Mai'naya kavane 22:6 - The Keyagana NT and 25 OT books

⁶ Lapakaemo neʼvaya kateʼmo mafaʼne anagatapimogi visayafeʼmo alita apaya maleta aepa faitapa apateʼnigeʼa kosuna lesaya afinaʼmo oʼatalegae.

Mai'naya kavane 22:6 ပူးပေါင်းရင်းမြစ်များ

Aepa Gemae 18:19

Agaemo ina kavaʼmo hiyo ina kavaʼmo osiyo, huno hapa paisigeʼa mafaʼneʼaʼe nofi vayaʼamogiʼeʼmo fatago kavaʼmo huge alagepa huʼa aliʼa fako huʼa apamige hisayafeʼmo lekana paiʼna ateʼnovaʼmofeʼmo hisuva kavafeʼmo afaʼa aliʼna ave liguve.

Efasasi 6:4

Afoʼapimogitapae, huʼna, mafaʼnetapimo apaipamo lesiya kavaʼmo osutapa Ala kava neʼmoʼageʼmo alita apaya malege alita api aitapa apatege hutetapa alagepa huta yagaitapa apateyo.

2 Timoti 3:15

Kagaemo aise mafaʼnemo maiʼnana afinatetiʼmo Goti aote mukufiʼmo avoʼmo kae maleʼnaya gemo afime afime eka hemenimo maiʼnane. Gotiʼa ani geletiʼmo afiteka agesana kaipamo afaʼa kamiteka Kalaisi Yesufeʼmo kagesamo afika fatago nehana kavatetiʼmo kagufamo alino katino kateteno kahau vaigiye.

1 Samiyo 1:28

Namiʼniyaʼmofeʼmo nagaemo agaemo Ala kava neʼmo amiʼnove. Ala kava neʼmo aliʼyaʼamo alime alime uno faligiye, huno ha paiʼniye. Inagi apakaemo anileʼmo Ala kava nefeʼmo mono huʼnae.

1 Samiyo 2:26

Ani afinaʼmo Samiyoʼmo kosime kosime haino yatala huʼnigeʼapaeʼmo Ala kava neʼe vayaʼmogiʼeʼmo huʼniya kavafeʼmo magoʼe huno lusi kava huno hapauʼniye.