Mai'naya kavane 28:14 - The Keyagana NT and 25 OT books

¹⁴ Muki afinaʼmo Ala kava nefeʼmo koli nehiya vekamoʼmo Goti aulagaleʼmo alagepa huno maiʼniyanageno afaʼa amogaga aigiyaʼmonanafa aipamo alino lokiya vaino neʼateya vekamoʼmo hanageke kavapiʼmo asagauno aigiye.

Mai'naya kavane 28:14 ပူးပေါင်းရင်းမြစ်များ

Samu 112:1

Ala kava neʼmo ala agiʼamo amiyo. Gotiʼa Ala kava nefeʼmo koli nehiya vekamo alino auleno ateʼniye. Agaemo Gotiʼa hiyo, huno huʼniya geʼaeʼmo lusi kava huno hauʼnigeno amogaga neʼaiye.

Samu 16:8

Nagaemo muki afinaʼmo Ala kava neʼmo aliʼna naulagaleʼmo neʼatove. Lamaga nahaopaleʼmo neʼmaiyaʼmofeʼmo alagepa katetiʼmo navaleliʼa oʼvisageʼna aliʼyaʼnimo oʼatalegauve.

Samu 2:11

Lapakaemo koli nehutapaekeʼmo Ala kava neʼmo aliʼyaʼamo aliyo. Atete nehutapaekeʼmo lapamogaga aiyo.

Samu 95:8

lapaipamo alita lokiya vaita oʼateyo. Lapakinago vayaʼmogimo kaʼme kotegamo nata neʼa neʼuʼapaeʼmo namalageka huʼnae. Geʼnimo ago amagiʼa ataleʼnaya kava hutapa geʼnimo amagita oʼataleyo.

Hatu maeno apate'niya gemae 14:23

Isipi vayaʼmo aniʼmo aino akaka vaeʼniya folagapiʼmo hosiʼapigi talalaʼapigi hosileʼmo yagaiʼnaya vayanagi huʼa apavegala aeliʼa uʼnae.

Hatu maeno apate'niya gemae 7:22

Isipi kote apaune vayaʼmogimo himamuʼapiletiʼmo ani agufa kavaʼmo huʼnagenoʼaeʼmo Feloʼa aipa agesamo alino akaniteno geʼanimo oʼafiʼniye. Hogoteno Ala kava neʼmoʼa ani kavafeʼmo ava gemo huʼniye.

Hatu maeno apate'niya gemae 7:23

Feloʼa noʼalegamo atagineno uʼniyaʼmonanafa ani kavaʼmoʼa aipafiʼmo aliʼyaʼmo oʼaliʼnigeno aipamo alino afe oleʼniye.

Mai'naya kavane 23:17

Kagaemo hosu vayaʼmogimo alagepa huʼa neʼmaiyanageʼna ani agufa kava huʼna maiguve, huka kagesamo oʼafika muki afinaʼmo Ala kava nefekeʼmo koli huvo.

Mai'naya kavane 29:1

Gotiʼa asole afinaʼmo mago vekaeʼmo hosu kavaʼmo nehane, huno hisiya gemo noʼafisigenoʼaeʼmo malage huno alino agoʼya laga uno atalesigeno ha maesiya vekamo alagi oʼmaigiye.

Aiyeya 66:2

Nagaemo ma mopaʼe kokuʼnaʼeʼmo alo huʼnogeno muki ani yaʼmo nagaiʼni yaʼmo haneʼniyaʼmonanafa haiya agufa vekaeʼmo ageʼna alagepa huʼna amuse huguve. Haneʼniyaʼmonanafa nagaemo ani vekamo naunenametefeʼmo ageʼna oʼmaleʼnove, huno huge hosu kavaʼaeʼmo aipamo kana huteno geʼnimo afiteno atete huge nehiya vekamo alagepa huʼna ageʼna amuse huguve.

Lomu 11:20

He, lama gemo huʼnayaʼmonanafa Kalaisifeʼmo apakesamo afiʼa fatago osuʼnayaʼmofeʼmo alino lo aeno apataleʼnigetapaeʼmo lapakaemo lapakesamo afita fatago nehaya kavatapiletiʼmo afaʼa neʼmaiye. Himuʼnamu kavaʼmo osutapa koligeʼmo huta maiyo.

Lomu 2:4

Gotiʼa kagemi yaʼagana huno maleʼniya yapatiʼmo kagaetegamo lusi alagepa kavaʼmo huteno malage huno aipamo leno okateno yatala afinaʼmo afaʼa nekateyaʼmonanafa alagepa huka kagesa oʼafiʼneka afa kavane, huka kagesamo neʼafipiye. Gotiʼa kaipamo alika afe lesanafeʼmo kagaetegamo alagepa kavaʼmo nehiye, huka oʼafiʼnapiye.

Lomu 2:5

Kaipamo alika afe oleʼnanaʼmonanafa kaipamoʼmo lokiya vaiʼnigeka afaʼa maiʼnekaeʼmo Gotiʼa aipamo leno nekateya kayoʼmo alo huka maleme maleme neʼanagenoʼaeʼmo ko nesiye. Gotiʼa aipamo leno neʼapateyanageno vayaʼai apaulagaleʼmo alino alagepa huno agoti huno apatesiya afinaʼmo mani kayoʼmo kamigiye.

Himulu 4:1

Inagi Gotiʼa ani kavaʼmo huguve, huno hu maleʼniya gemo hano osuno afaʼa haneʼnigeno hemeniʼeʼmo hunoʼaeʼmo, nagaeʼeʼmo maiʼa haga leʼa maisayapiʼmo alagi u haiʼa maigae, huno laha nepaiye. Fiku yanageta lapakaepatiʼmo mago vayaʼmo uta haitapa metalegayanagi koli higetao.

1 Pita 1:17

Nunumuʼmo nehutapaeʼmo, Afotimogae, hutapa agi neʼaya vekamoʼmo vayaʼai amega apakufalefeʼmo agesamo noʼafifa muki vayaʼaitegamo magoke aiyaya kavakeʼmo huno alagepa huno alino fako huno neʼapateyaʼmofeʼmo ma mopafiʼmo kalaga vayaʼmo maiʼnetapaeʼmo koli hutapa maime maime viyo.