Mai'naya kavane 30:12 - The Keyagana NT and 25 OT books

¹² Mago nofi vayaʼmo hosu kavaʼapimo aeno kalopaeno oʼataleʼniyana apakaiʼapi apaulagaleʼmo hosu kavatimo ohaneʼnigeta kanale laipa lagesa vayaʼmo maiʼnone, huʼa nehae.

Mai'naya kavane 30:12 ပူးပေါင်းရင်းမြစ်များ

Samu 36:2

Ala vayaʼmo maiʼnone, huʼa nehayaʼmofeʼmo Gotiʼa hosu kavatimo oʼagege hosu kavaʼmo nehae, huno osuge nehiye, huʼa apakesamo neʼafiye.

Samu 51:2

Muki hosu kavaʼnimo alagi aeka kalo paeka atalo. Hosu kavaʼnimo alika ataleteka alika alagepa huka nato.

Samu 51:7

Aika fuli fuli huka faleka nategeʼnao yaveyave vekamo maino. Sese huka nategeʼnao yaveyave yafakana huʼna yaveyaveʼageʼmo huʼna magoʼe huʼna yaveyave vekamo maino.

Mai'naya kavane 16:2

Vayaʼmogi apaulagaleʼmo muki kavaʼapimoʼmo yaveyave kavaʼageʼmo haneʼniyaʼmonanafa Ala kava neʼmoʼa alagepa huno kavaʼapimo aepaʼamo alino fako huno neʼage.

Mai'naya kavane 21:2

Muki vayaʼmogi huʼapaeʼmo, alagepa kavaʼmo nehune, huʼa nehiyaʼmonanafa Ala kava neʼmoʼa apaipafi kavaʼmo alino fako huno neʼage.

Aiyeya 1:16

Lapakaitapimo sese huta lapateyo. Yaveyave apaipa vayaʼmo alita hamaletapa apateyo. Naulagaleʼmo hosu kavatapimo alita ataleyo. Magoʼe hutapa osuta ataleyo.

Aiyeya 65:5

Apakaemo alu vayaʼaifeʼmo ina gemo huʼa hapa paiʼapaeʼmo, Nagaemo aeʼna kaga seʼna alagi alagepa naote vekamo maiʼnovaʼmofeʼmo lapakaemo nagaeteʼmo afagiʼaleʼmo maitetapa nagaetegamo oʼmeyo. Apakaemo nagaemo lusi kava huno naipamo lesiya agufa kavaʼmo nehagenoʼaeʼmo naipamo neleya kavaʼmoʼa nagoʼya kapatiʼmo halinamo neʼaiye. Muki neteʼe uneʼeʼmo naipamo lena neʼapatove.

Luki 16:15

Yesuʼa apakaefeʼmo hunoʼaeʼmo, lapakaemo vayaʼmogi apaulagaleʼmo kanale vayaʼmo maisayafeʼmo muki kavaʼmo nehayaʼmonanafa Gotiʼa lapaipafiʼmo ageʼniye. Vayaʼmogimo mago kavafeʼmo agiʼaleʼmo aliʼa neʼasagayaʼmonanafa Goti aulagaleʼmo alagi hosuʼniya kavaʼmo haneʼniye.

Luki 18:11

Falasi vekamoʼmo he tino maiʼneno agaiʼaeʼmo nunumuʼmo huʼniye. Nunumuʼmo hunoʼaeʼmo, Gotiyo, huno, muki alu vayakana huʼna oʼmaiʼnovaʼmofeʼmo kahao keʼmo nehove. Mago kanale kavaʼmo osuge aigofe gemo huteʼa kumayaʼmo alige kumai kavaʼmo huge nehaya vayakana huʼna oʼmaiʼnove. Ani takesi monimo neʼaliya vekagana huʼna oʼmaiʼnove.

1 Kolitiyani 6:11

Hogotetapa magoʼamogitapamo ani agufa vayaʼmo maiʼnae. Maiʼnayaʼmonanafa Kalaisiʼa ani faleno lapateʼnigeno Goti Aunemeʼamoʼa lapavaleno lapaote lapateʼnigeno Gotiʼa Ala kava netimo Yesu Kalaisi agiʼaletiʼe Aunemeʼaletiʼeʼmo, naulagaleʼmo fatago vayaʼmo maiʼnae, huno lapa paiʼniye.

2 Timoti 3:5

Apakaemo Gotifeʼmo amega apakufaletiʼmo mono nehayaʼmofeʼmo nehaya kavaʼapiletiʼmo huʼapaeʼmo, Goti himamuʼaletiʼmo apaipafiʼmo aliʼyaʼmo noʼaliye, huʼa aliʼa apave neliye. Ani agufa vayaʼmo apataleka kaote maiyo.

Taitasi 3:5

Agaemo fatago kavaʼmo huta alagepa aliʼyaʼmo aliʼnona kavatiletiʼmo lagufamo alino katino olateʼnifa fikumo hau huno latetenoʼaeʼmo lagufamo alino katino lateʼniye. Aunemeʼaletiʼmo alino lateteno hosu kavatimo aeno kalo paeno lateʼnigetaeʼmo saufa vayaʼmo hamaleʼnone.

Leveleseni 1:5

Yesu Kalaisiʼa Gotifeʼmo lama ge ava gemo nehiya vekamoʼmo faliʼnaya vayapatiʼmo hogoteno alino he tino ateʼniya yege mafaʼneʼamo maiʼniye. Agaemo ma mopafi ala kini vayaʼaiteʼmo yagaino neʼapateya vekaʼapimoʼa fikumo lapa maeno lapamisigeno lapaipamoʼmo falu hino. Agaemo lagaefeʼmo hau ayamopafiʼmo hauʼnigenoʼaeʼmo hosu kavatimo kolaʼaletiʼmo aeno kalo paeno ataleʼniye.