Mai'naya kavane 30:23 - The Keyagana NT and 25 OT books

²³ ve anagaʼmogimo alisayafeʼmo nohapaiya a kanomo veleʼmo maisiya kavanagi aliʼyaʼmo neʼaliya a kanomoʼa aliʼyaʼmo itaʼamo aimuʼyaleʼmo neʼmaiya kavanagi huno haneʼniye.

Mai'naya kavane 30:23 ပူးပေါင်းရင်းမြစ်များ

Mai'naya kavane 12:4

Alagepa a kanomoʼa anauʼamoʼmo alagepa huno ha maesigeʼapaeʼmo ala agiʼamo amigayaʼmonanafa mago vekamo aʼamoʼmo hosu kavaʼmo hisigeno anauʼamoʼmo avagage hisigenoʼaeʼmo ani a kanomoʼa kaita haugegana huno anauʼamoʼmo alino hosu huno neʼate.

Mai'naya kavane 19:13

Negi mafaʼnemoʼmo afoʼamoʼmo kana yaʼmo alino neʼamiye. Mago vekamoʼmo muki afinaʼmo aʼaʼeʼmo ge neʼvaiʼa gemoʼmo aniʼmoʼmo lape tape huge huge huno neʼmaiya anikana huno haneʼniye.

Mai'naya kavane 21:19

Mago vekamoʼmo kaʼme kotegamo agaiʼageʼmo neʼmaiya kavaʼmoʼmo kaveta nehuno aipamo neleya a kanoʼeʼmo magokepi lokaeʼana neʼmaiʼa kavaʼmo ago aeno aga seʼniye.

Mai'naya kavane 21:9

Hiyato nopiʼmo maiʼnaya kavaʼmoʼa alagepa nopiʼmo maiʼneno kaveta nehiya a kanoʼeʼmo magokepi lokaeʼana maiʼnaʼa kavaʼmo ago aeno aga seʼniye.

Mai'naya kavane 27:15

Anauʼamoʼeʼmo ge neʼvaia a kanomo ko neʼaigenoʼaeʼmo muki afinaʼmo aniʼmo lape tape huno asagauno neʼaiya anikana huno maiʼniye.

Mai'naya kavane 29:21

Kagaemo aliʼyakamo neʼaliya mafaʼnemo aise mafaʼnemo maiʼniya afinatetiʼmo yagaika oʼateʼneka muki hauʼniya yaʼmo alika amisanaʼmoʼmo henagaʼamo kagaika mafaʼnemo maigiye.

Mai'naya kavane 30:22

Ani agufa kavaʼmo haneʼniyana aliʼyaʼmo neʼaliya vekamoʼmo kini vekamo nehamaleya kavanagi negi vekamoʼmo neʼyaʼmo neno amu nehiya kavanagi

Mai'naya kavane 30:24

Loleʼe loleʼe yaʼmo aise yagagi kafagi huʼa maiʼnayaʼmonanafa alagepa huʼa apakesamo neʼafiye.