo huge nehiye. Hosu kavafeʼmo ava gemo huge hanageke kavafeʼmo ava gemo huge nehiye.

Samu 101:3

Nagaemo hosu kavaʼmo hisuvafeʼmo nagesamo oʼafiguve. Alagepa kaʼmo ataleʼa neʼvaya vayaʼai kavaʼapieʼmo naini huʼnovanageno ani agufa hosu kavaʼapimoʼa nagaeteʼmo aino okamaegaiye.

Samu 36:3

Hosu gemo huge aigofe gemo huge huʼa neʼmaiye. Afiteʼa ageʼnaya kavaʼe alagepa kavaʼapiʼeʼmo ataleʼa afaʼa neʼmaiye.

Samu 59:7

Geʼapimoʼmo aveʼmo neʼneya naipegana huno haneʼniye. Apakaemo faipa huʼa apatege apamagigune, huʼa huge nehae. Apakaemo huʼapaeʼmo, Ina lagimo getimo afigae, huʼa nehae.

Mai'naya kavane 10:32

Fatago vayaʼmogi hisaya gemo ago afiʼnayaʼmonanafa hosu vayaʼmogi hosu gegeʼmo hisayafeʼmo afiʼna e.

Mai'naya kavane 11:6

Fatago vayaʼai fatago kavaʼapimoʼmo hosu kavategatiʼmo apakufamo alino katino apategaiyaʼmonanafa geʼapimo akame nosaya vayaʼmogi hapaʼye nehiya kavaʼapimoʼmo aneʼaigana huno apatafaugiye.

Mai'naya kavane 16:27

Gotifeʼmo mono nosiya vekamoʼmo vayafeʼmo hosu apava gemo hisiyafeʼmo lokiya vaino kahauya nehiye. Avayaletiʼmo nehiya gemoʼmo atagana huno haneʼniye.

Mai'naya kavane 16:30

Agaemo aulama huteno agaiʼamo ge ge huteno hosu kavaʼmo nehiye.

Mai'naya kavane 17:4

Hosu vekamoʼmo aigofe gelefeʼmo agetafo huʼneno neʼafiye. Aigofe gemo nehiya vekamoʼmo huno faipa huno neʼateya gemo afisiyafeʼmo nehaiye.

Mai'naya kavane 2:12

Ani kavaʼmoʼa hosu kavategatiʼmo kavalelino egaiye. Hosu gemo nehiya vekamo ayapatiʼmo kagufamo alino katino kategaiye.

Mai'naya kavane 3:32

Ala kava neʼmoʼa ani agufa hosu vekaeʼmo alagi ohauʼnigeno aino maku huno neʼateyaʼmofeʼmae. Ohauʼniyaʼmonanafa fatago vayaʼaifeʼmo fala kino haneʼniya gemo hapa paiʼniye.

Mai'naya kavane 4:24

Aigofe gemo kavayafatiʼmo osuvo. Muki alu hosu ge alu hosu gemo osuvo.

Mai'naya kavane 6:14

Hosu kavaʼmo apaipafiʼmo havai teʼniye. Muki afinaʼmo hosu kavaʼageʼmo hisayafeʼmo apakesamo afiʼa aliʼa fako nehae. Apakaemo magokepi lokaeʼa oʼmaisayafeʼmo aliʼa fako huʼa neʼapatae.

Mai'naya kavane 8:13

Ala kava nefeʼmo koli nehaya kavaʼmoʼa hosu kavafeʼmo nohapaiya kavaʼmae. Nagaemo ala apaki alisayafe hisaya kavanagi vayaʼmo aliʼa afepi apatesayafe hisaya kavanagi hosu kateʼmo neʼvaya kavanagi aigofe nehaya geʼenagi alagi huno oʼnahaiye.

Matiyu 12:34

Nagaloʼyave afamo anaga vayaʼmogitapae, huʼna, hosu vayaʼmo maiʼnayaʼmofeʼmo haiya kava huta alagepa gemo afaʼa hugae. Vayaʼai apaipafiʼmo na agufa yaʼmo havaiteʼnifi ani kava huno aino vali lamino asagauno neʼaigeʼapaeʼmo gemo nehae.

Apa 20:30

Mago vayaʼmo lapakaepatiʼmo he tiʼa apakame hisayafeʼmo aigofe gemo huteʼa apakesamo faiteʼa apayate aligae.

1 Timoti 5:13

Magoʼe huʼa hosu kavaʼmo huʼa aliʼyaʼmo oʼaliʼa alu nopi alu nopiʼmo uʼeʼa nehuʼapaeʼmo hosu faigoko gemo hulitata huge himuʼnamu kavaʼmo huge nagaekeʼmo ageteʼna afiʼnove, huʼa huge osisaya agufa gemo afaʼa huge nehae.

Yemisi 1:21

Inagi muki hosu oʼaniʼya kavaʼmo lapaipafiʼmo havai teʼniya kavaʼmo alita ataletetapa Goti aiyafiʼmo ape huta maiʼnetapa lapaipafiʼmo faiʼniya geʼamo aliyo. Ani gemokeʼmo lapakufamo afaʼa alino katino lapategaiye.

Yemisi 3:6

Apavayamo atagana huno haneʼneno alu hosu ge alu hosu gemo nehiye. Lavayamo lagufafiʼmo aise yaʼatomo haneʼniyaʼmonanafa muki lagufaʼamo alagi alino hosu huno neʼate. Lavayamoʼa ata kotegatiʼmo atamo aelineno muki vayaʼamogita lahaopaleʼmo kae maleʼniye.

1 Samiyo 17:28

Ilaiyamuʼa yege vekamo Nevini nepuʼamoʼmo Neviniʼa vayaʼeʼmo kege nehigeno afitenoʼaeʼmo aipamo leʼnigeno Nevinifeʼmo hunoʼaeʼmo, Na kava higekaeʼmo manileʼmo eʼnane. Kagaemo ina laʼmo magoke magoke sipisipi anagakaleʼmo yagaino apatesiyafeʼmo kaʼme kotegamo eʼnane. Nagaemo kageʼnovana himuʼnamu kavaʼmo huge ge oʼafige huka maiʼnekaeʼmo kame hisuna kavakeʼmo agesanafeʼmo eʼnane, huno ha paiʼniye.