Mai'naya kavane 24:2 - The Keyagana NT and 25 OT books

² Apaipafiʼmo vayaʼmo aliʼa hosu huʼa apatesaya kavafeʼmo apakesamo afige hanageke kavaʼmo aliʼa afole aiʼa atesayafeʼmo ge huge huʼa neʼmaiye.

Mai'naya kavane 24:2 ပူးပေါင်းရင်းမြစ်များ

Samu 10:7

Muki afinaʼmo huno faipa huno apatege aigofe gemo huge koli yaʼmo alino apamisiyafeʼmo lokiya gemo huge nehiye. Hosu kavafeʼmo ava gemo huge hanageke kavafeʼmo ava gemo huge nehiye.

Samu 140:2

Muki afinaʼaeʼmo apakaemo hosu kavakeʼmo hisayafeʼmo apakesamo afiteʼapaeʼmo ge neʼvaiya kavaʼmo aliʼa he tiʼa neʼatae.

Samu 28:3

Kagaemo hosu vayaʼe hosu kavaʼmo nehaya vayaʼeʼmo hosu kotegamo apavalelika visana afinaʼmo apakaeʼeʼmo magokepiʼmo navalelika oʼuvo. Apakaemo hapaopaleʼmo maiʼnaya vayaʼaifeʼmo huʼapaeʼmo, Magokepiʼmo alagepa huta maigune, huʼa nehayaʼmonanafa hosu kavaʼmo hisaya kavaʼmo apaipafiʼmo havaiteʼniye.

Samu 36:4

Hipaʼapileʼmo havaeʼa maiʼneʼapaeʼmo hosu kavaʼmo hisayafekeʼmo apakesamo neʼafiye. Muki nehaya kavaʼapimo hosu kavaʼageʼmo haneʼnigeʼapaeʼmo muki hosu kavaʼapieʼmo, haʼao, alagi oʼnahaiye, huʼa nosae.

Samu 38:12

Namagisayafeʼmo nehaya vayaʼmogimo aneʼaimo hanagi maleʼnae. Namagisayafeʼmo nehaya vayaʼmogimo nagaetegamo hisaya kavafeʼmo muki afinaʼmo apakesa afifi huʼa maiʼneʼa namagisaya kafeʼmo kahauya huʼa agesayafeʼmo nehae.

Samu 7:14

Aʼnemogi mafaʼne aliʼa neʼapataya kava huʼa hanageke yaʼmo apamisayafeʼmo apakesa afifi nehuʼa aigofe kavaʼmo aliʼa afole aiʼa neʼatae.

Mai'naya kavane 1:10

Mafaʼneʼnimogae, huʼna, hosu vayaʼmogi hosu kavaʼmo hisanafeʼmo kagesamo faiteʼa kayateʼmo alisayafeʼmo nehisagekaeʼmo geʼapimo afiteka akame osuvo.

Mai'naya kavane 24:8

Hosu kavaʼmo hisiyafeʼmo agesa afifi huno neʼmaiya vekaeʼmo huʼapaeʼmo hanageke vekae, huʼa nehae.

Mai'naya kavane 6:14

Hosu kavaʼmo apaipafiʼmo havai teʼniye. Muki afinaʼmo hosu kavaʼageʼmo hisayafeʼmo apakesamo afiʼa aliʼa fako nehae. Apakaemo magokepi lokaeʼa oʼmaisayafeʼmo aliʼa fako huʼa neʼapatae.

Aiyeya 59:4

Apakaepatiʼmo mago vekamoʼmo, alagepa hutapa alita fako hiyo, huno nosiye. Mukiʼamogi lama gemo afole aisigeno hapa maesiyafeʼmo agoti gefiʼmo alagepa huʼa akame huʼa ge nosae. Apakaiʼapimo hapa maesiyafeʼmo alu ge alu gemo aigofeʼmo nehae. Apakaemo hosu kavaʼmo apaipaguʼeʼmo maiʼneʼa aʼnemogi mafaʼnemo aliʼa neʼataya kava huʼa ani hosu kavaʼmo aliʼa neʼatae.

Maika 7:3

Lole apayatalatetiʼmo hosu kavaʼmo nehayaʼmonanafa alagepa kavaʼmo hisayafeʼmo apakesamo noʼafiye. Yagaiʼa apateʼnaya vayaʼmogimo fikumo lamiyo, huʼa hapa nepaiye. Agoti gemo neʼafiya vayaʼmogimo kutulu monimo alisayafeʼmo nehae. Ala apakimo haneʼniya vayaʼmogimo apakaiʼapimo hapauʼniya yaʼmo alisayafeʼmo alu hosu vayaʼaifeʼmo hapa paiʼnageʼapaeʼmo magokepiʼmo maiʼneʼa vegemo nehae.

Apa 13:10

Satani mafaʼneyo, huno, Kagaemo alagepa kavaʼmo kameʼamo maiʼnane. Aigofe kavakamoʼe hosu kavakamoʼeʼmo kagae kaipafiʼmo havai teʼniye. Ala kava neʼmo fatago kavaʼamo alika kayagi kayaga huka neʼatane.

1 Samiyo 23:9

Neviniʼmo Soloʼmo nagaetegamo hosu kavaʼmo hisiyafeʼmo aipa agesamo afiʼniye. Agesamo afitenoʼaeʼmo mono huno neʼapateya vekamo Amiyatafeʼmo hunoʼaeʼmo, Mono huʼa neʼapataya vayaʼmo nehapiya kenaʼe lole yafatalaʼeʼmo alinika eno, huno huʼnigeno alinino eʼniye.