Mai'naya kavane 21:8 - The Keyagana NT and 25 OT books

⁸ Vaiʼmo neʼaliya vayaʼmogimo humiʼnami kavaʼmo nehayaʼmonanafa vaiʼmo noʼaliya vayaʼmogimo fatago kavaʼmo nehae.

Mai'naya kavane 21:8 ပူးပေါင်းရင်းမြစ်များ

Mai'naya kavane 15:26

Ala kava neʼmoʼa hosu vayaʼmogimo apakesamo neʼafiya kavafeʼmo alagi ohauʼnigeno avenatuʼna heno atalegekana huno neʼataleyaʼmonanafa yaveyave apaipaʼe vayaʼmogi nehaya geeʼmo amuse huno neʼapate.

Mai'naya kavane 2:15

Kavaʼapimoʼmo kayagi kayaga huʼniye. Api kaʼmo ago ataleʼnae.

Mai'naya kavane 21:9

Hiyato nopiʼmo maiʼnaya kavaʼmoʼa alagepa nopiʼmo maiʼneno kaveta nehiya a kanoʼeʼmo magokepi lokaeʼana maiʼnaʼa kavaʼmo ago aeno aga seʼniye.

Mai'naya kavane 30:12

Mago nofi vayaʼmo hosu kavaʼapimo aeno kalopaeno oʼataleʼniyana apakaiʼapi apaulagaleʼmo hosu kavatimo ohaneʼnigeta kanale laipa lagesa vayaʼmo maiʼnone, huʼa nehae.

Aiyeya 26:7

Fatago vayaʼmogimo api kateʼmo neʼvae. O alagi api Gotigae, huʼna, kagaemo fatago vayaʼmogimo neʼvaya kaʼmo alika api aika neʼatane.

Aiyeya 59:8

Alagepa huʼa magokepi lokaeʼa maisageno apaipamoʼmo falu hisiya kaʼmo noʼagae. Apakaemo vayaʼai kavaʼapimo alagepa huʼa aliʼa fako nosae. Apakaemo kaʼapimo kayagi kayaga kaʼmo valiʼnae. Ina lagimo ani kateʼmo visafi alagepa huʼa magokepi lokaeʼa maisaya kavaʼmo oʼagegae.

Neniyo 12:10

Gotiʼa asole vayaʼmogi hosu kavaʼapimo aeno kalo paeno atalege yaveyave vayaʼmo alino hamaleno apatege alino alagepa huno apatege hugiyaʼmonanafa hosu vayaʼmogi hosu kavaʼmo hugae. Hosu vayaʼmogimo alagepa huʼa afiteʼa ageʼa ha olegayaʼmonanafa afiteʼa ageʼnaya vayaʼmogi alagepa huʼa afiteʼa ageʼa ha legae.

Matiyu 12:33

Alagepa alagamo neʼae, hutapa lapakesamo afiʼnisayana alagepa yosamo haneʼniye, huta lapakesamo afiyo. Hosu alagamo neʼae, hutapa lapakesamo afiʼnisayana hosu yosamo haneʼniye, huta lapakesamo afiyo. Yosa alagaʼamo ageteʼapaekeʼmo na agufa yosamo haneʼnifi huʼa neʼagayaʼmofeʼmae.

Matiyu 5:8

Yaveyave apaipa vayaʼmogi Gotiʼmo afaʼa agegayaʼmofeʼmo Goti aulena vayaʼmo maiʼnae.

Apa 15:9

Gotiʼa lagaetegamo mago alu kavaʼmo huge alu nofi vayaʼaitegamo mago alu kavaʼmo huge nosifa magoke aiyaya kavakeʼmo nehunoʼaeʼmo apakesamo afiʼa fatago nehaya kavatetikeʼmo apaipafatiʼmo aeno kalo paeno ataleʼniye.

1 Kolitiyani 3:3

Lapakufamoʼmo hauʼniya kavaʼmo akame huʼnayanagetapa hemeniʼeʼmo afaʼageʼmo akame nehae. Lapakaitapifiʼmo lapaipa kafa hapaege ge vaige alita fako hutapa alu vaya alu vayaʼmo maige hutapa maiʼnetapaeʼmo lapakufamoʼmo hauʼniya kavaʼmo akame nehutapa ma mopafi vayakana hutapa maiʼnae.

Taitasi 1:15

Yaveyave apaipa vayaʼmogimo muki aliʼnisaya yaʼamo apakaiʼapilefeʼmo yaveyave yaʼmo haneʼniyaʼmonanafa hosu kavaʼmoʼa alino oʼaniʼya faino apateʼnisiya vayaʼmogimo muki aliʼnisaya yaʼamo apakaiʼapilefeʼmo oʼaniʼya yaʼmo haneʼniye. Apakesamo neʼafiya yaʼapifiʼe apakupi mafaʼnefiʼeʼmo oʼaniʼya yaʼmo havai teʼniyaʼmofeʼmae.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Taitasi 3:3

Hogoteta apakaekana huta maiʼneta negi kava huta ge oʼafita aigofe gegeʼmo afita maiʼnone. Asole agufa hosu kavatimo haneʼniyana lagufamoʼmo hauʼniya kavatimoʼe hosu lahaʼye nehiya kavaʼmoʼeʼmo yagaino lateʼnigeta alagepa huʼa oʼmaisayafeʼmo lagesamo afiʼnetaeʼmo hosu laipamo kalita apatege laipa kafa hapaege huta maiʼnone. Lagaefeʼmo apaini huʼnagetaeʼmo lagaeʼeʼmo apakaefeʼmo laini huʼnone.

Taitasi 3:5

Agaemo fatago kavaʼmo huta alagepa aliʼyaʼmo aliʼnona kavatiletiʼmo lagufamo alino katino olateʼnifa fikumo hau huno latetenoʼaeʼmo lagufamo alino katino lateʼniye. Aunemeʼaletiʼmo alino lateteno hosu kavatimo aeno kalo paeno lateʼnigetaeʼmo saufa vayaʼmo hamaleʼnone.

1 Yoni 2:29

Lapakaemo Gotiʼa alagepa kavaʼageʼmo nehiya vekae, hutapa ago afiʼnayaʼmofeʼmo agaemo alagepa kavaʼmo nehaya vayaʼmo hogoteno alino apateʼnigeʼa mafaʼneʼamo maiʼnae, hutapa afiʼnae.

1 Yoni 3:3

Muki vayaʼamogimo, ani kavaʼmo afole aigiye, huʼa huteʼa agava maiʼneʼa apamogaga neʼaiya vayaʼmo apakaiʼapimo sese huʼa neʼapatae. Agaemo yaveyaveʼage aipaʼe vekamo maiʼniyanageʼa agaekana huʼa maisayafeʼmae.