Mai'naya kavane 29:4 - The Keyagana NT and 25 OT books

⁴ Kini vekamoʼmo vayaʼaleʼmo fatago kavaʼaletiʼmo yagaino apatesiyaʼmoʼmo lokiya vaiʼa maigayaʼmonanafa hapa maesiya monimo neʼalisiya kini vekamoʼmo apatalesigeʼa asagauʼa aigae.

Mai'naya kavane 29:4 ပူးပေါင်းရင်းမြစ်များ

Samu 89:14

Kini vekamo maiʼneka fatago kavaʼmo huka alagepa huka alika fako huka apateteka yagaika neʼapatane. Kahau huka apatege lama geʼageʼmo huge huka maiʼnane.

Samu 99:4

Lokiya kini vekamogae, huʼna, fatago kavafekeʼmo kahauʼniye. Kagaemo Yekopu vayaʼai folagapiʼmo fatago kavaʼmo alika afole aika ateʼnane. Kagaemo fatago kavaʼmo huge alagepa huka alika fako huge huka maiʼnane.

Mai'naya kavane 14:34

Vayaʼmogimo fatago kavaʼmo nehisagenoʼaeʼmo koʼapimoʼmo ala agimo aligiyaʼmonanafa hosu kavaʼmo nehisageʼapaeʼmo huʼa faipa huʼa apatesageno apavagage hugiye.

Mai'naya kavane 16:10

Kini vayaʼmogimo Goti lokiyaʼaletiʼmo ge nehayaʼmonanafa fiku yanageʼa alagepa huʼa aliʼa fako osuʼa hosu gemo hugae.

Mai'naya kavane 16:12

Kini vayaʼmogimo fatago kavaʼmo hisayaʼmoʼmo yagaiʼa apateme apateme ugayaʼmonanafa kini vayaʼmogimo hosu kavaʼmo hisayaʼmoʼmo alagi hosugiye.

Mai'naya kavane 20:8

Kini vekamoʼa agoti huno apatesiyafeʼmo haino siyaʼaleʼmo fai maiʼneno hosu vayaʼmo aulu hapaeno neʼapakesigenoʼaeʼmo asole hosu kavaʼapimo aino atagu faegaiye.

Mai'naya kavane 29:14

Kini vekamoʼmo kagemi yaʼapimo ohaneʼniya vayaʼmo lama ge kavatetiʼmo alino fako huno neʼapatesiyaʼmoʼmo yagaino neʼapateya kavaʼamo hano osuno muki afinaʼmo hanege hanege huno hanegaiye.

Mai'naya kavane 8:15

Kini vekamo maiʼneʼa yagaiʼa neʼapataya vayaʼmo nagaetetiʼmo neʼyagaiye. Ala vayaʼapimogi fatago kavaʼmo hisayafeʼmo nagaetetiʼmo neʼyagaiye.

Aiyeya 49:8

Ala kava neʼmoʼa ina gemo hunoʼaeʼmo, Fiku hapa maeʼna apamisuva afinaʼmo gekamo afiʼnove. Apakufamo aliʼna katiʼna apatesuva afinaʼmo kaha maeʼnove. Nagaemo alagepa huʼna yagaiʼna kateteʼna kagaetetiʼmo vayaʼeʼmo kotalakemo hu maleteʼna ma mopamo aliʼna kanale huʼna atesugeʼa vayaʼnimogi kaʼme kotega mopamo aligae.

Aiyeya 9:7

Yagaino apatesiya vayaʼmo magoʼe huʼa asole vayaʼmo afole aiteʼa magoʼe huʼa alagepa huʼa maigae. Kini vekamo Neviniʼa yagaino apateʼniya kava huno Nevini aimuʼyaleʼmo maiʼnenoʼaeʼmo vayaʼaleʼmo yagaino apateme apateme uno yagaino apateno hano osuno yagaino apategaiye. Agaemo alagepa huno alino fako huno apateteno yagaino apateme apateme uno muki afinaʼaeʼmo yagaino apategaiye. Ala kava neʼmoʼa asole vayaʼaiteʼmo yagaino neʼapateya vekamoʼmo ayamukiki huno ani kavaʼmo alino afole aino ategaiye.

Neniyo 11:20

Inagi ani kini vekamo aimuʼyaleʼmo mago yagaisiya vekamo afole aiteno ha le konali kotega maiʼnaya vayaʼaifeʼmo takesi monimo namiyo, huno hugiye. Ani kini vekamo afaʼa aise afinaʼatomo maiteno faligiye. Agaemo kamefatiʼmo ofalige vayaʼmogi ge hauteʼa kamitimo amagisageno ofalige hugiye.

Maika 7:3

Lole apayatalatetiʼmo hosu kavaʼmo nehayaʼmonanafa alagepa kavaʼmo hisayafeʼmo apakesamo noʼafiye. Yagaiʼa apateʼnaya vayaʼmogimo fikumo lamiyo, huʼa hapa nepaiye. Agoti gemo neʼafiya vayaʼmogimo kutulu monimo alisayafeʼmo nehae. Ala apakimo haneʼniya vayaʼmogimo apakaiʼapimo hapauʼniya yaʼmo alisayafeʼmo alu hosu vayaʼaifeʼmo hapa paiʼnageʼapaeʼmo magokepiʼmo maiʼneʼa vegemo nehae.

1 Samiyo 13:13

Inagi Samiyoʼmo ha painoʼaeʼmo, Kagaemo negi kavaʼmo huʼnane. Kagaemo Ala kava neʼmo Gotikamoʼmo huvo, huno kaha paiʼniya gemo akame osuʼnane. Kagaemo akame huʼnanesinana Isaleli vayaʼaiteʼmo kagaeʼe kaginago vayaʼeʼmo muki afinaʼae afinaʼaeʼmo yagaitapa apateme apateme uʼnaesine.