Mai'naya kavane 26:25 - The Keyagana NT and 25 OT books

²⁵ Seveniʼa agufa hosu kavaʼmo aipafiʼmo haneʼniyaʼmofeʼmo falu fala gemo nehisigekaeʼmo lama gemo nehiye, huka osuvo.

Mai'naya kavane 26:25 ပူးပေါင်းရင်းမြစ်များ

Samu 12:2

Muki vayaʼmogimo afa gegeʼmo hapa nepaiye. Hapa paiteʼa aigofe geletiʼmo huʼa hapaoke nehae.

Samu 28:3

Kagaemo hosu vayaʼe hosu kavaʼmo nehaya vayaʼeʼmo hosu kotegamo apavalelika visana afinaʼmo apakaeʼeʼmo magokepiʼmo navalelika oʼuvo. Apakaemo hapaopaleʼmo maiʼnaya vayaʼaifeʼmo huʼapaeʼmo, Magokepiʼmo alagepa huta maigune, huʼa nehayaʼmonanafa hosu kavaʼmo hisaya kavaʼmo apaipafiʼmo havaiteʼniye.

Mai'naya kavane 23:7

Aipafiʼmo agesamo neʼafiya kavaʼmo haneʼniya kava huno ani agufa vekamo maiʼniye. Agaemo hunoʼaeʼmo, neʼyaʼmo nege aniʼmo nege huvo, huno hugiyaʼmonanafa aipa agesaʼamo kagaeʼeʼmo ohaneʼnigeno nehiye.

Mai'naya kavane 26:23

Hosu aipa agesa vekamoʼmo alagepa kavaʼmo hisiyafeʼmo lokiya gemo nehiya vekamo mopa yuvapaleʼmo aigofe siluva yafatetiʼmo faleʼa ati nekaya yuvapakana huno maiʼniye.

Maika 7:5

Ani afinaʼmo lapao vayaʼmogi lapa maesayafeʼmo alita amufa oʼapamiyo. Lapavagi nehaya vayaʼaifeʼmo laha maegae, hutapa lapakesamo oʼafiyo. Lapakaemo aʼnetapieʼmo muki nehaya geleʼmo alagepa hutapa yagaiyo.

Matiyu 24:23

Ani afinaʼmo mago vayaʼmogi lapa paiʼapaeʼmo, Ageyo, huʼa, Kalaisiʼa manile maiʼniye, huʼa lapa paige mugalega maiʼniye, huʼa lapa paige hisagetapaeʼmo oʼafiyo.

1 Samiyo 18:17

Inagi Soloʼmo Nevinifeʼmo ha painoʼaeʼmo, Nagaemo Melapiʼmo yege a mafaʼneʼnimo kamisugeka aligane. Miya ofaiganaʼmonanafa nagaetefeʼmo koli osuka lokiya vaika Ala kava neʼmo kame vayaʼaʼeʼmo kame hiyo, huno ha paiʼniye. Soloʼmo aipafiʼmo agesamo afinoʼaeʼmo, Nagaemo kamitimo ohaegauvaʼmonanafa Filisatini ati vayaʼeʼmo kame huteʼa kamitimo haegae, huno agesamo afiʼniye.