Mai'naya kavane 29:1 - The Keyagana NT and 25 OT books

¹ Gotiʼa asole afinaʼmo mago vekaeʼmo hosu kavaʼmo nehane, huno hisiya gemo noʼafisigenoʼaeʼmo malage huno alino agoʼya laga uno atalesigeno ha maesiya vekamo alagi oʼmaigiye.

Mai'naya kavane 29:1 ပူးပေါင်းရင်းမြစ်များ

1 Kini 17:1

Ilaiyaʼmo Tisame taonimo Giliyati avemo haopaleʼmo maiʼniya vekamoʼmo kini vekamo Ehapitegamo uno ina ge huno ha paiʼniye. Nagaemo Ala kava neʼmo Isaleli vayaʼmogi Gotiʼapimoʼmo afaʼa maige maige huno neʼmaiya vekamo aulagaleʼmo he tiʼna maiʼneʼna agiʼaletiʼmo alagi lama gemo huʼnaeʼmo, Mago kafugamo koʼe haniʼilaga lao yaʼeʼmo mopafiʼmo emi noʼmeno afaʼa haneme haneme neʼvisigeʼnaeʼmo nagaemo ge hisuva afinakeʼmo emiʼnegaiye, huno ha paiʼniye.

1 Kini 18:18

geʼaleʼmo aeno atagaina hunoʼaeʼmo, Nagaemo Isaleli vayaʼmo hanageke yaʼmo oʼapamiʼnovaʼmonanafa kagaeʼe afokamo nofi vayaʼmogiʼekeʼmo hanageke yaʼmo apamiʼnae. Kagaemo Ala kava neʼmoʼa hiyo, huno laha paiʼniya gemo amagita ataletetapa aigofe gotiʼa asole Meo auneʼaeʼmo mono hutetapa akame nehaya kavatetiʼmo Isaleli vayaʼmo hanageke yaʼmo alita apamiʼnae.

1 Kini 20:42

Polofeti vekamoʼmo kini vekaeʼmo ha painoʼaeʼmo, Ala kava neʼmoʼa ina ge huʼniye, Nagaemo Ala kava neʼmoʼnamo huʼnaeʼmo, Nagaemo, ago faligiye, huʼna lekana paiʼna ateʼnova vekamo afaʼa atenageno uʼniyaʼmofeʼmo agae aimuʼyaleʼmo kagaemo falisanageʼa ati vayakamo ati vayaʼamogi apaimuʼyaleʼmo faligae, huno huʼniye.

2 Sitoli 33:10

Ala kava neʼmoʼa Manaseʼe vayaʼaʼeʼmo hapa paiʼniyaʼmonanafa gemo afisayafeʼmo ohapauʼniye.

2 Sitoli 36:13

Kini vekamo Nepukanesaʼmo Yeʼnekaiyaʼa Goti agiʼaletiʼmo alagi lama gemo huvanageʼna kaiyafiʼmo maiʼneʼna gekamo afiguve, huno huteno agoʼyamo ataleʼniye, huno hisiyafeʼmo alino he tino ateʼniyaʼmonanafa Yeʼnekaiyaʼmo ha paiʼniya gemo amagino ataleʼniye. Agaemo augosaʼe aipaʼeʼmo alino lokiya vaino ateteno Ala kava neʼmo Isaleli vayaʼai Gotiʼapimofeʼmo aipamo alino afe leteno aino atagineno oʼmeʼniye.

Hatu maeno apate'niya gemae 9:7

Ani afinaʼmo kini vekamo Feloʼa mago gemo huno ataleʼnigeno uʼnigeʼapaeʼmo Isaleli vayaʼmo magoke afuʼapimo ofaliʼniye, huʼa ha paiʼnayaʼmonanafa Feloʼa magoʼe huno agaiʼa aipa agesamo aino akani maleʼniyaʼmofeʼmo Isaleli vayaʼmo afaʼa apatalegeʼa oʼuʼnae.

