Mai'naya kavane 22:15 - The Keyagana NT and 25 OT books

¹⁵ Negi nagi kavaʼmoʼa mafaʼne anagaʼai apaipafiʼmo aeno kamaeno alagi huʼniyaʼmonanafa alita api aitapa apatesayafeʼmo hopa kayotetiʼmo apamagisaya kavatetikeʼmo amagita hafaitalesageno uno afagiʼalegamo hanegaiye.

Mai'naya kavane 22:15 ပူးပေါင်းရင်းမြစ်များ

Samu 51:5

Vae, huʼna, itaʼnimoʼmo nagae aipaguʼeʼmo aepa faiʼniya afinaʼmo hosu kavapiʼmo maiʼnove. Itaʼnimo aipafiʼmo maiʼneʼnaeʼmo hosu mafaʼnemo maiʼnove.

Mai'naya kavane 13:24

Mafaʼneʼamo maino halove huno ateteno hopa kayotetiʼmo oʼamagiʼniya vekamoʼmo mafaʼneʼaeʼmo ohauʼniye. Mafaʼneʼaeʼmo hauʼniya vekamoʼmo malage huno amagino alino api aino neʼate.

Mai'naya kavane 19:18

Lapakaemo mafaʼnetapimogi getapimo afisayafeʼmo ko osiʼnisagetapaekeʼmo hopa kayotetiʼmo apamagitapa alita api aitapa apateyo. Fiku yanageno Gotiʼa kayoʼmo apamisigeʼa faligayanagi.

Mai'naya kavane 20:30

Kayotetiʼmo hosu kavaʼapimo alino neʼatale. Ani kava huno kayotetiʼmo apamagiʼnigeno fugagiʼnaʼapimoʼmo nehiya kavatetiʼmo vasilona apaipafatiʼmo hosu kavaʼapimo alino neʼatale.

Mai'naya kavane 29:15

Lapakaemo mafaʼnetapiyeʼmo, hosu kavaʼmo huʼnane, hutapa hapa paitetapa hopa kayotetiʼmo apamagisayaʼmoʼmo mafaʼnetapimogi afiteʼa agegayaʼmonanafa apaketapa apatalesayaʼmoʼmo itaʼapimogimo apavagage yaʼmo aliʼa apamigae.

Mai'naya kavane 29:17

Mafaʼnetapimo alitapa api aitapa apategenoʼao lapaipamoʼmo falu hino. He, lapakaemo mafaʼnetapieʼmo hapaoke hegae.

Yoni 3:6

Atafa apaipamo haneʼniya vayaʼmogi atafa apaipaʼe vayaʼmo aliʼa neʼapatae. Goti Aunemeʼamoʼmo saufa apaipaʼe vayaʼmo alino neʼapate.

Efasasi 2:3

Mukiʼamogitamo apakaekana huta maiʼnogeno lagufamoʼe lagesamoʼeʼmo lahaʼye huʼnigetaeʼmo lagufamoʼmo hauʼniya kavaʼmo huge hosu kavafeʼmo lagesamo afita akame huge huʼnone. Itatimogi aliʼa lateʼnagetaeʼmo muki ma mopafi vayakana huta hosu laipamo alita maiʼnonaʼmofeʼmo Gotiʼa aipamo leno nelateyanageno kayoʼmo lamisiya agufa kavaʼmo huta maiʼnone.