Mai'naya kavane 30:3 - The Keyagana NT and 25 OT books

³ Afiteʼna agesuva gemo alagepa huʼna noʼafuve. Nagaemo Aote vekamo ageʼna aeto nosuve.

Mai'naya kavane 30:3 ပူးပေါင်းရင်းမြစ်များ

Mai'naya kavane 30:4

Ina laʼmo kokuʼnapiʼmo uno haiteno emineʼniye. Ina laʼmo yasimo alino anupa hu maleʼneno ayapiʼmo aliʼniye. Ina laʼmo aniʼmo hiyapiʼmo maleteno hiyatetiʼmo kukenagana huno vaino aino ati kaeno ateʼniye. Ina laʼmo muki ma mopamo alino lokiya vaino ateʼnigeno haneʼniye. Ani kavaʼmo huʼniya vekamo agiʼamo ina laʼmae. Mafaʼneʼamo agiʼamo ina laʼmae. Agiʼamo afiʼnapiye.

Mai'naya kavane 9:10

Ala kava nefeʼmo koli nehaya kavaʼmoʼa afiteʼa agesaya kavaʼmo aepa nefaiya kavaʼmo haneʼniye. Aote vekamo ageʼnaya kavaʼmoʼa afiʼa aeto nehaya kavaʼmo haneʼniye.

Aiyeya 57:15

Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.

Aiyeya 6:10

Kagaemo oʼafisaya apaipamo alika kalika apato. Apakesamo alika akaniteka apaulagamo alika ali huvo. Fiku yanageʼa apaulagafatiʼmo agege apakesafatiʼmo afige aliʼa apaipafiʼmo malege huteʼa nagaetegamo aiʼa atagineʼa esageʼna aliʼna alagepa huʼna apategauve, huno naha paiʼniye.

Aiyeya 6:3

Mago enisole vekamoʼmo alu enisole vayaʼaifeʼmo hunoʼaeʼmo, Ala kava neʼmoʼa asole vayaʼaiteʼmo yagaino neʼapateya vekamo aote vekamo maiʼniye, aote vekamo maiʼniye, aote vekamo maiʼniye. Ha le konali yaʼamoʼmo muki ma mopafiʼmo aino atagu faeno uneno huno havai teʼniye, huno hapa paiʼnigeʼa alu enisole vayaʼmogi afiteʼa ani gemo huʼa hapa paige huʼnae.

Matiyu 11:27

Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.

Matiyu 16:17

Yesuʼa ha painoʼaeʼmo, Saimoniyo Yona mafaʼneʼamogae, huʼna, Gotiʼa alino auleno kateʼniye. Mago ma mopafi vekamoʼmo alino kave oliʼnifa kokuʼnapi Afoʼnimoʼmo alino kave liʼnigeka nageka alagepa huʼnane.

Yoni 17:3

Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

Lomu 11:33

Vae, huʼna, solovala aniʼmo lusi vasilonamo haneʼniya kavakana huno agesamo neʼafiya kavaʼe afiteno aliʼyaʼmo neʼaliya kavaʼeʼmo vasilonagana huno haneʼniye. Lagaemo kahauya hugunaʼmonanafa alagi agae aipa agesamo oʼagegaune. Ina laʼmo aliʼyaʼmo neʼaliya kavaʼmo aepaʼamo agegaiye.

Leveleseni 3:7

Kagaemo Filatefiya taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo naote vekamo lama geʼageʼmo nehuva vekamoʼnamo Neviniʼa yagaino neʼapateya kava huʼna yagaiʼna apatesuva kiʼmo aliʼnova vekamoʼnamo mani gemo lapa nepauve. Kitamo yakiʼna apateʼnisugeʼapaeʼmo mago vayaʼmogi eʼa kitamo kiʼa oʼapategae. Kitamo ki maleʼnisugeʼapaeʼmo mago vayaʼmogi eʼa kitamo yakiʼa oʼapategae.

Leveleseni 4:8

Loleʼe loleʼe vayaʼmogimo sigisiʼa hapakumo haneʼnigeno muki apakufafiʼmo apaulagamo haneʼniye. Muki afinaʼmo felugaʼe haniʼilagaʼeʼmo maiʼa haga oleʼa huʼapaeʼmo, Ala kava neʼmo Gotiʼa muki himamuʼamo aliʼniya vekamo aote vekamae aote vekamae aote vekamo maiʼniye. Hogoteno maiʼniyanageno hemeniʼeʼmo neʼmaiyanageno henagaʼamo alagi maige maige huno maigiye, huʼa huʼnae.