Mai'naya kavane 26:26 - The Keyagana NT and 25 OT books

²⁶ Hosu aipamo nekaliya kavaʼaleʼmo aigofe geletiʼmo huno aeno ati nekaeyaʼmonanafa aliʼa anupa huʼa neʼmaiya vayaʼai apaulagaleʼmo hosu kavaʼamo afaʼa afole aigiye.

Mai'naya kavane 26:26 ပူးပေါင်းရင်းမြစ်များ

Aepa Gemae 4:8

Henagaʼamo Keniʼmo aganaʼamo Evofeʼmo, egetaʼa viʼano, huno huʼniye. Anakaemo uʼana mago yategamo maiʼneʼanaeʼmo Keniʼa aganaʼamoʼmo kamitimo amagiʼnigeno faliʼniye.

Mai'naya kavane 10:9

Fatago vayaʼmo alagepa huʼa maigayaʼmonanafa kayagi kayaga kateʼmo neʼvaya vayaʼmo hosu kavaʼapimo agegae.

Matiyu 23:28

Ani kava huʼa vayaʼmogimo amega lapakufaʼaleʼmo lapaketeʼapaeʼmo alagepa vayaʼmo maiʼnae, huʼa nelapakayaʼmonanafa lapaipafiʼmo aeta ati nekaya kavaʼe Goti keʼaepa geʼamo amagita neʼatalaya kavaʼeʼmo havaiteʼniye.

Luki 8:17

Muki yaʼamo fala kiʼniya yaʼmo alino afole aino ategaiye. Muki kavaʼmo huʼa aeʼa ati nekaya kavaʼmo afole yategamo afole aigiye.

1 Samiyo 18:17

Inagi Soloʼmo Nevinifeʼmo ha painoʼaeʼmo, Nagaemo Melapiʼmo yege a mafaʼneʼnimo kamisugeka aligane. Miya ofaiganaʼmonanafa nagaetefeʼmo koli osuka lokiya vaika Ala kava neʼmo kame vayaʼaʼeʼmo kame hiyo, huno ha paiʼniye. Soloʼmo aipafiʼmo agesamo afinoʼaeʼmo, Nagaemo kamitimo ohaegauvaʼmonanafa Filisatini ati vayaʼeʼmo kame huteʼa kamitimo haegae, huno agesamo afiʼniye.

1 Samiyo 18:21

Afitenoʼaeʼmo nagaemo Maikoʼmo avaleʼna Neviniʼmo amisugeno aneʼmu aegekana huno maigiye. Maikoʼmo ani kava huno maisigeʼa Filisatini vayaʼmogimo agaeʼeʼmo kame hugae, huno agesamo afitenoʼaeʼmo napa tu afinaʼmo Nevinifeʼmo hunoʼaeʼmo, Hemenimo kagaemo nayemoʼnimogamo maigane, huno ha paiʼniye.