Mai'naya kavane 24:16 - The Keyagana NT and 25 OT books

¹⁶ Fatago vekamoʼmo seveniʼa afinaʼmo asagauno aisiyana halate afaʼa he tigiyaʼmonanafa hosu vayaʼmo hanageke yaʼmo aliteʼa alagi asagauʼa aigae.

Mai'naya kavane 24:16 ပူးပေါင်းရင်းမြစ်များ

Aepa Gemae 19:35

Inagi haniʼilagamo anakaemo afoʼanimoʼmo halate ani kavaʼmo huʼana nofi alagafati aniʼmo amiʼnaʼageno netegeʼanaeʼmo aganaʼamoʼeʼmo magokepi lokaeʼana havaeʼnaʼae. Agaemo a mafaʼneʼamo eno havaeʼniya kavaʼmo oʼagege he tino uʼniya kavaʼmo oʼagege huʼniye.

Esata 7:10

Inagi Hemaniʼa Motekaiʼmo faligiye, huno alo huno ateʼniya yatala posi yosaleʼmo aneʼmu aeʼa asaiʼnae. Ani kavaʼmo huʼnagenoʼaeʼmo kini vekamoʼmo aipamo leʼniya kavaʼamo hano huʼniye.

Samu 34:19

Alagepa vayaʼmogimo lusi hanageke yaʼmo neʼaliyaʼmonanafa Ala kava neʼmoʼa muki hanageke yapatiʼmo apakufamo alino katino neʼapate.

Samu 34:21

Hosu vayaʼmo hosu kavaʼapimoʼmo apamagisigeʼa faligae. Alagepa kavaʼmo nehaya vayaʼaifeʼmo apaini nehaya vayaʼaina kayoʼmo apamigiye.

Samu 37:24

Apakaemo asagauʼa neʼaigenoʼaeʼmo Ala kava neʼmoʼa apayateʼmo alino he tino neʼapateyaʼmofeʼmo alagi asagauʼa oʼaigae.

Samu 7:16

Hosu kavaʼapimoʼa aino atagi neno apakaiʼapilegageʼmo eʼniye. Hapaesayafeʼmo nehaya kavaʼapimoʼmo apakaiʼapigeʼmo hapaegaiye.

Samu 79:12

O Ala kava nene, huʼna, Alu nofi vaya alu nofi vayaʼmogiʼeʼmo huʼa faipa huʼa kateʼnaya kavaʼapimo anonaʼapilefeʼmo seveniʼa afinaʼmo aeka atagaina huvo.

Mai'naya kavane 13:17

Hosu apa vekamoʼmo hanageke yaʼmo aligiyaʼmonanafa alagepa aliʼyaʼmo neʼaliya apa vekamoʼmo vayaʼmo alagepa huno hapa maegaiye.

Mai'naya kavane 13:21

Hosu vayaʼmo hanageke kavaʼapimoʼmo apavegala neʼaeyaʼmonanafa fatago vayaʼmo anonaʼapilefeʼmo alagepa huʼa maigae.

Mai'naya kavane 14:32

Hosu vayaʼmogimo alagi hosu kavaʼapifiʼmo maiʼnagenoʼaeʼmo alino hapa faino neʼapataleyaʼmonanafa fatago vayaʼmo faliteʼapaeʼmo afole aisiya kavafeʼmo apavayagunagu huʼa neʼmaiye.

Mai'naya kavane 24:22

Ala kava neʼmoʼe gamani vayaʼmogiʼeʼmo lusi kava huʼa kayoʼmo apamisagenoʼaeʼmo apakaetegamo hosu kavaʼmo malage huno afole aigiye.

Mai'naya kavane 6:15

Nehayaʼmofeʼmo malage huno alino hosu huno apatesiya kavaʼmo afole aigiye. Afole aisigeʼa alagepa huʼa maisaya kaʼmo alagi ohanegaiye.

Apa 12:23

Nehagenoʼaeʼmo Ala kava neʼmo enisole vekaʼamo emineno Helotiʼmo amagiʼnigeno hagifamoʼmo agufafiʼmo neʼnigeno faliʼniye. Agaemo Goti agiʼaleʼmo alino asaga huno oʼateʼniyaʼmofeʼmo amagiʼnigeno faliʼniye.

1 Tesaloniyani 5:3

Vayaʼmogi, alagepa huta neʼmaunanageta ani kavakeʼmo huta maigune, huʼa nehisagenoʼaeʼmo malage huno hosu kavaʼmo apakaeteʼmo afole aiteno alino hano huno apategaiye. Aʼnemogimo mafaʼnemo aliʼa apatesayafeʼmo huʼnaya afinaʼmo fikumo maiʼnagenoʼaeʼmo malage huno apakafu nekiya agufa kavaʼmo apakaeteʼmo afole aisigeʼapaeʼmo faiʼa kasalo opaegae.

1 Samiyo 26:10

magoʼe huno ina gemo hunoʼaeʼmo, Ala kava neʼmoʼa afaʼa maiʼniya kava huno faligiye. Ala kava neʼmoʼa Soloʼmo amagisifi falisiya afinaʼmo afole aisigeno falisifi kame vayaʼmogimo kamefatiʼmo kamitimo haesafi hugae.

1 Samiyo 31:4

Faligefeʼmo hunoʼaeʼmo neya vekamoʼmo kame nehiya yaʼaleʼmo neʼaliya vekaeʼmo ha painoʼaeʼmo, naipekaletiʼmo nagaemo naigeʼna falino. Fiku yanageʼa Goti gemo noʼafiya vayaʼmo malaga vayaʼmogi eʼa nagaetefeʼmo apamogaga aiʼa nagufaleʼmo hosu kavaʼmo hugae, huno ha paiʼniye. Huno ha paiʼniyaʼmonanafa ani neya vekamoʼmo lusi kava huno koli huteno Soloʼmo naipeletiʼmo oʼaeʼniye. Oʼaeʼniyaʼmofeʼmo Soloʼmo agaiʼa naipemo akoʼyaʼaleʼmo asagauno aino yagalu neteno faliʼniye.