Mai'naya kavane 3:14 - The Keyagana NT and 25 OT books

¹⁴ Afiteʼa ageʼnaya kavatetiʼmo akamelegaʼamo neʼaliya yaʼmoʼa siluva yafatetiʼe goli yafatetiʼeʼmo akamelegaʼamo neʼaliya yaʼmo ago aeno aga seʼniye.

Mai'naya kavane 3:14 ပူးပေါင်းရင်းမြစ်များ

Samu 119:111

Mafaʼneʼapimogimo afoʼapimogi kagemi yaʼapimo neʼaliya kava huʼna kavayafatiʼmo huʼnana keʼaepa gemo aliʼnovanageno hetamaʼnimo hanege hanege huno hanegaiye. Ani gekaeʼmo naipafiʼmo namogaga neʼauve.

Samu 119:162

Vayaʼmogi kamemo huʼa aeʼa apakaseteʼa alopa kagemi yaʼmo aliteʼapaeʼmo apamogaga neʼaiya kava huʼna gekaeʼmo namogaga neʼauve.

Samu 119:72

Kavayafatiʼmo huʼnana keʼaepa gekamoʼmo tauseni monimo ago aeno agaseʼniyaʼmofeʼmo gekaeʼmo magoʼe huno nahauʼniye.

Mai'naya kavane 16:16

Afiteʼa neʼagaya kavaʼmo alisaya kavaʼmoʼa magoʼe huno kanale alagepa kavaʼmo haneʼneno goli yafaʼmo ago aeno aga seʼniye. Afiʼa aeto nehaya kavaʼmo alisaya kavaʼmoʼa magoʼe huno kanale kavaʼmo haneʼneno siluva yafaʼmo ago aeno aga seʼniye.

Mai'naya kavane 2:4

Vayaʼmogimo siluva yafafeʼmo lusi kava huʼa aliʼyaʼmo aliʼa kahauya nehaya agufa kavaʼmo huka kahauya hisanana ageka aligane. Vayaʼmogimo alagepa yaʼmo lageso huʼnigeʼapaeʼmo apayamukiki huʼa kahauya nehaya kava huka kahauya hisanana ageka aligane.

Mai'naya kavane 8:19

Nagaepatiʼmo afole neʼaiya kavaʼnimo alagagana huno haneʼneno hogote goli yafaʼmo ago aeno aga seʼniye. Nagaepatiʼmo afole neʼaiya yaʼmoʼa siluva yafaʼmo ago aeno aga seʼniye.

Matiyu 16:26

Mago vekamoʼmo muki ma mopafi yaʼmo aliʼnisigeno agupi mafaʼnemo afela hesiyaʼmoʼmo akamelegati magoʼe yaʼmo alisifiye. Haʼao oʼaligiye. Agupi mafaʼnemo afela heʼnisiyaʼmoʼmo na agufa miyatetiʼmo halate miya faino aligiye.

Leveleseni 3:18

Ani kavaʼmo hutapa maiʼnayaʼmofeʼmo kagemi yatapimo hanesiya vayaʼmo maisayafeʼmo goli yafaʼmo atafiʼmo kaeʼna aliʼna alagepa hu maleʼnova goli yafaʼmo nagaetetiʼmo miya faiyo. Lapakufaʼalagaʼageʼmo maiʼnayanageno lapavagage osisiyafeʼmo nagaetetiʼmo yaveyave kukena yaʼmo miya faita vaiyo. Lapaulagaletiʼmo ageta alagepa hutapa agesayafeʼmo lapaulagaleʼmo falesaya malasinimo nagaetetiʼmo miya faiyo.