Mai'naya kavane 3:25 - The Keyagana NT and 25 OT books

^25-26 Ala kava neʼmoʼa naha maegaiye, huka kagesamo afiganaʼmofeʼmo malage huno koli kavaʼmo afole aisigeka koli osuvo. Ala kava neʼmoʼa kaha maesigeʼa vayaʼmogi aneʼaimo hanagi maleʼnisageno kaiyaleʼmo oʼatafaugayaʼmofeʼmo hosu vayaʼmogimo hanageke yaʼmo kamisaya afinaʼmo koli osuvoe.

Mai'naya kavane 3:25 ပူးပေါင်းရင်းမြစ်များ

Samu 112:7

Aipamoʼmo atete nosigeno Ala kava nefeʼmo alino amufa neʼamiye. Hosu kavafeʼmo ava gemo afisiyafeʼmo koli osugiye.

Samu 73:19

Lusi hosu yaʼmo apaminageʼapaeʼmo malage huʼa uʼa lamiʼa hano nehae. Lusi kava huʼa apamoʼyamo neʼaiya kavaʼmoʼa atafi kaegekana huʼa aliʼa hano huʼa neʼapatalae.

Samu 91:5

Apakaemo hanipifeʼmo koli hisaya yafeʼmo kagaemo koli osugane. Kevemoʼmo malage huno eno haniʼniya kava huno yegemo neleya afinaʼmo hosu kavaʼmoʼa malage huno kahaesiya kavafeʼmo koli osugane.

Mai'naya kavane 1:27

Lusi kava huno yasi aliteno ko aigekana huno hosu kavaʼmo lapakaeteʼmo afole aisigetapa lapamoʼyamo aigae. Lusi kava huno yasi aligekana huno aliteno alino lapagoʼya lagauno lapatalegaiye. Lapakafu kisigetapa lusi hosu kavaʼmo hutapa maigae.

Aiyeya 54:14

Nagaemo fatago kavaʼniletiʼmo aliʼna lokiya vaiʼna katesugeka alagepa huka maige maige huka maigane. Mago vayaʼmogi eʼa aliʼa afepiʼmo katesageka koli osugane. Lusi kava huka koli hisana kavakamo afole oʼaigiye.

Maika 4:4

Osugayaʼmonanafa muki vayaʼmogimo apaote apaote huʼa nofi hoyaʼapifiʼe fiki hoyaʼapifiʼeʼmo alagepa huʼa fai maisageʼa mago vayaʼmogi koli yaʼmo aliʼa oʼapamigae.

Matiyu 24:15

Gotitegati gemo alinineno aeno hakalo huno hapa nepaiya vekamo Naniyoʼa alagi hosu faipa yaʼmoʼa alino hosu huno atesiya kavafeʼmo ava gemo huno avoʼmo kae maleʼniye. Lekana nepaiya vayaʼmogitapamo afiyo. Ani faipa yaʼmo aote mono nopiʼmo hanesigeta

Matiyu 24:6

Lapaopaleʼmo kamemo hisaya kavafeʼmo ava gemo hisagetapa afige afagi kotegamo kamemo hisaya kavafeʼmo ava gemo hisagetapa afige hutetapaeʼmo atete huteta koli osiyo. Ani kavaʼmo afole aigiyaʼmonanafa hano hugefe hisiya afinaʼmo afole oʼaigiyaʼmonanafa henagaʼamo atupa afinakeʼmo afole aigiye.

Maki 4:40

Yesuʼa geʼamo neʼafiya vayaʼaifeʼmo hunoʼaeʼmo, na kava higetapa lusi kava huta koli nehae. Na kava higetapa nagaefeʼmo lapakesamo afita fatago nosae, huno hapa paiʼnigeʼapaeʼmo

Luki 21:9

Mago vayaʼmogi kamemo hisaya kavafeʼmo apava gemo huge lusi kaveta hisaya kavafeʼmo apava gemo huge hisagetapaeʼmo koli osiyo. Ani agufa kavakoʼmo hogoteno afole aisigetapaeʼmo hemenimo alagi ago hano hisiya afinaʼmo hogo nehiye, hutapa osiyo.

Yoni 14:1

Yesuʼa hunoʼaeʼmo, Lahapausoli osuge lapaipamoʼmo atete osuge hino. Gotifeʼmo lapakesamo afita fatago huge nagaefeʼmo lapakesa afita fatago huge nehayaʼmofeʼmo oʼataletapa magoʼe hutapa lapakesa afita fatago hiyo.

1 Pita 3:14

Osugayaʼmonanafa alagepa kavaʼmo nehisagenoʼaeʼmo mago vekamoʼmo lapakaetegamo hosu kavaʼmo nehisiyana Goti aulagaleʼmo alagepa huta maiʼnayanagetapa afaʼa lapamogaga aigae. Mago geletiʼmo huʼa lapausoli hisaya gemo nehisagetapaeʼmo lapamoʼya aitetapa koli osiyo.