Mai'naya kavane 5:20 - The Keyagana NT and 25 OT books

²⁰ Mafaʼneʼnimogae, huʼna, na kava hinagenoʼaeʼmo kumai a kanomoʼa kalavusi huno kategaiye. Na kava hinagekaeʼmo alu vekamo a kanomo anu kigane.

Mai'naya kavane 5:20 ပူးပေါင်းရင်းမြစ်များ

Mai'naya kavane 22:14

Kumai kavaʼmo nehiya a kanomo avayamo ive keligana huno haneʼnigeʼapaeʼmo Ala kava neʼmoʼa alagi nohaiya vayaʼmo asagauʼa neʼaiye.

Mai'naya kavane 23:33

Neʼnekaeʼmo aeto agufa yaʼmo agege negi nagi gemo huge hugane.

Mai'naya kavane 5:3

Kumai kavaʼmo nehiya a kanomoʼmo haga kahausiya agufa gemo nehiyaʼmofeʼmo geʼnimo afiyo. Agaemo geʼaletiʼmo kagesa faiteno kayateʼmo aligiye.

Mai'naya kavane 6:24

Ani gemoʼmo kumai kavaʼmo nehiya a kanolegamo oʼvisanafeʼmo ge nehiye. Kagesamo faisiya gemo oʼafisanafeʼmo ge nehiye.

Mai'naya kavane 7:5

Kumai kavaʼmo nehiya a kanoʼeʼmo magokepi lokaeka oʼmaisanafeʼmae. Kagesamo faisiya gemo oʼafisanafeʼmae.

Malakai 2:14

Lapakaemo hosu kavaʼmo ago huʼnayaʼmonanafa na kava higenoʼaeʼmo ani kavaʼmo nehiye, hutapa nehae. Lapakaemo veyalave kotalakemo amagitapa ataletetapa neyatapileʼmo aliʼnaya aʼnemo hapafaitapa apataleʼnagenoʼaeʼmo Ala kava neʼmoʼa lapakaefeʼmo faigoko gemo huʼniyaʼmofeʼmae. Lapakaemo apakaeʼeʼmo magokepi kotalakemo ago hu maletageʼapaeʼmo ani aʼne anagaʼmo lapakaeʼeʼmo umenitata huʼnayaʼmonanafa halate hapafaitapa apataleʼnae.

Malakai 2:16

Ala kava neʼmo Isaleli vayaʼmogi Gotiʼapimoʼmo muki vayaʼaiteʼmo yagaino neʼapateya vekamoʼmo hunoʼaeʼmo, Lapakaemo aʼnetapimo hapa faitapa neʼapatalaya kavafeʼmo alagi oʼnahauʼniye. Ani kavatetiʼmo kavetamo nehaya kavaʼmo afole neʼaigetapa aʼnetapimo neʼapamagiye. Ani hosu kavaʼmo afole neʼaiyaʼmofeʼmo lapaunelapameteʼmo alagepa hutapa yagaitapa atetetapa aʼnetapiyeʼmo aigofe kavaʼmo hutetapa veyalave kotalakemo amagitapa oʼataleyo.