Mai'naya kavane 28:20 - The Keyagana NT and 25 OT books

²⁰ Geʼamo akame huno alagepa aliʼyaʼmo neʼaliya vekamoʼmo asole aulena yaʼmo aligiyaʼmonanafa malage huno kagemi yaʼamo alisiyafeʼmo hauʼnisiya vekamo kayoʼmo amigiye.

Mai'naya kavane 28:20 ပူးပေါင်းရင်းမြစ်များ

Samu 101:6

Nagaemo Goti geʼamo oʼataleʼa akame nehaya vayaʼaifeʼmo amuse huʼna apatesugeʼa nagaeʼeʼmo magokepi lokaeʼa maigae. Aigofe gemo nosaya vayaʼmogigeʼmo aliʼyaʼnimo aligae.

Mai'naya kavane 10:6

Gotiʼa fatago vayaʼmo fikumo hapa maeno neʼapamiyaʼmonanafa hosu vayaʼai hosu kavaʼapimoʼa apavayamo aino akani malegaiye.

Mai'naya kavane 13:11

Hosu kavatetiʼmo fikumo neʼaliya monimoʼmo alino aise hume hume uno lamigiyaʼmonanafa lokiya aliʼyaʼmo hapaise vose huʼa aliteʼa neʼaliya monimoʼmo magoʼe huno kosime kosime uno haigiye.

Mai'naya kavane 17:5

Mago vekamoʼmo kagemi yaʼamo ohaneʼniya vekaeʼmo huno faipa huno neʼatesiyaʼmoʼmo kagemi yaʼamo ohaneʼniya vekamo alo huno ateʼniya vekaʼeʼmo huno faipa huno ateʼniye. Mago vekamoʼmo agesiyana alu vekamoʼmo hanageke yaʼmo alisigeno agetenoʼaeʼmo amogaga aisiyaʼmoʼmo kayoʼmo amisigenoʼaeʼmo faino kasalo opaegaiye.

Mai'naya kavane 19:2

Vayaʼmogimo afiteʼa ageʼnaya kavaʼmo oʼalisayaʼmoʼmo hosugiye. Malage huʼa gemo nehaya vayaʼmogimo hosu kavaʼmo nehae.

Mai'naya kavane 20:21

Mago vekamoʼmo afoʼamo yaʼmo malage huno aliʼnisiyaʼmoʼmo atupa afinaʼmo Gotiʼa alino auleno oʼategaiye.

Mai'naya kavane 20:6

Asole vayaʼmogimo huʼapaeʼmo, lagaemo alagepa vayaʼmo maiʼnone, huʼa hugayaʼmonanafa ina laʼmo lama gemo nehiya vekamo kahauya huno agegaiye.

Mai'naya kavane 23:4

Kagemi yakamo hanesiya vekamo maisanafeʼmo lusi kava huka aliʼyaʼmo oʼaliyo. Ani agufa kagesamo neʼafina kagesamo alika atalo.

Mai'naya kavane 28:22

Malage huno kagemi yaʼamo hanesiya vekamo hamalesiyafeʼmo nehaiya vekamoʼmo ageno haʼye nehiye. Henagaʼamo kafu huguve, huno agesamo noʼafiye.

Matiyu 24:45

Haiya vayaʼmogi aliʼyaʼapimo oʼataleʼa alige alige huʼa neʼmaiya vayane. Aliʼyaʼmo afoʼamoʼmo aliʼyaʼamo neʼaliya vayaʼaiteʼmo yagaino apatesiyafeʼmo lekana paino ateteno, neʼyaʼmo aligefe hisaya afinaʼmo alika fako huka apamiyo, huno ha paiteno uteno atagi nenoʼeno agesiyana aliʼyaʼamo oʼataleno aliʼyaʼmo neʼaliya vekamoʼmo aulena vekamo maiʼniye.

Matiyu 25:21

aliʼyaʼmo afoʼamoʼmo ha painoʼaeʼmo, aliʼyakamo oʼataleʼnanaʼmofeʼmo aliʼna amufa nekamuve, huno, alagepa kavaʼmo huʼnane. Aise yateʼmo alagepa huka yagaiʼnanaʼmofeʼmo alopa yateʼeʼmo afaʼa yagaisanafeʼmo kavalegauvanagi eka nagaeʼeʼmo kamogaga aiyo, huno ha paiʼniye.

Luki 12:42

aliʼyaʼmo afoʼamoʼmo alino amufa amiʼnisiya vekamo alagepa huno ageʼnisiya vekamoʼmo aliʼyaʼamo neʼaliya vayaʼaiteʼmo yagaiʼneno neʼyaʼapimo alino fako huno apamisiyafeʼmo lekana paino ategaiye.

Luki 16:1

Yesuʼa geʼamo neʼafiya vayaʼaifeʼmo hapa painoʼaeʼmo, mago alopa kagemi yaʼamo haneʼniya vekamo maiʼnigeno ani kagemi yateʼmo yagaino neʼateya vekamo maiʼniye. Maiʼnigeʼapaeʼmo mago vayaʼmogi eʼa huʼapaeʼmo, kagemi yakaleʼmo yagaino nekateya vekamoʼmo kagemi yakamo fikumo alino neʼatale, huʼa ha paiʼnagenoʼaeʼmo

Leveleseni 2:10

Aise afinaʼmo utesigeta kana yaʼmo aligayaʼmofeʼmo koli osiyo. Afiyo, huʼna, Sataniʼa lapamalageka huteno kalavusi huno lapatesigetapa naya loleʼa afinaʼmo hanageke yaʼmo aligae. Lapakesamo afita fatago huʼnaya kavatapileʼmo atafauta alagi huta maime maime utapa faliyo. Nehisageʼnaeʼmo aeʼa neʼapakasaya vayaʼmogi neʼaliya agufa kakolitagana yaʼmo maige maige hutapa maisaya yaʼmo lapamiguve.

Leveleseni 2:13

Lapakeʼnovana Sataniʼa yagaino neʼapateya koteʼmo maiʼnageʼna lapakeʼnove. Nagiʼnimo oʼataletapa atafauta alagi hutapa maiʼnae. Mago vayaʼmogimo lama ge nava gemo huʼniya vekamo agiʼamo Anitipasiʼa Sataniʼmo neʼmaiya kotegamo lapakae folagapiʼmo kamitimo amagiʼnayaʼmonanafa lapakaemo oʼnataletapa nagaefeʼmo magoʼe hutapa lapakesamo afita fatago nehae.

1 Samiyo 22:14

Ahimalekiʼmo geʼaleʼmo aeno atagaina hunoʼaeʼmo, Neviniʼmo alagi alagepa aliʼyaʼmo neʼaliya vekamo maiʼneno gekamo akame nehiye. Kayemokamoʼmo maiʼneno gekamo afiteno aliʼyakamo alagepa huno neʼaliye. Mago aliʼyakamo neʼaliya vekamoʼmo agaemo aeno oʼagaseʼniye. Afamo anaga vayaʼmogi ala agiʼamo neʼamiye.