Mai'naya kavane 27:24 - The Keyagana NT and 25 OT books

²⁴ Na kava hinagekaeʼmo ani kavaʼmo hugane. Kagemi yakamo muki afinaʼmo hanege hanege huno nohaneya kava huʼa kini vayaʼmo maige maige huʼa noʼmaiye.

Mai'naya kavane 27:24 ပူးပေါင်းရင်းမြစ်များ

Samu 89:36

Agae nofi vayaʼamo alagi hano osuʼa afaʼa maige maige huʼa maigae. Yegemoʼmo muki afinaʼmo naulagaleʼmo lege lege huno neʼmaiya kava huno muki afinaʼmo kini vekamo maiʼneno yagaino apategaiye.

Samu 89:39

Kagaemo aliʼyakamo neʼaliya vekaʼeʼmo kotalakemo hu maleʼnana gemo ago alika hano huka ataleʼnane.

Mai'naya kavane 23:4

Kagemi yakamo hanesiya vekamo maisanafeʼmo lusi kava huka aliʼyaʼmo oʼaliyo. Ani agufa kagesamo neʼafina kagesamo alika atalo.

Mai'naya kavane 23:5

Nama kanomo neʼaganagenoʼaeʼmo malage huno halelino neʼviya kava huno kagemi yaʼmo malage huno hano hugiye.

Aiyeya 9:7

Yagaino apatesiya vayaʼmo magoʼe huʼa asole vayaʼmo afole aiteʼa magoʼe huʼa alagepa huʼa maigae. Kini vekamo Neviniʼa yagaino apateʼniya kava huno Nevini aimuʼyaleʼmo maiʼnenoʼaeʼmo vayaʼaleʼmo yagaino apateme apateme uno yagaino apateno hano osuno yagaino apategaiye. Agaemo alagepa huno alino fako huno apateteno yagaino apateme apateme uno muki afinaʼaeʼmo yagaino apategaiye. Ala kava neʼmoʼa asole vayaʼaiteʼmo yagaino neʼapateya vekamoʼmo ayamukiki huno ani kavaʼmo alino afole aino ategaiye.

Sefanaiya 1:18

Ala kava neʼmoʼa aipamo neleya kavaʼmo afole aisiya afinaʼmo muki siluva yafaʼapimoʼe goli yafaʼapimoʼeʼmo alagi hapa oʼmaegaiye. Haʼao. Kaino nefaiya kavaʼmoʼa atagana huno muki Isaleli mopamo leno asagaligiye. Agaemo malage huno muki mani koteʼmo maiʼnaya vayaʼmo alagi alino hano huno apatalegaiye.

Yemisi 1:10

Kagemi yaʼapiʼe vayaʼmogi apakiʼapileʼmo alino afepi apateʼniya kavafeʼmo apamogaga aiyo. Yosa ausemo heteno hifalino hali nelamiya kava huʼa faligae.

1 Samiyo 13:14

Akame osuʼnanaʼmofeʼmo yagaika apateme apateme oʼugane. Ala kava neʼmoʼa hauʼniya kavaʼmo hisiya agufa vekamo agaiʼalefeʼmo kahauya huno ageʼniye. Agaemo ani vekaeʼmo hunoʼaeʼmo, Vayaʼnileʼmo yagaika apato, huno ha paiʼniye.