Mai'naya kavane 31:9 - The Keyagana NT and 25 OT books

⁹ Alagepa huka alika fako huteka kagemi yaʼapimo ohaneʼniya vayaʼe alagepa huʼa noʼmaiya vayaʼeʼmo alagepa huka hapa maeka alika fako huvo.

Mai'naya kavane 31:9 ပူးပေါင်းရင်းမြစ်များ

Samu 82:3

Lapakaemo kagemi yaʼapimo ohaneʼniya vayaʼe megusa mafaʼne anagaʼeʼmo hapa maege kana yaʼmo aliʼnaya vayaʼe kafu nehaya vayaʼeʼmo hapa maege hisayafeʼmo fatago kavaʼmo hutapa alita fako hiyo.

Mai'naya kavane 16:12

Kini vayaʼmogimo fatago kavaʼmo hisayaʼmoʼmo yagaiʼa apateme apateme ugayaʼmonanafa kini vayaʼmogimo hosu kavaʼmo hisayaʼmoʼmo alagi hosugiye.

Mai'naya kavane 20:8

Kini vekamoʼa agoti huno apatesiyafeʼmo haino siyaʼaleʼmo fai maiʼneno hosu vayaʼmo aulu hapaeno neʼapakesigenoʼaeʼmo asole hosu kavaʼapimo aino atagu faegaiye.

Mai'naya kavane 29:7

Fatago vayaʼmogimo agoti nehuʼapaeʼmo kagemi yaʼapimo ohaneʼniya vayaʼaifeʼmo apakesamo neʼafiyaʼmonanafa hosu vayaʼmogimo kagemi yaʼapimo ohaneʼniya vayaʼaifeʼmo apakesamo noʼafiye.

Aiyeya 1:17

Alagepa kavaʼmo hisayafeʼmo aliʼna lapaya malesuva gemo afiyo. Alagepa hutapa agoti hisayafeʼmo he tita lokiya vaitapa maiyo. Aliʼa afepiʼmo neʼapataya vayaʼaifeʼmo ge hapaiyo. Megusa mafaʼnemo hapa maeyo. Lapakaemo hutapaeʼmo, Lahapao ke hone, Kogu aʼnemo alagepa huʼa maisayafeʼmo hapa maeyo, hutapa hapa paiyo.

Aiyeya 1:23

Neʼyagaiya vayakamogimo gemo noʼafiya vayane. Apakaemo kumayaʼmo neʼaliya vayaʼeʼmo magokepi lokaeʼa neʼmaiye. Muki neʼyagaiya vayaʼmogimo kutulu yaʼmo hisaya monieʼmo hapauʼniye. Monimo fiku alisayafeʼmo vegala neʼae. Apakaemo megusa mafaʼne anagaʼmo hapa noʼmae. Kogu aʼne anagaʼmogi geʼapimo alagepa huʼa oʼafiʼa aliʼa kanale huʼa noʼapatae.

Aiyeya 11:4

agaemo fatago kavaʼaletiʼmo kagemi yaʼapimo ohaneʼniya vayaʼmo alino fako huno apategaiye. Agaemo lama geʼaletiʼmo hunoʼaeʼmo himuʼnamu kavaʼmo osuʼa yagu yaga kavaʼmo nehaya vayaʼmo hapa maegaiye. Agaemo avayafatiʼmo uʼniya kayotetiʼmo ma mopafi vayaʼmo apamagigiye. Avamusatetiʼmo hosu vayaʼmo kamitimo apamagigiye.

Neniyo 4:27

O kini vekamogae, huʼna, kaipa kagesa afi yaʼmo kamisuva gemo afisanafeʼmo nahauʼniye. Alagamuna kavaʼmo kagaeteʼmo afole aigiyanagi hosu kavakamo ataleteka fatago kavaʼmo huvo. Feʼno yaʼapimo ohaneʼniya vayaʼaitegamo hosu kavaʼmo osuka kahau huka apato. Gotiʼa alagepa huka maisanafeʼmo asole yaʼmo kamisifi okamisifigi amalageka huka ago, huno ha paiʼniye.

Yoni 7:24

Amega apakufaʼalekeʼmo apaketetapa alita fako osutapa apaketa alagepa hutetapaekeʼmo alita fako hiyo.

Himulu 1:9

Kagaemo alagepa kavafekeʼmo kahauʼnigekaeʼmo gemo amagiʼa neʼatalaya kavafeʼmo kaini huʼnanageno Gotikamoʼmo uvelimo lakino kateʼnigekaeʼmo lusi kava huka kamogaga aiteka kafalukamogimo ago aeka apakaseka maiʼnane, huno huʼniye.

Leveleseni 19:11

Ageʼnovana kokuʼnaʼmo halo aiʼnigeno naulagaleʼmo yaveyave hosimo maiʼnigeno ani hosileʼmo fai maiʼniya vekamo agiʼamo aliʼyaʼmo alagi oʼataleno alige gemo oʼataleno huge nehiya vekamae. Mago alu agiʼamo alagi lama geʼageʼmo nehiya vekamae. Agaemo fatago kavaʼaletiʼmo vayaʼai kavaʼapimo alino fako huno apatege kame huno apatege nehiye.

1 Samiyo 19:4

Inagi Yonataniʼmo Soloʼeʼmo neʼeʼanaeʼmo kege huʼanaeʼmo Yonataniʼmo Nevinifeʼmo alagepa ava gemo huno Solofeʼmo ha painoʼaeʼmo, Neviniʼmo kagaetegamo mago hosu kavaʼmo osuʼnifa kagaetegamo lusi alagepa kavaʼmo huʼniye. Huʼniyaʼmofeʼmo hosu kavanageka kini vekamoga aliʼyakamo neʼaliya vekalegamo hosu kavaʼmo hugane.

1 Samiyo 20:32

Yonataniʼmo Solo geʼaleʼmo aeno atagaina hunoʼaeʼmo, Na kava higekaeʼmo kamitimo amagigane. Haiya hosu kavaʼmo huʼniye, huno ha paiʼniye.