Mai'naya kavane 30:2 - The Keyagana NT and 25 OT books

² Muki vayaʼmogimo ago aeʼa naga seʼnageʼna alagi oʼafiʼnova vekamo maiʼnove. Vayaʼmogi afiʼa aeto nehaya kava huʼna afiʼna aeto osuʼnove.

Mai'naya kavane 30:2 ပူးပေါင်းရင်းမြစ်များ

Samu 49:10

Apakaemo ago apakeʼnayana ageteʼa afiʼnaya vayaʼmo ago nefaliya kava huʼa muki vayaʼmo oʼafiʼnaya vayaʼe negi vayaʼeʼmo faliʼapaeʼmo kagemi yaʼapimo ataleʼa faliʼnageʼapaeʼmo alu vayaʼmogi neʼaliye.

Samu 73:22

Negi nagi kavaʼmo huteʼna oʼagege oʼafige huteʼna kaulagaleʼmo maiʼneʼnaeʼmo afela afugana huʼna maiʼnove.

Samu 92:6

Oʼafiʼniya vekamoʼmo ani kavaʼmo afaʼa oʼagegaiye. Negi vekamoʼmo ani kavafeʼmo alagi afino aeto osugiye.

Mai'naya kavane 12:1

Aliʼa aya neʼmalaya geʼapieʼmo hauʼniya vekamoʼmo afino aeto hisiya kavafeʼmo hauʼniyaʼmonanafa aliʼa api aiʼa atesaya geʼapieʼmo ohauʼniya vekamo negi vekamo maiʼniye.

Mai'naya kavane 30:1

Agaʼmo yage mafaʼnemo maiʼneno Itiyoʼe Ukaliʼefeʼmo ina ge huno hana paiʼniye.

Mai'naya kavane 5:12

Lapakaemo ina ge hutapa hugae. Nagaemo negi nagi huʼnove. Aliʼa naya malesaya kavafeʼmo alagi oʼnahauʼniye. Hosu kavaʼmo nehane, huʼa naha paiʼnageʼnaeʼmo ina agufa gemo huʼnae, huʼna huʼnove.

Aiyeya 6:5

Nagaemo huʼnaeʼmo, Nagaemo oʼaniʼya navayamo haneʼnigeʼna oʼaniʼya apavayamo haneʼniya vayaʼmogi folagapiʼmo maiʼnovaʼmofeʼmo lusi kava huʼna kage kage huteʼnaeʼmo, alagi afela heʼnove. Faliʼnova vekamo maiʼnove. Naulagafatiʼmo Ala kava neʼmo asole vayaʼaiteʼmo yagaino neʼapateya kini vekaʼapimo ago ageʼnovaʼmofeʼmo faliʼnova vekamo maiʼnove.

Lomu 11:25

Konagaʼnimogitapae, huʼna, alagepa huta afiʼnone, huta hutetapa himuʼnamu kavaʼmo osisayafeʼmo mago fala kiʼniya gemo lapa paisugetapa afisayafeʼmo nahauʼniye. Gotiʼa mago Isaleli vayaʼai apakesamo aino akani maleʼnigeʼa geʼamo oʼafiʼa maime maime neʼvisageʼapaeʼmo mago alu nofi vayaʼmogimo Goti kegiʼyafiʼmo uʼa haite haite huʼa haiʼa lekana pai maleʼniya vayaʼmo afole aigae.

1 Kolitiyani 3:18

Lapakaitapieʼmo humi olapateyo. Lapakaepatiʼmo mago vekamoʼmo ma mopafi vayaʼmogi afiteʼa ageʼnaya agufa gemo afitenoʼaeʼmo, ageteʼna afiʼnova vekamo maiʼnove, huno agesamo neʼafisiyana ageteno afiʼniya geʼamo ataleteno, negi vekamo maiʼnove, huno hino. Huno hisiyana lama geleʼmo ageteno afiʼniya vekamo hamalegaiye.

1 Kolitiyani 8:2

Afiʼnone, huʼa nehaya vayaʼmogimo magoke alagepa gemo alagi oʼafiʼnae.

Yemisi 1:5

Lapakaepatiʼmo mago vekamoʼmo ageteno afiʼniya kavaʼamo magoʼe huno oʼaliʼnisiyaʼmoʼmo Gotifeʼmo ge huno afi gesigeno Gotiʼa ge ohaugiyanageno muki vayaʼaina magoʼe huno apamigiye.