Mai'naya kavane 5:22 - The Keyagana NT and 25 OT books

²² Hosu vekamo hosu kavaʼamoʼmo aneʼai hanagigekana huno haneʼneno neʼatafaiye. Hosu kavaʼamoʼmo nofikana huno haneʼneno nofi aeno neʼate.

Mai'naya kavane 5:22 ပူးပေါင်းရင်းမြစ်များ

1 Kini 18:18

geʼaleʼmo aeno atagaina hunoʼaeʼmo, Nagaemo Isaleli vayaʼmo hanageke yaʼmo oʼapamiʼnovaʼmonanafa kagaeʼe afokamo nofi vayaʼmogiʼekeʼmo hanageke yaʼmo apamiʼnae. Kagaemo Ala kava neʼmoʼa hiyo, huno laha paiʼniya gemo amagita ataletetapa aigofe gotiʼa asole Meo auneʼaeʼmo mono hutetapa akame nehaya kavatetiʼmo Isaleli vayaʼmo hanageke yaʼmo alita apamiʼnae.

Esata 9:25

Kahauya huʼniyaʼmonanafa Esataʼa kini vekalegamo uʼnigenoʼaeʼmo kini vekamoʼmo Hemaniʼmo hosu kavaʼmo hisiyafeʼmo agesamo afiʼniya kavaʼamoʼmo agaiʼa agenopaleʼmo asagauno aisigeʼa agaiʼaʼe muki mafaʼne anagaʼaʼeʼmo posi yosaleʼmo apaneʼmu aeʼa asaisayafeʼmo keʼaepa gemo avoʼmo kaeʼniye.

Samu 40:12

Lekana opaisuna agufa hanageke yaʼmoʼmo nagufaleʼmo faino vego huno nateʼniye. Hosu kavaʼnimoʼa natafauʼniyanageʼna afaʼa aliʼna maku huʼna okagegauve. Nayokaʼmo asole yaʼmo haneʼniya kava huno hosu kavaʼnimo magoʼe huno haneʼniyaʼmofeʼmo naipamoʼmo lokiya oʼvaiʼnigeno lokiyaʼnimo alagi ohaneʼniye.

Samu 9:15

Kagaefeʼmo mono nosaya vayaʼmogi kateʼmo esaya vayaʼmo asagauʼa aisayafeʼmo kafi maleʼnaya kelifiʼmo apakaiʼapimo asagauʼa aiʼnae. Aneʼaimo hanagi maleʼnayaʼmonanafa apakaiʼapigeʼmo heʼnae.

Samu 9:17

Hosu kavaʼmo nehaya vayaʼmogimo ata kopiʼmo uʼa lamigae. Muki vayaʼmogimo Gotifeʼmo apake nekaniya vayaʼmo ata kopiʼmo uʼa lamigae.

Mai'naya kavane 1:18

Nama anagaʼmo eʼa ohaigayaʼmonanafa ani vayaʼmogi uʼa umenimo aliʼa avayaka hu maleʼnayanageno apakaiʼapimo apatafaugiye. Maleʼnaya umenimoʼmo apatafausigeʼa faligae.

Mai'naya kavane 11:3

Fatago vayaʼai fatago kavaʼapimoʼa ka alino ho huno neʼapateyaʼmonanafa geʼapimo akame nosaya vayaʼai hosu kavaʼapimoʼa alagi alino apagoʼya lagauno apatalegaiye.

Mai'naya kavane 11:5

Vaiʼmo oʼaliʼnisaya vayaʼai fatago kavaʼapimoʼa visaya kaʼmo alino api aino apategaiyaʼmonanafa hosu vayaʼmogimo hosu kavaʼapiletiʼmo asagauʼa aigae.

Mai'naya kavane 11:6

Fatago vayaʼai fatago kavaʼapimoʼmo hosu kavategatiʼmo apakufamo alino katino apategaiyaʼmonanafa geʼapimo akame nosaya vayaʼmogi hapaʼye nehiya kavaʼapimoʼmo aneʼaigana huno apatafaugiye.

Mai'naya kavane 12:14

Mago vekamoʼmo alagepa gemo hisiyaʼmoʼmo alagepa yaʼmoʼmo aipafiʼmo havaitesigeno alagi haiʼmo aliʼnove, huno hugiye. Ayatetiʼmo alagepa kavaʼmo hisiyaʼmoʼmo alagepa miyaʼmo aligiye.

Mai'naya kavane 14:32

Hosu vayaʼmogimo alagi hosu kavaʼapifiʼmo maiʼnagenoʼaeʼmo alino hapa faino neʼapataleyaʼmonanafa fatago vayaʼmo faliteʼapaeʼmo afole aisiya kavafeʼmo apavayagunagu huʼa neʼmaiye.

Mai'naya kavane 18:7

Negi vekamoʼmo agaiʼamo huʼniya gemoʼmo agaiʼamo alino hano huno atalegaiye. Agaiʼamo avayafatiʼmo huʼniya gemoʼmo aneʼaifi hegekana huno atafaugiye.

Mai'naya kavane 24:12

Kagaemo hukaeʼmo nagaemo falisaya kateʼmo neʼvae, huʼna oʼafiʼnove, huka hisanaʼmoʼmo apaipafiʼmo alino fako huno neʼapakeya vekamoʼmo gekamo afiteno agesa afifi huno maigiye. Kaunekameteʼmo yagaino kateʼniya vekamoʼmo kaipafiʼmo noʼagefiye. Agaemo muki vayaʼmogi huʼnaya kavaʼapilefeʼmo miyaʼapimo apamigiye.

Mai'naya kavane 26:27

Kame vekaʼamo asagauno aisiyafeʼmo kafi maleʼniya kelifiʼmo agaiʼageʼmo asagauno aigiye. Yafaʼmo alino heleve huno ataletenoʼaeʼmo kame vekanimo haegaiye, huno huʼniyana agaiʼageʼmo haegaiye.

Omataiya 1:15

Ala kava neʼmoʼna afinaʼmo ago eno hogo huʼniye. Ani afinaʼmo muki nofi vayaʼmo agoti huʼna apategauve. Inomi vayaʼmogitapae, huʼna, Lapakaemo apakaetegamo hosu kavaʼmo huʼnaya agufa kavaʼmo huʼa lapakaetegamo hosu kavaʼmo hugae. Hosu kavaʼmo huʼnaya anonatapilefeʼmo hosu kavaʼmo hugae.

Himulu 13:4

Muki vayaʼmogimo aʼmo alige veleʼmo maige nehaya kavaʼmoʼa oʼaniʼya kavaʼmo ohaneʼnifa ala agi kavaʼmo haneʼniye. Haneʼniyaʼmonanafa Gotiʼa kumai kavaʼmo nehaya vayaʼe yafaʼmo nehavaya vayaʼeʼmo agoti huno apategaiye