Mai'naya kavane 30:9 - The Keyagana NT and 25 OT books

⁹ Fiku yanageʼna asole yaʼmo alisuvana nakameʼyamo kamiteʼna, Ala kava neʼmo ina laʼmae, huʼna huge kafu huteʼna kumayaʼmo aliteʼnaeʼmo Gotiʼnimogae, huʼna nehuva kagikaleʼmo aliʼna afepi katege huguve.

Mai'naya kavane 30:9 ပူးပေါင်းရင်းမြစ်များ

Samu 125:3

Hosu vayaʼmogimo muki afinaʼmo alagepa vayaʼai mopaleʼmo yagaiʼa oʼapategae. Alagepa vayaʼmogimo hosu kavaʼmo osisayafeʼmo muki afinaʼmo hosu vayaʼmogi yagaiʼa oʼapategae.

Hatu maeno apate'niya gemae 20:7

Lapakaemo Ala kava neʼmo Gotitapimo agiʼaleʼmo fikumo oʼaeyo. Mago vayaʼmogimo agiʼaleʼmo fikumo aesayaʼmoʼmo Ala kava neʼmoʼa kayoʼmo apamigiye.

Hatu maeno apate'niya gemae 5:2

Feloʼa hunoʼaeʼmo, Ala kava neʼmo ina laʼmo maiʼninageʼnaeʼmo nagaemo geʼamo afiteʼna Isaleli vayaʼmo apatalesugeʼa ugae. Nagaemo Ala kava neʼmo oʼageʼnovaʼmofeʼmo afaʼa apatalesugeʼa oʼugae, huno hana paiʼnigeʼanaeʼmo

Mai'naya kavane 29:24

Kumayaʼmo neʼaliya vekamo afaluʼamoʼmo agaiʼamo alagepa huno maisiyafeʼmo ohauʼniye. Agotileʼmo agoʼyamo ataleteno alagi lama gemo nehuve, huno huʼniyana afaluʼamoʼeʼmo huʼnaʼa kavafeʼmo aeno hakalo nosiye.

Aiyeya 59:13

Lagaemo kagaetegamo gekamo amagita atalege aigofe gemo huge Gotitimoʼmo ataleta uge lavayafatiʼmo gemo huta alita afepiʼmo apatege gekamo oʼafigune, huta huge huta maiʼnone. Laipafiʼmo lagesamo afiteta laipafatiʼmo aigofe gemo nehune. Apakaemo vayaʼmogi kavaʼapimo alagepa huʼa aliʼa fako huʼa oʼapateʼnagenoʼaeʼmo Ala kava neʼmoʼa agetenoʼaeʼmo alagepa aipamo kalino oʼapateʼniye.

Neniyo 4:17

Yagaiʼa neʼapataya enisole vayaʼmogimo ani agufa kavaʼmo afole aisiyafeʼmo ago vege hu maleʼnae. Muki vayaʼmo aeno apaka seno alagi anaga Gotiʼa muki kini vayaʼaiteʼmo yagaino neʼapateya kavaʼamo agesayafeʼmo apaote vayaʼmogimo ago vegemo hu maleʼnae. Gotiʼa ina laʼmo yagaino apatesiya himamuʼmo amiguve, huno hisifi afaʼa amigiye. Agaemo henagamo neʼmaiya vayapatikeʼmo yagaisayafeʼmo lekana paino neʼapate, huno huʼniye.

Neniyo 4:30

Mani Mamiloni taonimo alo huʼnova taonimo vayaʼmogi ageʼa amuse nehaya taonimo ohaneʼnifiye. Nagaiʼni ala nagiʼnilefeʼmo himamuʼniletiʼmo alo hutove, huno huʼniye.

Matiyu 26:72

anagatiʼmo alagi lama gemo nehuve, huno, oʼageʼnova vekae, huno halate huʼniye.

Matiyu 26:74

Pitaʼa hunoʼaeʼmo, lama gemo nosisuvana Gotiʼa lifana huno nategaiye. Anagatiʼmo alagi lama gemo nehuve, huno, oʼageʼnova vekae, huno hapa nepaigenoʼaeʼmo kokolemoʼmo age aiʼnigenoʼaeʼmo

Yasuva 24:27

Inagi Yasuvaʼa muki Isaleli vayaʼaifeʼmo ina gemo huno hapa painoʼaeʼmo, Ageyo, huno, Ani yafaʼmoʼa Ala kava neʼmoʼa muki laha paiʼniya geʼamo ago afiʼniyaʼmofemo ani yafaʼmoʼa vitanisi agufa gemo huno lapa paigiye. Lapakaemo ani yafaʼmo agetetapaeʼmo huʼnaya polomasi getapieʼmo lapakesamo afigae. Lapakaemo Gotitapimoʼmo lapakameʼyamo oʼamisayafeʼmo alagena yakana huno hanegaiye.