Mai'naya kavane 27:18 - The Keyagana NT and 25 OT books

¹⁸ Mago vekamoʼmo alagamo neʼaeya yosaleʼmo yagaisiyana ani yosamo alagamo afaʼa negaiye. Ani kava huno mago vekamoʼmo aliʼyaʼmo afoʼamo aliʼyaʼamo alagepa huno neʼalisiyaʼmoʼmo aliʼyaʼmo afoʼamoʼmo agiʼaleʼmo alino asagauno ategaiye.

Mai'naya kavane 27:18 ပူးပေါင်းရင်းမြစ်များ

2 Kini 3:11

Huʼniyaʼmonanafa Yihosafatiʼmo Yiholamufeʼmo ina ge huno ge huno afi geʼniye. Magoke vekamo Ala kava netegati gemo alinineno aeno hakalo nehiya vekamo oʼmaiʼnifiye. Inagi maiʼnisiyaʼmoʼmo lagaemo agaefeʼmo ha paisunageno agaemo Ala kava nefeʼmo ge huno afi gegaiye. Isaleli kini vekamo mago aliʼyaʼamo neʼaliya vekamoʼmo geʼaleʼmo aeno atagaina hunoʼaeʼmo, Ilaisaʼmo Sefati mafaʼnemo maiʼniye. Hogoteno Ilaiya aliʼyaʼamo neʼaliya vekamo maiʼniye, huno ha paiʼnigeno

2 Kini 5:25

Anakaemo ago utaʼagenoʼaeʼmo Geheyiʼmo nopiʼmo uno haino Ilaisa aulagaleʼmo he tino maiʼnigeno Ilaisaʼmo ha painoʼaeʼmo, Geheyiyo, huno, Kagaemo haiyategamo uteka eʼnane, huno ge huno afi geʼniye. Geheyiʼmo hunoʼaeʼmo, Aliʼyakamo neʼaluva vekamo mago haopalegamo oʼuʼnove, huno ha paiʼniye.

2 Kini 5:27

Ohaneʼniyaʼmofeʼmo Nemaniteʼmo haneʼniya agufa lepolosi kaitaʼmo kagaeteʼe kaginago vayaʼaiteʼeʼmo muki afinaʼmo haneme haneme ugiye, huno ha paiʼnigeno Geheyiʼmo lepolosi kaitaʼmo hauʼnigeno agufamo alagi alino yaveyaveʼage agufamo hamaleʼnigeno Ilaisategatiʼmo ataleno uʼniye.

Esata 6:11

Hemaniʼa kini vekamo geʼamo akame huno uno kukena alige hosi avalege hulineno Motekaiʼmo vaino ateteno Motekaiʼa hosileʼmo uno haino fai maiʼnigeno Hemaniʼa taonifiʼmo aliʼa anupa huʼa neʼmaiya yateʼmo avalelino uʼniye. Anakaemo neʼuʼanaeʼmo Hemaniʼa alopa gefatiʼmo ge huno hapa paiʼniye. Ageyo, huno, kini vekamoʼmo ala agiʼamo amisiyafeʼmo hauʼnisiya vekalegamo mani agufa kavaʼmo hugiye, huno hapa paiʼniye.

Samu 123:2

Afiyo, huʼna, Aliʼyaʼamo neʼaliya vayaʼmogimo aliʼyaʼmo afoʼamo ayateʼmo agege aliʼyaʼamo neʼaliya aʼmafaʼnemogimo aliʼyaʼmo itaʼamoayateʼmo agege huʼa maiʼnaya kava huta Ala kava neʼmo Gotitimofekeʼmo ageme ageme neʼvisunagenoʼaeʼmo hau huno lategaiye.

Hatu maeno apate'niya gemae 24:13

Ani ge huno ha paiʼnigeno Moseseʼa aliʼyaʼamo neʼaliya vekamo Yasuvaʼeʼmo Goti avefiʼmo uʼana haiʼnaʼae.

Mai'naya kavane 17:2

Afiteno ageʼneno aliʼyaʼmo neʼaliya vekamoʼmo apavagage yaʼmo alino apamisiya mafaʼneleʼmo yagaino ategaiye. Konagaʼamogimo afoʼapimo kagemi yaʼmo aliʼa fako huʼa alisagenoʼaeʼmo agaeʼeʼmo afaʼa aligiye.

Mai'naya kavane 22:29

Kagaemo lokiya vaino aliʼyaʼmo neʼaliya vekamo ageʼnapiye. Kini vayaʼai apaulagaleʼmo afaʼa he tino maigiye. Apaki ohaneʼniya vayaʼai apaulagaleʼmo he tino oʼmaigiye.

Mai'naya kavane 27:17

Vayaʼmogimo kaneʼa akoʼya hisayafeʼmo aeniletiʼmo aenileʼmo kume nekanaya kava huno mago vekamoʼmo ao vekamo naepegana huno maiʼnigeno geʼaletiʼmo kuʼme kanegekana huno ha nepaiye.

Mai'naya kavane 27:19

Mago vekamoʼmo ani kotuteʼmo agaiʼa augosamo haneʼnigeno ageʼniya kava huno mago vekamoʼmo agaiʼa aipagi alu vekamo aipamogi huno magoke agufa anaipamo haneʼniye.

Salomoni Yokemae 8:12

Hoyaʼnimo nagaiʼni hoyamo naulagaleʼmo haneʼniye. O Salomonigae, huʼna, vani tauseni siluva yafaʼmo alitesanageʼa hoyaleʼmo neʼyagaiya vayaʼmogi tu hataleti tu hataleti huʼa aligae, huno ha paiʼniye.

Matiyu 24:25

Afiyo, huʼna, hogoteʼna ani gemo ago lapa paiʼnove.

