Mai'naya kavane 3:6 - The Keyagana NT and 25 OT books

⁶ Muki kavaʼamo nehukaeʼmo Ala kava nefeʼmo kagesa alaʼamo afigenoʼao muki kaʼmo alino ho huno kategaiye.

Mai'naya kavane 3:6 ပူးပေါင်းရင်းမြစ်များ

Esala 7:27

Esalaʼmo ani avoʼmo lekana paino afitenoʼaeʼmo Goti aulena agiʼamo amiʼniye. Agaemo hunoʼaeʼmo, Laginago vayaʼmogi Gotiʼapimoʼmo Ala kava nefeʼmo namogaga aiʼna haoke nehove. Agaemo Ala kava neʼmo Yulusalemu taonifiʼmo mono noʼaleʼmo alagepa kavaʼmo hisiyafeʼmo Gotiʼa kini vekamo aipafiʼmo alagepa kavaʼmo maleʼniye.

Samu 32:8

Gotiʼa hunoʼaeʼmo, nagaemo visana kaʼmo alagepa huʼna aliʼna kaya maleteʼnaeʼmo kave liguve, huno huʼniye. Naulagaletiʼmo visana kaʼmo kave liguve.

Mai'naya kavane 11:5

Vaiʼmo oʼaliʼnisaya vayaʼai fatago kavaʼapimoʼa visaya kaʼmo alino api aino apategaiyaʼmonanafa hosu vayaʼmogimo hosu kavaʼapiletiʼmo asagauʼa aigae.

Mai'naya kavane 16:3

Muki kavaʼmo hisanafeʼmo hukaeʼmo Ala kava neʼmo ayapiʼmo alika maleʼnegenoʼao kagesafiʼmo afaʼa hanegaiye.

Mai'naya kavane 16:9

Vayaʼmogimo hisaya kavafeʼmo apakesamo neʼafiyaʼmonanafa Ala kava neʼmoʼa agaiʼageʼmo alino ho huno neʼapate.

Mai'naya kavane 23:17

Kagaemo hosu vayaʼmogimo alagepa huʼa neʼmaiyanageʼna ani agufa kava huʼna maiguve, huka kagesamo oʼafika muki afinaʼmo Ala kava nefekeʼmo koli huvo.

Aiyeya 26:7

Fatago vayaʼmogimo api kateʼmo neʼvae. O alagi api Gotigae, huʼna, kagaemo fatago vayaʼmogimo neʼvaya kaʼmo alika api aika neʼatane.

Aiyeya 45:13

Nagaemo kini vekamo Sailasiʼmo fatago kavaʼniletiʼmo aliʼna he tiʼna ateʼnovanageʼna muki visiya kaʼmo aliʼna kanale huʼna valiʼna ategauve. Agaemo halate nagae taonimo kige vayaʼnimo afaʼa visayafeʼmo hatu maeno apatege hisiyafeʼmo miyaʼamo oʼaligiye. Asole vayaʼaiteʼmo yagaiʼna apateʼnova Ala kava neʼmoʼnamo mani gemo alagi huve.

Napa 9:20

Mago afinaʼmo hiyaʼmo aupa afinaʼmo seli mono noʼmo anagamo haneteno uʼniye. Hiyaʼmo yatala afinaʼmo haneʼnifi aupa afinaʼmo haneʼnifi huʼnigeʼapaeʼmo Isaleli vayaʼmogimo visafi maisafi Ala kava neʼmo geʼamo akame huteʼa hiyaʼmoʼa alino apave liʼniya agufa kavaʼmo huʼnae.

1 Kolitiyani 10:31

Inagi lapakaemo muki kavaʼmo hisaya afinaʼmo neʼyaʼmo nege aniʼmo nege nehutapaeʼmo Goti agiʼalekeʼmo alita asaga hisayafekeʼmo muki kavaʼmo hiyo.

2 Kolitiyani 8:16

Nagaemo lapa maesuvafeʼmo lusi kava huʼna nagesamo neʼafuva kava huno Taitasiʼeʼmo lapa maesiyafeʼmo agesamo neʼafiye. Gotiʼa Taitasi aipafiʼmo agesamo afiʼniya kavaʼmo amiʼniyaʼmofeʼmo Gotifeʼmo hao ke nehove.

Filipai 4:6

Mago kavafeʼmo lapausoli osuta muki kavatefeʼmo nunumuʼmo hutapa afi neketapaeʼmo hao ke hetapa lapauʼnisiya yafeʼmo Gotifeʼmo ge huta afi gegenoʼao lapaipamo alino falu huno lapategaiye. Haiya kava huno laipamo alino falu huno nelatefi huta oʼageʼnonaʼmonanafa afaʼa alino falu huno lapatesiya kavaʼmoʼa Kalaisi Yesupiʼmo maiʼnayanageno lapaipa lapakesaleʼmo afaʼa yagaino lapategaiye.

Kolosi 3:17

Muki agufa kavaʼmo huge muki agufa gemo huge nehisayana Ala kava neʼmo Yesu agiʼalefeʼmo hutetapa agaetetiʼmo afotimo Gotifeʼmo hao ke heta maiyo.

Kolosi 3:23

Muki alu aliʼya alu aliʼyaʼmo neʼalitapaeʼmo vayaʼaitefeʼmo aliʼyaʼmo noʼalufa Ala kava netefeʼmo mani aliʼyaʼmo neʼaluve, huteta lapayamukiki hutapa aliʼyaʼmo aliyo.

Yemisi 1:5

Lapakaepatiʼmo mago vekamoʼmo ageteno afiʼniya kavaʼamo magoʼe huno oʼaliʼnisiyaʼmoʼmo Gotifeʼmo ge huno afi gesigeno Gotiʼa ge ohaugiyanageno muki vayaʼaina magoʼe huno apamigiye.

1 Samiyo 30:8

Neviniʼmo Ala kava nefeʼmo ina ge huno ge huno afinoʼaeʼmo, Nagaemo uʼna ani vayaʼmo apavegala aegaufiye. Visuvana apakaetegamo uʼna avaʼyi hisufiye, huno ge huno afigeʼnigenoʼaeʼmo, Uka apavegala ao. Kagaemo uka apakaetegamo avaʼyi hutekaeʼmo muki kagemi yatapimo halate alige ane anagatapiʼe mafaʼne anagatapiʼeʼmo halate apavalege hugane, huno ha paiʼniye.