Mai'naya kavane 24:23 - The Keyagana NT and 25 OT books

²³ Afiteʼa ageʼnaya vayaʼmogi geʼapimo haneʼniyana apakufaeʼmofi ala apakiʼapiyeʼmofi lapao vayafeʼmofi hutapa lapakesamo oʼafitapa alagepa kavatetiʼmo keʼmo alita fako hiyo.

Mai'naya kavane 24:23 ပူးပေါင်းရင်းမြစ်များ

2 Sitoli 19:7

Ala kava neʼmo Gotitimoʼmo agoti gemo afitetapaeʼmo lapao vayaʼageʼmo hapa neʼmaya kavafenagi aigofe kavafenagi moniletiʼmo lapakesamo nefaiya kavafenagi huno alagi ohauʼniyaʼmofeʼmo Ala kava nefeʼmo lapaipafatiʼmo koli huʼnetapaeʼmo kavatapileʼmo alagepa hutapa yagaiyo.

Samu 107:43

Muki afiteʼa ageʼnaya vayaʼmogimo ani kavafeʼmo apakesa afifi huʼa maigae. Apakaemo Ala kava neʼmoʼa vayaʼaeʼmo hau ayamopafiʼmo hauʼniya kavaʼamo ageʼa aeto hugae.

Mai'naya kavane 1:6

Apakaemo aupa aupa gemo aepaʼamo alagepa huʼa afige kalafefa gemo aepaʼamo alagepa huʼa afige afiʼnaya vayaʼmogi hisaya gemo alagepa huʼa afige fala kino haneʼniya gemo alagepa huʼa afige hugae.

Mai'naya kavane 18:5

Lapakaemo hosu vayaʼmogi apakiʼapieʼmo lapakesamo afige aliʼnaya yafeʼmo lapakesamo afige alu ya alu yaʼapieʼmo lapakesamo afige nehaya kavaʼmo hosu kavaʼmae. Vaiʼmo oʼaliʼnaya vayaʼmo alagepa huʼa aliʼa fako huʼa noʼapataya kavaʼmo hosu kavaʼmo haneʼniye.

Mai'naya kavane 22:17

Kagetafo huʼneka afiteʼa ageʼnaya vayaʼai geʼapimo afiyo. Aliʼna kaya malesuva gemo alagepa huka afiyo.

Mai'naya kavane 28:21

Apakiʼapieʼmo apakesamo afige aliʼnaya yafeʼmo apakesamo afige alu ya alu yaʼapieʼmo apakesamo afige nehiya kavaʼmo kanale kavaʼmo nosae. Ani agufa kavaʼmo nehaya vayaʼmogi aise miyaʼmo alisayafeʼmo hosu kavaʼmo afaʼa hugae.

Yoni 7:24

Amega apakufaʼalekeʼmo apaketetapa alita fako osutapa apaketa alagepa hutetapaekeʼmo alita fako hiyo.

Yemisi 3:17

Hugayaʼmonanafa siosi vayaʼmogi alagepa huʼa ageteʼa afiʼnaya kavaʼmo kokuʼnapatiʼmo aliʼnisayana hogoteʼa yaveyave apaipamo aliteʼa alagepa huʼa magokepi lokaeʼa maige yagu yaga kavaʼmo huge vayaʼai geʼapimo afiteʼa hapau huʼa apatege alu alagepa kava alu alagepa kavaʼmo huge nehae. Apakaemo muki vayaʼaitegamo magoke aiyaya kavaʼmo huteʼa aeʼa ati okaeʼa afole yateʼmo neʼmaiye.

1 Pita 1:17

Nunumuʼmo nehutapaeʼmo, Afotimogae, hutapa agi neʼaya vekamoʼmo vayaʼai amega apakufalefeʼmo agesamo noʼafifa muki vayaʼaitegamo magoke aiyaya kavakeʼmo huno alagepa huno alino fako huno neʼapateyaʼmofeʼmo ma mopafiʼmo kalaga vayaʼmo maiʼnetapaeʼmo koli hutapa maime maime viyo.