Mai'naya kavane 22:3 - The Keyagana NT and 25 OT books

³ Alagepa kavaʼmo hisiyafeʼmo afiʼniya vekamoʼmo nagaeteʼmo hanageke yaʼmo afole aigiye, huno agetenoʼaeʼmo maino halove huno neʼmaiyaʼmonanafa oʼafiʼnaya vayaʼmogimo hanageke yaʼmo alisaya kateʼmo neʼuʼapaeʼmo hanageke yaʼmo neʼaliye.

Mai'naya kavane 22:3 ပူးပေါင်းရင်းမြစ်များ

Mai'naya kavane 1:22

Oʼafiʼnaya vayaʼmogitapamo na magi afinaʼmo gemo oʼafitapa maime maime neʼutapa gemo noʼafiya kavafeʼmo olapaugiye. Ge neʼafiya kavafeʼmo huʼa faipa huʼa ateteʼa apakameʼyamo neʼamiya vayaʼmogi huʼa faipa huʼa neʼataya kavafeʼmo apamogaga neʼaiye. Negi vayaʼmogi afisayafeʼmo nohapaiye.

Mai'naya kavane 14:16

Afiteno ageʼniya vekamoʼmo hosu kavafeʼmo koli nehiyaʼmonanafa negi vekamoʼmo koli osuno aipamo leʼnigeno ayamukiki nehiye.

Mai'naya kavane 22:4

Afa vayaʼmo maiʼnone, huʼa huteʼa Ala kava nefeʼmo koli nehaya vayaʼmogimo kagemi yaʼapigi ala apakiʼapigi afaʼa maisaya yaʼapigi huʼa neʼaliye.

Mai'naya kavane 27:12

Alagepa kavaʼmo hisiyafeʼmo ageʼniya vekamoʼmo hunoʼaeʼmo, Mani kateʼmo visuvana hosu kavaʼmo afole aigiye, huno agetenoʼaeʼmo ani kaʼmo ataleno uno fala nekiyaʼmonanafa negi vayaʼmogi oʼageʼa fikumo neʼvageʼapaemo kayoʼmo neʼapamiye.

Mai'naya kavane 29:1

Gotiʼa asole afinaʼmo mago vekaeʼmo hosu kavaʼmo nehane, huno hisiya gemo noʼafisigenoʼaeʼmo malage huno alino agoʼya laga uno atalesigeno ha maesiya vekamo alagi oʼmaigiye.

Mai'naya kavane 7:7

Apakeʼnovana mago alagepa apakesa afi yaʼmo ohaneʼniya neya vayaʼmo umenitata nehageʼna apakeʼnove. Mago neya vekamo agesa afi yaʼmo alagi ohaneʼniye.

Himulu 11:7

Gotiʼa muki vayaʼmogimo oʼageʼnaya kavafeʼmo Noafeʼmo hunoʼaeʼmo, ehekae, huno, hosu vayaʼmo alagi aliʼna hano huʼna apatalegauve, huno ha paiʼnigeno Noaʼa lusi kava huno amoʼyamo aliʼnigeno agesamo afino fatago huʼniyaʼmofeʼmo afamo anagaʼamogi apakufamo alino katino apatesiyafeʼmo mago alopa sipimo alo huʼniye. Ani kavaʼmo huʼniya kavatetiʼmo ma mopafi vayaʼaifeʼmo, lapakaemo hosu kavaʼmo nehayanagetapa faligae, huno alino apave liʼniye. Agaemo Gotitegatiʼmo fatago kavaʼmo apakesamo afiʼa fatago nehageno neʼapamiya agufa fatago kavaʼmo aliʼniye.

Himulu 6:18

Ani lole gemo haneʼniyana polomasi geʼe agiʼaletiʼmo alagi lama gemo huʼniya geʼeʼmo huʼniyanageno agaemo alu gemo afaʼa osugiye. Ani geletiʼmo lagaemo laune heta uta fala kita neʼmauna vayaʼmogita laulagaleʼmo alino afole aino ateʼniya yateʼmo agava maiʼneta lavayagunagu hisuna kavateʼmo alagi atafaisunafeʼmo alino he tino lateʼniye.