Mai'naya kavane 4:16 - The Keyagana NT and 25 OT books

¹⁶ Hosu vayaʼmogimo hosu kavaʼmo osisayana apauʼmo okalegae. Apakaemo mago vekamo hosu kavapiʼmo asagauno aino oʼateʼnisayana alagepa huʼa apauʼmo okalegae.

Mai'naya kavane 4:16 ပူးပေါင်းရင်းမြစ်များ

Samu 36:3

Hosu gemo huge aigofe gemo huge huʼa neʼmaiye. Afiteʼa ageʼnaya kavaʼe alagepa kavaʼapiʼeʼmo ataleʼa afaʼa neʼmaiye.

Samu 36:4

Hipaʼapileʼmo havaeʼa maiʼneʼapaeʼmo hosu kavaʼmo hisayafekeʼmo apakesamo neʼafiye. Muki nehaya kavaʼapimo hosu kavaʼageʼmo haneʼnigeʼapaeʼmo muki hosu kavaʼapieʼmo, haʼao, alagi oʼnahaiye, huʼa nosae.

Mai'naya kavane 1:16

Apakaemo hosu kavaʼmo hisayafeʼmo nagu nagu huʼa neʼvae. Malage huʼa vayaʼmo kamitimo apamagisayafeʼmo nehae.

Mai'naya kavane 2:14

Apakaemo alu hosu kava alu hosu kavaʼmo hisayafeʼmo apamogaga neʼaiye. Vayaʼmogimo nehaya hosu kavaʼapiyeʼmo amuse nehae.

Mai'naya kavane 4:15

Ani agufa kateʼmo oʼuka ataleka afagiʼaleʼmo uka maiyo. Ataleka aika atagineka uvo.

Aiyeya 57:20

Aliʼna hapageʼna apategauvaʼmonanafa hosu kavaʼmo nehaya vayaʼmo aino apalo neʼatiya solovala anikana huʼa maiʼnae. Solovala aniʼmoʼmo afaʼa ohanegaiyaʼmonanafa aino apalo atino hosu hapaʼe hosu mopaʼeʼmo alino afole aino neʼate.

Maika 2:1

Hosu kavaʼmo hisayafeʼmo apakesamo neʼafiya vayaʼmogi kage kage huʼa yulagefaʼmo aigae. Apakaemo hosu kavakeʼmo hisayafeʼmo hipaleʼmo havaeʼa maiʼneʼapaeʼmo apakesamo afiʼapaeʼmo gotilamisiyapiʼmo hosu kavaʼmo hisaya himamuʼapimo haneʼniyaʼmofeʼmo gotilamiyapiʼmo he tiʼa ani kavaʼmo nehae.

Maika 7:3

Lole apayatalatetiʼmo hosu kavaʼmo nehayaʼmonanafa alagepa kavaʼmo hisayafeʼmo apakesamo noʼafiye. Yagaiʼa apateʼnaya vayaʼmogimo fikumo lamiyo, huʼa hapa nepaiye. Agoti gemo neʼafiya vayaʼmogimo kutulu monimo alisayafeʼmo nehae. Ala apakimo haneʼniya vayaʼmogimo apakaiʼapimo hapauʼniya yaʼmo alisayafeʼmo alu hosu vayaʼaifeʼmo hapa paiʼnageʼapaeʼmo magokepiʼmo maiʼneʼa vegemo nehae.

Luki 22:66

Gotilamiyapiʼmo kanisole vayanagi vayatama vayanagi mono huʼa neʼapataya vayaʼaiteʼmo yagaiʼa neʼapataya vayanagi keʼaepa gemo avoʼmo kaeʼa aliʼa apaya neʼmalaya vayanagi huʼa eʼa aliʼa anupa huteʼa Yesuʼmo kanisole vayaʼaitegamo avaleliʼeʼapaeʼmo,

Yoni 18:28

Saufamo kotilamiyapiʼmo Kaiyafasi notegatiʼmo Yesuʼmo avaleliʼa ala gamani vekamo notegamo uʼnayaʼmonanafa hopa afinaʼmo Pasova neʼyaʼmo nesayafeʼmo apakesa afiteʼapaeʼmo, fiku yanageno lagufamo alino hosu huno lategaiye. Yu nofi vekamo oʼmaiʼniyaʼmofeʼmo noʼafiʼmo uta ohaigune, huʼa huteʼa agotimo nehaya nopiʼmo uʼa ohaiʼnae.

Apa 24:7

ati vayaʼaiteʼmo yagaino neʼapateya vekamo Lisiyasiʼa layapatiʼmo lokiya vaino alino laha faleno avalelino uʼniye.

2 Pita 2:14

Kumai kavaʼmoʼa apaulagafiʼmo havai teʼniyanageʼa hosu kavaʼmo alagi oʼatalegae. Apakaemo lokiya vaiʼa noʼmaiya vayaʼai apayate neʼaliye. Hapaʼye hisiya kavaʼmo alagi ago afiteʼa ageʼnae. Apakaemo lifana huno apateʼniya mafaʼnemo maiʼnae.