Mai'naya kavane 3:34 - The Keyagana NT and 25 OT books

³⁴ Ala kava neʼmoʼa huʼa faipa huʼa apateteʼa apakameʼyamo neʼamiya vayaʼaifeʼmo huno faipa huno apateteno akameʼyamo neʼapamiye. Akameyamo neʼapamiyaʼmonanafa ina agufa vayaʼmo maiʼnone, huʼa apakesamo neʼafiya vayaʼmo fikumo hapa maeno neʼapamiye.

Mai'naya kavane 3:34 ပူးပေါင်းရင်းမြစ်များ

Samu 138:6

Ala kava neʼmo alagi anaga hogote vekamo maiʼniyaʼmonanafa agaemo afa vayaʼaifeʼmo agesamo neʼafiye. Apakaefeʼmo agesamo neʼafiyaʼmonanafa ala vekamo maiʼnove, huʼa nehaya vayaʼmo afagitegamo maiʼnageno apakeʼniye.

Samu 18:26

Yaveyave apaipa vayaʼmogi yaveyave Gotigamo kagegae. Kayagi kayaga kavaʼmo nehaya vayaʼaitegamo kayagi kayaga kavaʼmo hugane.

Mai'naya kavane 1:26

Ani kavaʼmo huʼnayaʼmofeʼmo hanageke yaʼmo neʼalisageʼnaeʼmo kigi huʼna lapategauve.

Mai'naya kavane 14:9

Negi vayaʼmogimo hosu kavaʼmo anonaʼapilefeʼmo vaiʼmo neʼaliʼapaeʼmo ina agufa kavane, huteʼa kigi nehayaʼmonanafa Gotiʼa fatago vayaʼaifeʼmo hapaoke nehe.

Mai'naya kavane 16:19

Ina agufa vekamo maiʼnove, huno huteno ani agufa vayaʼeʼmo magokepi lokaeno neʼmaiya vekamoʼmo magoʼe huno alagepa huno maigiyaʼmonanafa apakiʼapileʼmo aliʼa asaga huʼa neʼataya vayaʼeʼmo magokepi lokaeno maiʼneno kumaya aliʼnaya kagemi yaʼmo aliʼa fako huʼa aliʼnaya kagemi yapatiʼmo alisiya vekamo alagepa huno oʼmaigiye.

Mai'naya kavane 19:29

Himuʼnamu kavaʼmo nehaya vayaʼmo agoti huʼa apategae. Negi vayaʼmo kayoʼmo apamigae.

Mai'naya kavane 21:24

Agae agiʼaleʼmo alino asaga huno atege vayaʼai apakiʼapileʼmo alino afepi apatege nehiya vekamo agiʼamo himuʼnamuʼmae. Agaemo ala agimo alisiyafeʼmo himuʼnamu kavaʼmo nehiye.

Mai'naya kavane 9:12

Afiteka agesana kavaʼmo alisanana kagaikamo alika auleka kategane. Himuʼnamu kavaʼmo hisanana kagaikamo kana yaʼmo alika kamigane.

Aiyeya 57:15

Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.

Yemisi 4:6

Haʼye nehiyaʼmonanafa Gotiʼa fikumo laha maeno magoʼe huno nelamiye. Ani kavatefeʼmo hunoʼaeʼmo, Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fikumo hapa maeno neʼapamiye, huno huʼniye.

1 Pita 5:5

Neya vayaʼmogitapae, huʼna, vayatama vayaʼai apaiyafiʼmo maiʼnetapa geʼapimo afiyo. He, muki vayaʼamogitapae, huʼna, ina agufa vayaʼmo maiʼnone, nehutapa aliʼyaʼmo neʼaliya vayaʼmogimo aliʼa neʼvaiya kukenamo aliʼa neʼvaiya kava hutapa konagatapimogi apaiyafiʼmo maiʼnetapa geʼapimo afiyo. Na kava nehiyaʼmofeʼmae. Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fiku hapa maeno neʼapamiye.