Mai'naya kavane 22:29 - The Keyagana NT and 25 OT books

²⁹ Kagaemo lokiya vaino aliʼyaʼmo neʼaliya vekamo ageʼnapiye. Kini vayaʼai apaulagaleʼmo afaʼa he tino maigiye. Apaki ohaneʼniya vayaʼai apaulagaleʼmo he tino oʼmaigiye.

Mai'naya kavane 22:29 ပူးပေါင်းရင်းမြစ်များ

Aepa Gemae 41:38

Feloʼa aliʼyaʼamo neʼaliya vayaʼaifeʼmo hapa painoʼaeʼmo, Goti Aunemeʼamoʼmo ani vekafi maiʼniye. Alu vekamo ani agufa vekaeʼmo kahauya huta agesupiye.

Aepa Gemae 41:46

Ani afinaʼmo Yosefeʼa tetiʼa kafugamo maiʼnenoʼaeʼmo aepa faino ani kini vekamo aliʼyaʼmo aliʼniye. Inagi Yosefeʼa Kini vekamo Feloʼmo ataleno muki Isipi haopalegamo uneno huno ageʼniye.

Aepa Gemae 47:6

Muki Isipi kote mopamo ageʼnane. Kagaemo afokamoʼe konagakamogiʼeʼmo Goseni koteʼmo kanale hogote mopamo afaʼa apamisanageʼa maigae. Inagi kagaemo apakaepatiʼmo pulumakale yagaisaya kavaʼmo ageʼa alagepa huʼnisaya vayaʼmo apakeʼnisana vayaʼmo alika apategeʼa pulumakaʼnileʼmo yagaigae, huno ha paiʼniye.

Mai'naya kavane 10:4

Alagaʼmo haesiya vekamoʼmo kagemi yaʼamo ohanesiya vekamo maigiyaʼmonanafa lokiya vaino haise vose huno aliʼyaʼmo alisiya vekamoʼmo kagemi yaʼamo hanesiya vekamo maigiye.

Mai'naya kavane 12:24

Apayamukiki huʼa aliʼyaʼmo neʼaliya vayaʼmogi vayateʼmo yagaiʼa apategaiyaʼmonanafa alagaʼmo nehapaeya vayaʼmogi kalavusi aliʼyaʼmo aligae.

Mai'naya kavane 23:1

Kagaemo neʼyagaiya vekaʼeʼmo magokepi lokaetana maiʼnetana neʼyaʼmo nesaʼafeʼmo nehutanaeʼmo neʼyafeʼmo kagesamo afiyo.

Neniyo 1:19

Kini vekamoʼmo apakaeʼeʼmo gege hutenoʼaeʼmo ageʼniyana Neniyoʼagi Hananaiyaʼagi Misayaliʼagi Asalaiyaʼagi huʼa alu neya vayaʼmo ago aeʼa apaka seʼnageno apakeʼniyaʼmofeʼmo kini vekamo aliʼyaʼamo aliʼnae.

Neniyo 1:4

Alagepa apaugosa apakufaʼe neya vayaʼmo apakufaleʼmo mago yaʼmo ohapauno alagepa huno haneʼnisiya vayaʼageʼmo apavalo. Apakaemo alagepa huʼa sukulu huteʼa muki yapiʼe kavapiʼeʼmo alagepa huʼa afiteʼa ageʼnisaya neya vayaʼmo malage huʼa afiʼa halesaya agufa vayaʼmo apakeka apavalelika egane. Noʼnifiʼmo aliʼyaʼmo alige sukulu huteʼa Mamiloni vayaʼai apakemo afige Mamiloni mukufi gemo afige hugae, huno ha paiʼniye.

Matiyu 25:21

aliʼyaʼmo afoʼamoʼmo ha painoʼaeʼmo, aliʼyakamo oʼataleʼnanaʼmofeʼmo aliʼna amufa nekamuve, huno, alagepa kavaʼmo huʼnane. Aise yateʼmo alagepa huka yagaiʼnanaʼmofeʼmo alopa yateʼeʼmo afaʼa yagaisanafeʼmo kavalegauvanagi eka nagaeʼeʼmo kamogaga aiyo, huno ha paiʼniye.

Matiyu 25:23

aliʼyaʼmo afoʼamoʼmo hunoʼaeʼmo, aliʼyakamo oʼataleʼnanaʼmofeʼmo aliʼna amufa nekamuve, huno, alagepa kavaʼmo huʼnane. Aise yateʼmo alagepa huka yagaiʼnanaʼmofeʼmo alopa yateʼeʼmo afaʼa yagaisanafeʼmo kavalegauvanagi eka nagaeʼeʼmo kamogaga aiyo, huno ha paiʼniye.

Lomu 12:11

Alaga olapaenagetapa lapayamukiki hutapa Ala kava neʼmo aliʼyaʼamo aliyo.

2 Timoti 4:2

Goti geʼamo aeka hakalo huka hapa paiyo. Muki afinaʼmo gekamo afigefe hisaya afinaʼe oʼafigefe hisaya afinaʼeʼmo alo huka maiʼnekaeʼmo, aise afinaʼmo haneʼniyanagi malage hutapa gemo afiyo, huka hapa paiyo. Apakesamo alika hapa paigeʼapao. Lapakaemo hosu kavaʼmo osiyo, huka hapa paiyo. Goti geʼamo akame hisayafeʼmo alika he tika apato. Ani kavaʼmo nehukaeʼmo yagu yaga kavaʼmo huka maime maime neʼukaeʼmo oʼataleka alika apaya malo.

1 Samiyo 16:21

Neviniʼmo Solotegamo uno avaʼyi hutenoʼaeʼmo aliʼyaʼamo neʼaliya vekamo hamaleʼniye. Soloʼmo Nevinifeʼmo lusi kava huno hauʼnigenoʼaeʼmo Neviniʼa Soloʼmo kame nehiya yaʼmo aliteno Soloʼeʼmo kame hisiyategamo uteno ha maeno kame hisiya vekamo hamaleʼniye.

1 Samiyo 17:31

Mago vayaʼmogimo Neviniʼa huʼniya gemo afiteʼapaeʼmo uʼa Solofeʼmo ha paiʼnageno Soloʼa Nevinifeʼmo ge huʼnigeno agaetegamo uʼniye.