Mai'naya kavane 24:14 - The Keyagana NT and 25 OT books

¹⁴ Alagepa huka afiteka agesana kavaʼmoʼa kaipafiʼmo haga kahaugiye. Kahauya huka ageʼnisanaʼmoʼmo henagaʼamo alagepa yaʼmo afole aigiye. Afole aigiye, huteka kavayagunagu nehana kavaʼmo hano osugiye.

Mai'naya kavane 24:14 ပူးပေါင်းရင်းမြစ်များ

Samu 119:103

Nagaemo gekamo neʼna afi geʼnogenoʼaeʼmo haga nahauʼniye. Gekamo hagaʼamoʼmo luʼmemo anumoʼmo nehiya hagaʼamo ago aeno agaseno haga nehiye.

Samu 119:111

Mafaʼneʼapimogimo afoʼapimogi kagemi yaʼapimo neʼaliya kava huʼna kavayafatiʼmo huʼnana keʼaepa gemo aliʼnovanageno hetamaʼnimo hanege hanege huno hanegaiye. Ani gekaeʼmo naipafiʼmo namogaga neʼauve.

Mai'naya kavane 16:24

Alagepa gemoʼa lume anukana huno haneʼniye. Ani gemoʼmo apaipafatiʼmo haga nehapaigenoʼaeʼmo alino lokiya vaino neʼapate.

Mai'naya kavane 2:10

Afiteka agesana kavaʼmoʼmo kaipafiʼmo faleno uno haisigeka alagepa huka maigane. Afiteka agesana kavaʼmoʼmo haga nekahausigeno afiʼka aeto hisana kavaʼmoʼa yagaino kategaiye.

Mai'naya kavane 22:18

Ani gemo kaipafiʼmo hanesigekaeʼmo alagepa huka maiʼneka kamogaga aigane. Muki ani gemo vayaʼaifeʼmo hapa paiyo.

Mai'naya kavane 23:18

Ma mopafiʼmo alagepa huʼa neʼmaiya kavaʼmo alagi hano hugiyaʼmonanafa afole aigiye, huka kavayagunagu nehana kavaʼmo alagi afole aigiye.

Matiyu 19:21

Yesuʼa ani gemo afitenoʼaeʼmo, muki geʼamo akame huteka haika hapaisanafeʼmo uka kagemi yakamo alinikuka maketi hugeʼa miya faiʼa hano hutesageka kagemi yaʼapimo ohaneʼnisiya vayaʼaina fako huka apamigenoʼa alopa kagemi yakamo kokuʼnapiʼmo haneno. Apamiteka eka nakame huvo, huno ha paiʼniyaʼmonanafa

Yemisi 1:25

Age nekaniyaʼmonanafa mago vekamoʼmo Goti keʼaepa geʼamoʼa uno haino hapaiʼniya kanale geʼaletiʼmo hatu maeno neʼapateya geleʼmo aulu heno ageʼniya geeʼmo age okanino agesamo afifi huno akame nehisiyana kanale hugiye. Muki kavaʼamo nehisigenoʼaeʼmo Gotiʼa alino auleno ategaiye.