Maki 10:43

Nehayaʼmonanafa lapakaemo ina kavaʼmo osisaya kavaʼmo haneʼniye. Lapakaepatiʼmo mago vekamoʼmo, ala nagi vekamo maigesuve, huno huʼnisiyana kayo kayo vekatapimo maino.

Luki 12:37

Aepa vekamo esiya afinafeʼmo ohavaeʼa afaʼa yagaiʼa maiʼnaya vayaʼmo aulena vayaʼmo maiʼnae. Lama gemo lapa paiʼnaeʼmo hapao ke hetenoʼaeʼmo, eta haitetapa hiʼyalamuteʼmo siyateʼmo maiyo, huno hapa paiteno aliʼyaʼmo neʼaliya kukenamo vailiʼneno neʼyaʼmo fako huno apamigiye.

Luki 12:42

aliʼyaʼmo afoʼamoʼmo alino amufa amiʼnisiya vekamo alagepa huno ageʼnisiya vekamoʼmo aliʼyaʼamo neʼaliya vayaʼaiteʼmo yagaiʼneno neʼyaʼapimo alino fako huno apamisiyafeʼmo lekana paino ategaiye.

Luki 19:17

alagepa huka aliʼyaʼnimo aliʼnane. Aise yateʼmo alagepa huka yagaiʼnanaʼmofeʼmo teniʼa taonileʼmo yagaisanafeʼmo lekana paiʼna kateʼnove, huno ha paitegenoʼaeʼmo

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

Apa 10:7

enisole vekamo ataleno uʼniye. Inagi Koniliyasiʼa noʼafiʼmo aliʼyaʼmo neʼaliʼa vekalaʼe ami ati vekamo mono nehiya vekamo agaeʼeʼmo muki afinaʼmo lokaeno neʼmaiya vekaʼefeʼmo ge huʼnigeʼa eʼnageno

1 Kolitiyani 3:8

Avina yaʼmo nehakalaya vayaʼe aniʼmo nelakiya vayaʼmogiʼeʼmo magoke agufa aliʼyaʼmo neʼaliyanageʼa haiya agufa kavaʼmo huʼa aliʼyaʼapimo neʼalisafigeʼa ani kava huʼa miyaʼapimo apamete apamete huʼa aligae.

1 Kolitiyani 9:13

Yu vayaʼai alopa mono nopiʼmo aliʼyaʼmo neʼaliʼapaeʼmo mono nopatiʼmo neʼyaʼapimo neʼaliye, hutapa oʼafiʼnafiye. Ofalinimo neʼmalaya hiʼyalamuteʼmo aliʼyaʼmo neʼaliya vayaʼmogimo hiʼyalamutetiʼmo ameʼamo aliʼa neʼnae, hutapa oʼafiʼnafiye.

1 Kolitiyani 9:7

Haiya ati vayaʼmogimo kamemo nehuʼapaeʼmo apakaiʼapimo neʼyaʼapimo kahauya huʼa neʼnae. Haiya vayaʼmogimo hoya vaiteʼapaeʼmo hoyaʼapifatiʼmo neʼyaʼmo aliʼa noʼnae. Haiya vayaʼmogimo pulumaka afuleʼmo yagaiʼa maiʼneʼapaeʼmo nuʼanuʼamo noʼnae.

Kolosi 3:22

Aliʼyaʼmo neʼaliya vayaʼmogitapae, huʼna, fiku yanagetapa aliʼyaʼmo afoʼamogimo amuse huʼa lapatesayafeʼmo apaulagaleʼmo maiʼnetapaeʼmo geʼapimo neʼafiye. Gotifeʼmo koli hutetapa muki afinaʼmo lapaipafatiʼmo geʼapimo afiyo.

2 Timoti 2:6

Hoyamo haise vose huno ayamufa valeno alino neʼvaiya vekamoʼmo hogoteno hoyaʼafatiʼmo lesiya neʼyaʼmo aligiye.

1 Pita 2:18

Aliʼyaʼmo neʼaliya vayaʼmogitapae, huʼna, aliʼyaʼmo afoʼamofeʼmo koli hutetapa aiyafiʼmo maiyo. Alagepa kavaʼmo huteʼa yuna apaipamo kaliʼneʼa yagaiʼa nelapataya vayaʼai apaiyafikeʼmo oʼmaitapa hosu kavaʼmo huʼa yagaiʼa nelapataya vayaʼai apaiyafiʼeʼmo maiyo.

1 Pita 2:21

Gotiʼa ani kavaʼmo hisayafeʼmo lapakaefeʼmo keya aeno ge huʼniye. Kalaisiʼa mani agufa kavaʼmo huʼniyaʼmofeʼmae. Kalaisiʼa lagaetefeʼmo hanageke yaʼmo aliʼniyanageta akame hisuna kavaʼmo ago hu maleʼniyaʼmofeʼmo akame hisuna kavaʼmo huʼniye.

1 Samiyo 2:30

Ani kavaʼmo nehanaʼmofeʼmo Ala kava neʼmoʼnamo Isaleli vayaʼmogi Gotiʼapimoʼnamo huʼnaeʼmo, Hogoteʼna ina ge huʼna kaha paiʼnaeʼmo, Muki afinaʼmo mafaʼnekamogiʼe afokamo mafaʼnemogiʼeʼmo naulagaleʼmo aliʼyaʼnimo aligae, huʼna kaha paiʼnovaʼmonanafa hemenimo ina gemo huve. Haʼao, magoʼe hutapa aliyaʼnimo oʼaligae. Ala nagimo neʼnamiya vayaʼaina ala apakimo apamiguve. Nagaefeʼmo ina agufa gotiʼae, huʼa nehaya vayaʼaifeʼmo, ina agufa vayane, huʼna huguve.