Mai'naya kavane 3:23 - The Keyagana NT and 25 OT books

²³ Kagaemo visana kateʼmo alagepa huka ugane. Visanagenoʼaeʼmo kaiyafiʼmo okahaegaiye.

Mai'naya kavane 3:23 ပူးပေါင်းရင်းမြစ်များ

Samu 119:165

Keʼaepa gekaeʼmo hapau apayamopafiʼmo hapauʼniya vayaʼmo alagepa huʼa maiʼnageno apaipamoʼmo falu nehiyanageno mago yaʼmoʼa apavalelino asagauno aisiya yaʼmo alagi ohaneʼniye.

Samu 121:3

Yagaino kateʼnisigeka aeka halu vale lamika asagauka oʼaigane. Yagaino nekateya vekamo au okalegaiye.

Samu 121:8

Nokamo ataleka visanagenoʼaeʼmo Ala kava neʼmoʼa yagaino katege atagi neka esanagenoʼaeʼmo yagaino katege hugiye. Hemenimo yagaino nekateyanageno henagaʼamo muki afinaʼaeʼmo yagaino katesigeka alagepa huka afaʼa maige maige huka maigane.

Samu 37:31

Goti keʼaepa geʼamo apaipafiʼmo haneʼniyanageʼa afaʼa aeʼa halu oʼvalegae.

Mai'naya kavane 10:9

Fatago vayaʼmo alagepa huʼa maigayaʼmonanafa kayagi kayaga kateʼmo neʼvaya vayaʼmo hosu kavaʼapimo agegae.

Mai'naya kavane 2:8

Fatago kavaʼmo nehaya vayaʼaiteʼmo kava yagaino neʼapate. Apaote vayaʼamo hapa neʼmaegeʼapaeʼmo alagi asagauʼa oʼaiʼa neʼmaiye.

Mai'naya kavane 4:12

Ani kateʼmo visanaʼmoʼmo mago yaʼmoʼmo katafauno okategaiye. Ani kateʼmo nagu nagu huka visanaʼmoʼmo asagauka oʼaigane.

Mai'naya kavane 6:22

Umenitata hisana afinaʼmo ani gemoʼmo kaʼmo alino kave ligiye. Kau kalesana afinaʼmo ani gemoʼmo kagaemo yagaino kategaiye. He tisanagenoʼaeʼmo ani gemoʼmo kaha paigiye.

Aiyeya 5:27

Muki ani ami ati vayaʼmo lokiya vayaʼageʼmae. Magoke vekaʼapimoʼmo aiyafatiʼmo alaga haesigeno asagauno oʼaige aumiʼmi osuge ohavaege hugiye. Magoke vekamo mapaluʼamo aino hatu oʼmaegaiye. Magoke vekamo suʼamo oʼatalagaugiye.

Aiyeya 63:13

Hosimogimo kaʼme koteʼmo kanale huʼa neʼvaya kava huʼa vai lamino hapaisigeʼa asagauʼa oʼaisayafeʼmo alopa anipatiʼmo alagepa huno apavalelino uʼniye.