Mai'naya kavane 30:5 - The Keyagana NT and 25 OT books

⁵ Muki Goti geʼamo alagepa geʼageʼmo haneʼniye. Alagepa huno laha maegaiye, huʼa aliʼa amufa neʼamiya vayaʼai haleguʼapigana huno haneʼniye.

Mai'naya kavane 30:5 ပူးပေါင်းရင်းမြစ်များ

Aepa Gemae 15:1

Henagaʼamo Emalemiʼa alagamuna agegekana huno ageʼniyana Ala kava neʼmoʼa ha painoʼaeʼmo, Emalemiyo, huno, koli osuvo. Nagaemo halegukamo maiʼneʼna hetamakamo maiʼnove, huno ha paiʼniye.

Samu 119:140

Gekamo alagi alagepa gemo haneʼniyaʼmofeʼmo aliʼyakamo neʼaluva vekamoʼnamo gekaeʼmo nahau nayamopafiʼmo nahauʼniye.

Samu 12:6

Ala kava neʼmo geʼamo alagi lama geʼageʼmo haneʼniye. Vayaʼmogimo siluva yafaʼmo atafiʼmo seveni afinaʼmo kaete kaete huʼnagenoʼaeʼmo muki oʼaniʼya faiʼniya yaʼamo leno kalo paeno ataleʼnigeno siluva yafaʼageʼmo afole neʼaiya kava huno Goti geʼamo alagi lama geʼageʼmo haneʼniye.

Samu 18:2

Ala kava neʼmo yafaʼnimo maige avaʼe note lafi kegiʼyaʼnimo maige nagufamo alino katino neʼnateya vekaʼnimo maige huʼniye. Gotiʼnimoʼmo yafakana huno maiʼniyanageʼna aliʼna amufa amiguve. Agaemo haleguʼnimo maige kokuʼnapi uno haiʼniya nokana huno maige huʼneno yagaino nateʼnigeʼna alagepa huʼna maiʼnove.

Samu 18:30

Gotiʼa nagaetegamo alagepa kavaʼageʼmo nehiye. Muki afinaʼmo huguve, huno polomasi gemo hu maleʼniya geʼamo afole neʼaiye. Gotiʼa agaiʼalegamo eʼa fala nekiya vayaʼai haleguʼapimo maiʼniye.

Samu 18:31

Ala kava neʼmo Gotikeʼmo maiʼniye. Gotikeʼmo yafakana huno maiʼneno afaʼa laha maegaiye.

Samu 19:8

Keʼaepa gemo api gemo haneʼnigeʼa neʼafiya vayaʼmogi apamogaga neʼaiye. Ani kava hiyo, ina kava osiyo, huno huʼniya gemo hosu gemo ohaneʼnifa alagepa geʼageʼmo haneʼneno apaulagamo alino ayakeno apateteno alino alagepa huno neʼapate.

Samu 3:3

Nehayaʼmonanafa Ala kava nene, huʼna, kagaemo haleguʼnimo maiʼnane. Kagaekeʼmo naha maeʼnanageʼna aeʼna neʼapakasove. Kagaekeʼmo alika he tika neʼnatana vekamo maiʼnane.

Samu 84:11

Ala kava netimo yegetiʼe halegutiʼeʼmo maiʼniye. Agaemo ala apakiʼapimo apamiteno alagepa yaʼmo fiku hapa maeno apamigiye. Agaemo api kavaʼmo nehaya vayaʼaifeʼmo alagepa yaʼmo magokeʼageʼmo lapamiguve huno osugifa muki alagepa yaʼamo afaʼa apamigiye.

Samu 91:2

Nagaemo Ala kava nefeʼmo huʼnaeʼmo, agaepiʼmo fala kiʼna maiʼnogeno faino vego huno yagaino nateʼneno naha maeno nagufamo alino katino nateʼniya vekaʼnimo maiʼniye. Gotiʼnimoʼmo maiʼniyanageʼna aliʼna amufa amiguve.

Mai'naya kavane 2:7

Agaemo fatago vayaʼmogimo alagepa huʼa afiteʼa neʼagaya kavaʼmo alino anupa nehiye. Agaemo haleguʼapigana huno maiʼneno aeno hau vaino neʼapate.

Mai'naya kavane 29:25

Vayaʼaifeʼmo koli nehaya kavaʼmoʼmo aneʼaifiʼmo hegekana huno apatafaugiyaʼmonanafa Ala kava neʼmoʼa laha maegaiye, huʼa aliʼa amufa neʼamiya vayaʼmo alagepa huʼa maigae.

Lomu 7:12

Inagi muki keʼaepa gemo aote gemo haneʼnigeno magoke magoke keʼaepa gemoʼa ma kavaʼmo hiyo ina kavaʼmo osiyo, huno huʼniya gemoʼa aote gemo hanege fatago gemo hanege alagepa gemo hanege huʼniye.

Yemisi 3:17

Hugayaʼmonanafa siosi vayaʼmogi alagepa huʼa ageteʼa afiʼnaya kavaʼmo kokuʼnapatiʼmo aliʼnisayana hogoteʼa yaveyave apaipamo aliteʼa alagepa huʼa magokepi lokaeʼa maige yagu yaga kavaʼmo huge vayaʼai geʼapimo afiteʼa hapau huʼa apatege alu alagepa kava alu alagepa kavaʼmo huge nehae. Apakaemo muki vayaʼaitegamo magoke aiyaya kavaʼmo huteʼa aeʼa ati okaeʼa afole yateʼmo neʼmaiye.