Mai'naya kavane 27:8 - The Keyagana NT and 25 OT books

⁸ Koʼamo ataleno umenitata nehiya vekamo namamoʼmo anoʼamo ataleno halelino uneno nehiya namagana huno maiʼniye.

Mai'naya kavane 27:8 ပူးပေါင်းရင်းမြစ်များ

Aepa Gemae 21:14

Inagi egaʼamo gotilamiyapiʼmo Emalehamuʼa neʼyaʼmo aliteno meme agufa kepiʼmo aniʼmo he fiteno alino Hega agiʼnaleʼmo kofino ateʼniye. Emalehamuʼa mafaʼneʼamo Isameliʼmo avaleno Hegana amiteno alino hanafaitalegeʼana uʼnaʼae. Inagi Hegaʼe mafaʼneʼaʼeʼmo kaʼme koʼmo Miyasima kotegamo fikumo uʼnaʼae.

Aepa Gemae 4:16

Keniʼa Ineni kotetiʼmo Ala kava neʼmo atalenuno mago mopamo agiʼamo Nona kotegamo maiʼniye. Ani mopamo yegemo haine neʼeya haopalegamo haneʼniye.

1 Kini 19:9

Ilaiyaʼmo mago yafa kapiʼmo haniʼilagamo uno haino havaeʼniye. Inagi Ala kava neʼmoʼa Ilaiyategamo emineno ina ge huno ge huno afi geʼniye. Ilaiyao, huno, Na agufa kavaʼmo higekaeʼmo eka manileʼmo maiʼnane, huno huʼnigenoʼaeʼmo,

Mai'naya kavane 21:16

Mago vekamoʼmo afino aeto hisiya kaʼmo atalesiyana faliʼnaya vayaʼmo aliʼa anupa huʼa neʼmaiyategamo uno maigiye.

Mai'naya kavane 26:2

Kisaveʼyavemoʼmo halelinuneno huteno nohakaleya kava huno mago vekamoʼmo fikumo hunoʼaeʼmo, Gotiʼa lifana huno kateno, huno hisiya gemoʼmo neʼyaʼamo afole oʼaigiye.

Mai'naya kavane 27:7

Neʼyaʼmo neno amu huʼniya vekamoʼmo lume anuveʼmo nohaiyaʼmonanafa aga teʼniya vekamoʼmo atu neheya neʼyafeʼmo haga nehiya neʼyane, huno nehiye.

Yona 1:3

Yonaʼa Ala kava netegatiʼmo ataleno aune hetaleno Tasisi taonifiʼmo ugefeʼmo huʼniye. Ataleno uno Yopa taonifiʼmo uno lamino Tasisi taonifiʼmo ugefe huʼniya sipimo miya faiteno sipifiʼmo uno haino maiʼniye. Yonaʼa Ala kava netegatiʼmo ataleno aune hetaleno uʼniye.

1 Kolitiyani 7:20

Gotiʼa keya aeno ge huʼnigetapa eta maiʼnaya kava hutapa maiyo.

Yuti 1:13

Solovala aniʼmoʼa aino holakau holakau nehigenoʼaeʼmo oʼaniʼya aviʼnaʼmo afole neʼaiya kava huʼa apayamukiki nehagenoʼaeʼmo apavagage hisiya agufa kavaʼmo afole neʼaiye. Kanefiʼmo aiʼa atafaiʼa asagauʼa neʼaiya kanefiʼmogimo koʼapimo ataleʼa uʼeʼa nehaya kava huʼa maiʼnayanageʼa hani kopiʼmo maisayafeʼmo alo hu maleʼniye.

1 Samiyo 22:5

Inagi mago polofeti vekamo Gatiʼmo Nevinitegamo eno ha painoʼaeʼmo, kagaemo yafa kapiʼmo magoʼe huka oʼmaiyo. He tika uka Yuta nofi vayaʼmogi mopaleʼmo maiyo, huno ha paiʼnigeno Neviniʼmo ataleno uno alopa yahaoʼmo agiʼamo Heleti yahaofiʼmo maiʼniye.