Mai'naya kavane 30:14 - The Keyagana NT and 25 OT books

¹⁴ Mago nofi vayaʼmogi apaveʼmo haginagana huno apavayafiʼmo haneʼnigeʼa kagemi yaʼapimo ohaneʼniya vayaʼmo hapaeʼa nege kafu huʼnaya vayaʼmo hapaeʼa nege nehae.

Mai'naya kavane 30:14 ပူးပေါင်းရင်းမြစ်များ

Samu 12:5

Ala kava neʼmoʼa hunoʼaeʼmo, apakaemo kagemi yaʼapimo ohaneʼniya vayaʼmo aliʼa afepi neʼapatae. Kafu huteʼa alagepa huʼa noʼmaiya vayaʼmogimo ha ha nehayaʼmofeʼmo he tiʼna hapa maegauve. Afaʼa maisayafeʼmo hapauʼniyanageʼna hapa maeteʼna aliʼna alagepa huʼna apategauve, huno huʼniye.

Samu 124:6

Lagaemo Ala kava nefekeʼmo alita auleta ategetao, laha maeʼnigeʼa kame vayatimogimo afaʼa lahaeʼa hano osuʼnayaʼmofeʼmae.

Samu 14:4

Gotiʼa hunoʼaeʼmo, oʼafiʼneʼa hosu kavaʼmo nehaya vayaʼmo negi nagi vayaʼmo maiʼnafiye. Neʼyaʼmo neʼnaya kava huʼa vayaʼnimo apamagiʼa hano huʼa apataleteʼa Gotifeʼmo nunumuʼmo nosae, huno huʼniye.

Samu 3:7

Ala kava neʼmo Gotiʼnimogae, huʼna, he tika nagufamo alika katika nato. Kagaemo muki kame vayaʼnimo kayoʼmo neʼapaminagenoʼaeʼmo lokiyaʼapimo alagi hano nehiyanageʼa oʼnahaegae.

Samu 57:4

Nagupi mafaʼnemoʼmo laiyoni anagaʼmogi folagapiʼmo maiʼniye. Nagaemo ma mopafi vayaʼmo atagana huʼa maiʼnaya vayaʼai folagapiʼmo maiʼnove. Apaveʼmoʼa hayo kana huno hanege kevegana huno hanege huʼniye. Apavenafuʼnamo aveʼmo neʼneya naipegana huno haneʼniye.

Samu 57:5

O Gotiyo, huʼna, vayaʼmogimo kagikaleʼmo aliʼa asaga hisageno alagi anagagemo uno haino. Ma mopafi muki haopalegamo ha le konali yakamoʼa aino atagu faino.

Samu 58:6

O Gotiyo, huʼna, Laiyoni afumoʼmo lusi kava huno kamemo nehiya agufa kava huʼa maiʼnayanagi apaveʼmo aika atafaika alagi aika akaika atalo.

Mai'naya kavane 12:18

Naipemoʼmo vayaʼai apaipafiʼmo neʼaeya kava huʼa mago vayaʼmogi lokiya gefatiʼmo huʼnagenoʼaeʼmo apakafu nekiya gemo nehayaʼmonanafa afiteʼa ageʼnaya vayaʼmogimo geʼapiletiʼmo vayaʼmo hapa maeʼa aliʼa alagepa huʼa neʼapatae.

Mai'naya kavane 22:16

Mago vekamoʼmo kagemi yaʼmo magoʼe huno alisiyafeʼmo kafu nehaya vayaʼmo kana yaʼmo alino neʼapamisiyaʼmoʼmo agaiʼageʼmo kafu hisiya vekamo maigiye. Ani kava huno kagemi yaʼapimo haneʼniya vayaʼmo neʼapamiya vekamoʼmo kafu hisiya vekamo maigiye.

Mai'naya kavane 28:3

Mago kagemi yaʼamo ohaneʼniya vekamoʼmo kagemi yaʼapimo ohaneʼniya vayaʼaina alino afepi neʼapateya kava huno alopa yasimo alige ko aige huʼnigenoʼaeʼmo neʼyaʼmo alino hosu huno neʼataleya kavakana huno haneʼniye.

Mai'naya kavane 30:15

Hiʼnoʼmoʼa kolaʼmo neʼneya kafamoʼmo lole a mafaʼneʼalaʼmo maiʼneʼanaeʼmo laʼamiyo, huʼana aukaya nehaʼae. Loleʼe loleʼe yaʼmo haneʼnaya yaʼmogimo alagi haiʼmo aliʼnone, huʼa nosae.

Aiyeya 32:7

Hosu kavaʼmo hisiyafeʼmo agesa afifi nehiye. Kagemiyaʼapimo ohaneʼniya vayaʼmo aigofe geletiʼmo alino hosu huno apatesiyafekeʼmo agesa afifi nehiye. Kafu huʼnaya vayaʼmogi fatago gemo nehaya afinaʼeʼmo alino hosu huno apatesiyafekeʼmo nehiye.

Hamakaki 3:14

Vayaʼmo kesi kateti eʼa aliʼa afepi apateʼnaya vayaʼai neʼyaʼapimo kumaya aliteʼa apamogaga aiʼnaya kava huʼa ani ati vayaʼmogi aliʼa laha faiʼa latalesayafeʼmo eʼa apamogaga aiʼnae. Apamogaga aiʼnayaʼmonanafa apakaeteʼmo yagaino apateʼniya vekamo agaiʼa hayoletiʼmo alika agufafiʼmo aeʼnane.

Sefanaiya 3:3

Yulusalemu koteʼmo yagaiʼnaya vayaʼmogi kaekae nehaya laiyonigana huʼa maiʼnae. Agoti gemo neʼafiya vayaʼmo afela kala anagaʼmogimo lusi kava huno apaka teʼnigeʼa neʼyaʼmo neʼa hano nehaya agufa kavaʼmo nehae.

Matiyu 23:13

Keʼaepa gemo avoʼmo kaeta alita apaya neʼmalaya vayaʼmogitapaʼe Falasi mono vayaʼmogitapaʼeʼmo aeta ati nekaya vayane, huʼna, vaehae, Lapakaetegamo kage kage kavaʼmo afole aigiye. Gotiʼa yagaino neʼapateya kote kipateʼmo he tiʼa maiʼnaya vayaʼai apaulagaleʼmo kitamo kitapa neʼapatae. Lapakaitapimo uta nohaifa uʼa haisayafeʼmo nehaya vayaʼai kaʼmo akanitapa neʼapatae.

Leveleseni 9:8

Apayokaʼamo aʼne anagaʼai apayokagana huno yatala apayokaʼmo haneʼniye. Apaveʼmo laiyoni anagaʼai apavekana huno haneʼniye.