Mai'naya kavane 25:11 - The Keyagana NT and 25 OT books

¹¹ Mago vekamoʼmo alagepa gemo kanale huno aeno hakalo huno hapa paisiyaʼmoʼmo inagi geʼamoʼmo siluva yuvapafiʼmo goli yafatetiʼmo alo huʼa neʼmaiya yosa alagagana huno haneʼniye.

Mai'naya kavane 25:11 ပူးပေါင်းရင်းမြစ်များ

Mai'naya kavane 15:23

Mago vekamoʼmo geʼaleʼmo alagepa gemo huno aeno atagaina huno ha paisigenoʼaeʼmo aipafiʼmo amogaga aigiye. Mago vekamoʼmo alu vekamoʼmo alagepa huno gemo afisiya afinaʼmo alagepa gemo ha paisiyaʼmoʼmo kanale gemo haneʼniye.

Mai'naya kavane 24:26

Alagepa gemo huno geʼaleʼmo aeno atagaina huno ha nepaiya vekamoʼmo haeno negekana agufa kavaʼmo nehiye.

Mai'naya kavane 25:10

Fiku yanageʼa ani gemo afisaya vayaʼmogimo kavagage yaʼmo aliʼa kamisageka hosu kagimo aligane.

Aiyeya 50:4

Ala kava neʼmo Gotiʼa nagaemo alagaʼmo nehapaeya vayaʼaifeʼmo hapa maesiya gemo hapa paisuvafeʼmo sukulu nehaya vayaʼmogi apavayagana agufa navayamo namiʼniye. Agaemo muki nateʼaʼe nateʼaʼeʼmo naupatiʼmo alino he tino neʼnate. Alagepa huʼa sukulu huʼnaya vayaʼmogimo alagepa huʼa afiʼnaya kava huʼna afisuvafeʼmo nagesamo alino halo neʼaiye.

Matiyu 12:35

Alagepa vekamoʼmo kesiʼafiʼmo alagepa yaʼageʼmo ageno maleʼniya yapatiʼmo alagepa yaʼageʼmo alino afole neʼaiye. Ani kava huno hosu vekamoʼmo kesiʼafiʼmo hosu yaʼageʼmo ageno maleʼniya yapatiʼmo hosu yaʼageʼmo alino afole neʼaiye.

1 Samiyo 25:35

Ha paiteno Neviniʼmo Amigeʼmo alinino eʼniya yaʼamo alitenoʼaeʼmo agaefeʼmo hunoʼaeʼmo, Kagaemo halate nokalegamo uka kaipamoʼmo falu hino. Alagepa a kanomo maiʼnanageʼna gekamo afiʼnove, huno ha paiʼniye.