Mai'naya kavane 3:2 - The Keyagana NT and 25 OT books

² Akame hisanana ma mopafiʼmo yatala afinaʼmo maiteka kaipamoʼmo falu huʼnisigeka maigane.

Mai'naya kavane 3:2 ပူးပေါင်းရင်းမြစ်များ

Samu 119:165

Keʼaepa gekaeʼmo hapau apayamopafiʼmo hapauʼniya vayaʼmo alagepa huʼa maiʼnageno apaipamoʼmo falu nehiyanageno mago yaʼmoʼa apavalelino asagauno aisiya yaʼmo alagi ohaneʼniye.

Samu 128:6

He, kagaemo mafaʼnekamogimo aliʼa apatesaya mafaʼnemo afaʼa apakesanafeʼmo Gotiʼa kaha maeno. Isaleli vayaʼmo alagepa huta maiyo.

Samu 21:4

Agaemo kagaefeʼmo afaʼa maisiya yafeʼmo ge huno kafigeʼnigekaeʼmo ago amiʼnane. He, kagaemo maige maige huno maino hano osuno maisiya yaʼmo ago amiʼnane.

Samu 91:16

Yatala kafugamo maisiya yaʼmo amisugenoʼaeʼmo, alagi haine, huno huteno hao ke hegaiye. Agufamo aliʼna katiʼna ateʼnova kavaʼnimo aepaʼamo aliʼna ave liguve, huno huʼniye.

Mai'naya kavane 10:27

Ala kava nefeʼmo koli nehuʼa akame nehaya vayaʼmogi kafugaʼapimo magoʼe huʼa maigayaʼmonanafa hosu vayaʼai kafugaʼapimo aiseʼamo maiteʼa faligae.

Mai'naya kavane 16:31

Kosuna vekamoʼmo fatago kavaʼmo nehisiyaʼmoʼmo lui ayokamoʼa ha le konali kini kakolitagana huno haneʼniye.

Mai'naya kavane 4:10

Mafaʼneʼnimogae, huʼna, Geʼnimo afiteka aliyo, yatala afinaʼmo maigananagi.

Mai'naya kavane 4:4

Afoʼnimoʼmo alino naya malenoʼaeʼmo ani gemo huno alino naya maleʼniye. Geʼnimo atafauka alika kaipafiʼmo malo. Huvo, huʼna kaha paiʼnova gemo akame hisanana ofalika afaʼa maigane.

Mai'naya kavane 9:11

Nagaemo ma mopafiʼmo yatala afinaʼmo maisana yaʼmo kamiguve. Magoʼe kafugamo kamisugeka maigane.

Aiyeya 32:17

Goti fatago kavaʼamoʼmo aliʼyaʼmo alisigeʼa vayaʼamo alagepa huʼa maisageno apaipamoʼmo falu hugiye. Fatago kavaʼmo nehaya vayaʼmogi muki afinaʼmo apaipamoʼmo falu huge muki afinaʼmo Gotiʼe vayaʼeʼmo alagepa huʼa magokepi lokaeʼa maige huteʼapaeʼmo, alagepa huta maigune, huʼa apakesamo afigae.

Lomu 14:17

Na kava higetapaene. Gotiʼa neʼyaʼe aniʼeʼmo neʼnaya kavateʼmo yagaino noʼapatefa Goti Aunemeʼamoʼmo laipafiʼmo maiʼnigeta fatago kavaʼmo nehunagenoʼaeʼmo laipamoʼmo falu huʼnisigeta lamogaga aisuna kavatekeʼmo yagaino nelate.

Lomu 15:13

Hemenimo Gotifeʼmo lapavayagunagu hutapa agava neʼmaiya kavaʼmo aepa vekamoʼmo magoʼe huno lapa maeno lapamisigetapa agaefeʼmo lapakesamo afita fatago nehutapaeʼmo magoʼe hutapa lapamogaga aisageno lapaipamoʼmo falu hugiye. Aote Aunemeʼamo himamuʼaletiʼmo magoʼe hutapa lapavayagunagu hutapa agava maisayafeʼmae.

Lomu 5:1

Lagesamo afita fatago huʼnonagenoʼaeʼmo Gotiʼa, naulagaleʼmo fatago vayaʼmo maiʼnae, huno laha paiʼnigeta afitetaeʼmo, aipamo falu huno nelate, huta huteta maiʼnonagenoʼaeʼmo Ala kava netimo Yesu Kalaisitetiʼmo laipamoʼmo falu nehiye.

1 Timoti 4:8

Apakufaletiʼmo teleninimo nehaya kavaʼmoʼmo aiseʼamo hapa maegaiyaʼmonanafa mono kavaʼmoʼa muki alagepa kavatefeʼmo laha maegaiye. Gotiʼa hunoʼaeʼmo, alagepa mono nehaya kavaʼmoʼa afaʼa maisaya kavatefeʼmo hemeniʼe afole aisiya afinaʼeʼmo lapa maegaiye, huno polomasi gemo huʼniye.