Mai'naya kavane 23:30 - The Keyagana NT and 25 OT books

³⁰ Yatala afinaʼmo maiʼneʼa lokiya aniʼmo nege nege huʼa maiʼnaya vayaʼmogimo ani kava huʼa neʼmaiye. Alu ani alu aniʼmo aliʼa magokepi lakiteʼa neʼnaya kava huʼa nesayafeʼmo kahauya nehaya vayaʼmo ani kavaʼmo huʼa neʼmaiye.

Mai'naya kavane 23:30 ပူးပေါင်းရင်းမြစ်များ

Aepa Gemae 9:21

Mago afinaʼmo ani nofi alagafati aniʼmo neteno negi nagi huteno seli noʼafiʼmo agufalagaʼageʼmo maiʼniye.

Samu 75:8

Ala kava neʼmoʼa aipamo leno neʼapateya kavaʼamoʼmo nofi alagafati aniʼmo lusi kava huno lokiya vaiʼniya anikana huno haneʼniyanageno mago kapufiʼmo havaiteʼnigeno aliʼniye. Agaemo lakisigeʼapaeʼmo muki hosu vayaʼmogimo alagi neʼa hano huʼa atalegae.

Mai'naya kavane 20:1

Nofi alagafati aniʼmoʼa humi neʼapate. Lokiya aniʼmoʼa humi neʼapate. Lokiya aniʼmoʼa kaveta hisaya kavaʼmo alino he tino neʼapate. Ani aniʼmoʼa humi apateʼnigeʼa alagepa kaʼmo ataleʼnaya vayaʼmo negi vayaʼmo maiʼnae.

Mai'naya kavane 23:20

Kagaemo lokiya aniʼmo nege lusi neʼyaʼmo nege nehaya vayaʼmo alika kao yaʼmo osuvo.

Mai'naya kavane 9:2

Agaemo afumo amagino kaeteno nofi alagafati aniʼmo alino haga aniʼmo hamaleno ateʼniye. Neʼyaʼmo faiʼa maiʼneʼa nesaya hiʼyalamuʼmo huʼniye.

Aiyeya 5:11

Lokiya aniʼmo neteʼa negi nagi hisayafeʼmo gotilamiyapiʼmo he netiya vayaʼmogi lokiya aniʼmo neme neme neʼvisageno haniʼilaga folaguʼmo hugiyaʼmofeʼmo lusi kava huʼa kage kage hugae. Neme neme uʼa negi nagi hugae.

Efasasi 5:18

Lusi aniʼmo netetapa negi nagi gemo osigenoʼao lapakufamo alino hosu huno olapateno. Osutapa Goti Aunemeʼamoʼmo lapaipafiʼmo havai teno.

1 Samiyo 25:36

Inagi Amigeʼmo Nemotegamo uno avaʼyi huteno ageyana Nemoʼmo alopa neʼyaʼmo kini vayaʼmogimo nehaya agufa kavaʼmo huno yagitamo nehigeno ageʼniye. Nemoʼmo lokiya aniʼmo neteno lusi kava huno negi nagi kavaʼmo huteno amogaga aiʼniyaʼmofeʼmo mago gemo ha opaime opaime uno maiʼnigeno gotilamiyapiʼmo afole aiʼniye.