Mai'naya kavane 28:10 - The Keyagana NT and 25 OT books

¹⁰ Mago vekamoʼmo fatago vayaʼmogimo alagepa kaʼmo ataleʼa hosu kateʼmo visayafeʼmo apayate alisiyaʼmoʼmo agaiʼamo kafi maleʼniya kelifiʼmo asagauno aigiyaʼmonanafa vaiʼmo oʼaliʼnisiya vekamoʼmo afoʼamomo Gotitegatiʼmo alagepa yaʼmo aligiye.

Mai'naya kavane 28:10 ပူးပေါင်းရင်းမြစ်များ

Samu 139:24

Naipafiʼmo hosu kavaʼnimo haneʼnifigi ageteka alagepa huʼna maige maige huʼna maisuva kateʼmo navalelika uvo.

Samu 37:11

Oʼapakegayaʼmonanafa falu fala apaipa vayaʼmogimo ma mopamo aliteʼa alagepa huʼa magokepi lokaeʼa maiʼneʼa apamogaga aiʼa maigae.

Samu 57:6

Natafausayafeʼmo aneʼaimo hanagi maleʼnae. Lusi kana yaʼmo aliʼnove. Apakaemo nagaemo cvisuva kateʼmo kafi maleʼnaya kelifiʼmo apakaiʼapimo asagauʼa aiʼnae.

Samu 9:15

Kagaefeʼmo mono nosaya vayaʼmogi kateʼmo esaya vayaʼmo asagauʼa aisayafeʼmo kafi maleʼnaya kelifiʼmo apakaiʼapimo asagauʼa aiʼnae. Aneʼaimo hanagi maleʼnayaʼmonanafa apakaiʼapigeʼmo heʼnae.

Mai'naya kavane 10:3

Ala kava neʼmoʼa fatago vayaʼmo apatalesigeʼa neʼyafeʼmo kafu osugayaʼmonanafa hosu vayaʼmogimo hapauʼniya yaʼmo alisayafeʼmo kahauya nehayana apatalesigeʼa oʼaligae.

Mai'naya kavane 15:6

Fatago vayaʼmogimo noʼapifiʼmo asole alagepa yaʼapimo maleʼnayaʼmonanafa hosu vayaʼmogi kagemi yaʼapimoʼmo hanageke yaʼmo alino neʼapamiye.

Mai'naya kavane 2:21

Muki alagepa fatago vayaʼmo alagepa huʼa muki afinaʼmo mopatileʼmo maigae. Vaiʼmo oʼaliʼnisaya vayaʼmo oʼataleʼa mopatileʼmo maige maige huʼa maigae.

Mai'naya kavane 21:20

Afiteno ageʼniya vekamo noʼafiʼmo alagepa yaʼamo haneʼniyaʼmonanafa negi vekamoʼmo muki yaʼmo fikumo alino ataleno hano nehiye.

Mai'naya kavane 26:27

Kame vekaʼamo asagauno aisiyafeʼmo kafi maleʼniya kelifiʼmo agaiʼageʼmo asagauno aigiye. Yafaʼmo alino heleve huno ataletenoʼaeʼmo kame vekanimo haegaiye, huno huʼniyana agaiʼageʼmo haegaiye.

Mai'naya kavane 28:18

Gotiʼa vaiʼmo noʼalisiya vekamo agufamo alino katino ategaiyaʼmonanafa himuʼnamu kavaʼmo nehisiya vekamo malage huno asagauno aigiye.

Matiyu 6:33

Lapakaemo hogotetapa Gotiʼa yagaino neʼapateya vayapiʼmo haitapa maige fatago kavaʼamo alige hutapa maisayafeʼmo kahauya hiyo Gotiʼa muki yaʼmo ma mopafi maisaya yaʼmo magokepiʼmo lapamigiyaʼmofeʼmae.

Galesiya 2:4

mago vayaʼmo aigofe konagatimogimo agufamo lagausayafeʼmo hapauʼniye. Ani vayaʼmo kesi katetiʼmo lamata huliʼa eʼa alita anupa huta maiʼnona vayapiʼmo eʼa maiʼnae. Kalaisi Yesuʼa hatu maeno lateʼnigeta agaepiʼmo afa vayaʼmo maiʼnonageʼapaeʼmo kalavusi huʼa lateteʼa keʼaepa gemo afeʼalumelagamo aliʼa latesayafeʼmo eʼa lamata huʼa maiʼnayaʼmonanafa

Himulu 6:12

Alagaʼmo olapaeʼninagetapa Gotiʼa polomasi gemo hunoʼaeʼmo, lapamiguve, huno hu maleʼniya yaʼmo aliʼnaya vayaʼai apaiyakamo aliyo. Apakaemo oʼataleʼa apakesamo afiʼa fatago huʼneʼa atafauʼa alagi huʼa maime maime neʼeʼapaeʼmo aliʼnae.

1 Pita 3:9

Inagi mago vayaʼmogimo lapakaetegamo hosu kavaʼmo nehisagetapaeʼmo anonaʼapilefeʼmo hosu kavaʼmo osiyo. Mago vayaʼmogimo lifana huʼa lapatesagetapaeʼmo anonaʼapileʼmo alita auleta apateyo. Gotiʼa ani kavaʼmo hisagenoʼaeʼmo alino auleno lapatesiyafeʼmo keya aeno ge huʼniye.

Leveleseni 2:14

Nehayaʼmonanafa mago gemo aliʼna api aiʼna lapatesuva gemo haneʼniye. Akeyaʼvilaga Melamiʼa Melekiʼmo alino aya maleʼnigeno Isaleli vayaʼmogi hosu kavaʼmo hisayafeʼmo Melekiʼa apayateʼmo aliʼnigeʼapaeʼmo aigofe gotiʼapimogimo apamiʼnaya ofalini afumo ameʼamo neteʼa kumai kavaʼmo huʼnae. Mago lapakaepati vayaʼmogimo Melamiʼa alino aya maleʼniya agufa gemo akame nehae.

1 Samiyo 26:19

Kini vekae, huʼna, kahaoke hovanagi geʼnimo afiyo. Ala kava neʼmoʼa alika hosu huka natesanafeʼmo alino he tino kateʼnisiyaʼmoʼmo ofalinimo amiguve. Vayaʼmogimo kagesamo faiʼnisayaʼmoʼmo Ala kava neʼmoʼa lifana huno apateno. Apakaemo Ala kava neʼmoʼa agae vayaʼaina fikumo neʼapamiya yapatiʼmo oʼalisuvafeʼmo naha faiʼa nataleʼnae. Apakaemo huʼapaeʼmo, Kagaemo uka alu gotigitefeʼmo mono hiyo, huʼa nehae.