Mai'naya kavane 28:14

Muki afinaʼmo Ala kava nefeʼmo koli nehiya vekamoʼmo Goti aulagaleʼmo alagepa huno maiʼniyanageno afaʼa amogaga aigiyaʼmonanafa aipamo alino lokiya vaino neʼateya vekamoʼmo hanageke kavapiʼmo asagauno aigiye.

Mai'naya kavane 28:18

Gotiʼa vaiʼmo noʼalisiya vekamo agufamo alino katino ategaiyaʼmonanafa himuʼnamu kavaʼmo nehisiya vekamo malage huno asagauno aigiye.

Mai'naya kavane 28:28

Hosu vayaʼmo afole neʼaigeʼapaeʼmo vayaʼmo fala kiʼa neʼmaiyaʼmonanafa hano hisayaʼmoʼmo fatago vayaʼmo afaʼa alagepa huʼa maigae.

Mai'naya kavane 6:15

Nehayaʼmofeʼmo malage huno alino hosu huno apatesiya kavaʼmo afole aigiye. Afole aisigeʼa alagepa huʼa maisaya kaʼmo alagi ohanegaiye.

Hamakaki 2:7

Anonaʼapimo haneʼniya vayaʼmo malage huʼa he tigae. Apaupatiʼmo he netiʼapaeʼmo koli yaʼmo kamigae. Aeʼa kagaseteʼapaeʼmo kagemi yakamo aligae.

Yoni 13:18

Nagaemo mani gemo mukiʼamogitapaeʼmo nosuve. Lekana paiʼna lapateʼnova vayaʼmo ago lapakeʼnovaʼmonanafa Goti mukufiʼmo hu maleʼniya gemo afole aisiyafeʼmo lekana paiʼna ateʼnove. Ani gemoʼa hunoʼaeʼmo, nagaeʼeʼmo magokepi lokaeno maiʼneno neʼyaʼmo neʼniya vekamoʼmo kame huno nateʼniye, huno huʼniye.

Yoni 13:26

Yesuʼa hunoʼaeʼmo, peleti maya atupamo aliʼna anipiʼmo aeteʼna amisuva vekamae, huno ha paiteno peleti maya atupamo alino anipiʼmo aeteno Yutasiʼa Isakaliyoti kotega vekamo Saimoni mafaʼnemo amiʼniye.

Apa 1:18

Yutasiʼa ani agufa hosu kavaʼmo hisiyafeʼmo miyaʼmo amiʼnae. Miyaʼmo aliteno uno mago mopamo miya faiteno ani mopaleʼmo asagauno aiʼnigeno aipamo aino lakufaeno asagauno aiʼniye.

Apa 1:25

Yutasiʼa aliʼyaʼamo ataleno uno faliteno koʼalegamo lamino maiʼniyaʼmofeʼmo lekana paika ateʼnisana vekamoʼmo Yutasi aimuʼyaleʼmo eno apa vekamo maiʼneno Yutasiʼa aliʼniya agufa aliʼyaʼmo aligiye, huʼa nunumuʼmo huʼnae.

1 Tesaloniyani 5:3

Vayaʼmogi, alagepa huta neʼmaunanageta ani kavakeʼmo huta maigune, huʼa nehisagenoʼaeʼmo malage huno hosu kavaʼmo apakaeteʼmo afole aiteno alino hano huno apategaiye. Aʼnemogimo mafaʼnemo aliʼa apatesayafeʼmo huʼnaya afinaʼmo fikumo maiʼnagenoʼaeʼmo malage huno apakafu nekiya agufa kavaʼmo apakaeteʼmo afole aisigeʼapaeʼmo faiʼa kasalo opaegae.

1 Samiyo 2:25

Mago vekamoʼmo mago vekalegamo hosu kavaʼmo nehisiyaʼmoʼmo agoti gemo neʼafiya vekamoʼa alino fako huno anategaiyaʼmonanafa mago vekamoʼmo Ala kava netegamo hosu kavaʼmo hisiyaʼmoʼmo ina laʼmo ha maegaiye.

1 Samiyo 2:34

Mago alagena kavaʼmo afole aisigeka agegane. Lole mafaʼnekalaʼmo Hafaniʼe Finiyasiʼeʼmo anakaemo magoke afinakeʼmo faligaʼae.