Mai'naya kavane 28:7 - The Keyagana NT and 25 OT books

⁷ Keʼaepa gemo akame nehiya mafaʼnemoʼmo gemo afino aeto nehiyaʼmonanafa muki afinaʼmo alopa yagita huʼa neʼnaya vayaʼmogi konagaʼapimo afoʼamoʼmo avagage yaʼmo alino neʼamiye.

Mai'naya kavane 28:7 ပူးပေါင်းရင်းမြစ်များ

Mai'naya kavane 19:26

Mago mafaʼnemoʼmo afoʼamo yaʼmo kumaya alige itaʼamoʼmo hafaino atalege hisiyaʼmoʼmo apavagage yaʼmo alino apamige hosu apakimo alino apamige hugiye.

Mai'naya kavane 28:24

Mago vekamoʼmo afoʼamo yaʼmo kumayaʼmo neʼalinoʼaeʼmo, hosu kavaʼmo osuʼnove, huno nehisiya vekamoʼmo muki yaʼmo alino hosu huno neʼataleya vekamo afaluʼamoʼmo maiʼniye.

Mai'naya kavane 29:15

Lapakaemo mafaʼnetapiyeʼmo, hosu kavaʼmo huʼnane, hutapa hapa paitetapa hopa kayotetiʼmo apamagisayaʼmoʼmo mafaʼnetapimogi afiteʼa agegayaʼmonanafa apaketapa apatalesayaʼmoʼmo itaʼapimogimo apavagage yaʼmo aliʼa apamigae.

Mai'naya kavane 29:3

Afiteno agesiya gemo afisiyafeʼmo hauʼnisiya vekamoʼmo afoʼamoʼmo amogaga aisiya yaʼmo alino amigiyaʼmonanafa kumai kavaʼmo nehiya a kanoʼeʼmo magokepi lokaeno neʼmaiya vekamoʼmo kagemi yaʼamo fikumo alinino uno neʼatale.

Luki 15:13

Aise afinaʼmo utegeno henaga mafaʼneʼamoʼmo muki kagemi yaʼamo alino anupa huno alinino afagi kotegamo uno maiʼnenoʼaeʼmo muki moniʼamo fiku ataleʼniye.

Luki 15:30

Oʼnamiʼnanaʼmonanafa mafaʼnekamoʼmo uno kumai aʼne anagaʼaiteʼmo muki monikamo fikumo ataleno hano huteno eʼnigekaeʼmo kagaemo hogote afayaʼe pulumakamo amagika amiʼnane, huno ha paiʼnigenoʼaeʼmo,