Mai'naya kavane 21:6 - The Keyagana NT and 25 OT books

⁶ Aigofe gemo huteʼa asole monimo alisayafeʼmo kahauya nehaya vayaʼmo ani kava huʼa falisaya kavafeʼmo kahauya nehae. Asole yaʼmo aligune, huʼa apakesamo neʼafiya yaʼmoʼa alagamunamo ageʼnageno malage huno apake nekaniya kava huno hano hugiye.

Mai'naya kavane 21:6 ပူးပေါင်းရင်းမြစ်များ

Mai'naya kavane 10:2

Hosu kavatetiʼmo neʼaliya kagemi yaʼapimoʼmo hapa oʼmaegiyaʼmonanafa fatago kavatetiʼmo falisaya kavatetiʼmo apakufamo alino katino apategaiye.

Mai'naya kavane 13:11

Hosu kavatetiʼmo fikumo neʼaliya monimoʼmo alino aise hume hume uno lamigiyaʼmonanafa lokiya aliʼyaʼmo hapaise vose huʼa aliteʼa neʼaliya monimoʼmo magoʼe huno kosime kosime uno haigiye.

Mai'naya kavane 20:14

Maketi hu maleʼniya vekaeʼmo miya nefaiya vekamoʼmo miya faisiyafeʼmo hunoʼaeʼmo, hosu yaʼmo haneʼniye, huno huteno miya faino alinino neʼunoʼaeʼmo kanale yaʼmo miya faiʼnove, huno alu vayaʼaifeʼmo hapa nepaiye.

Mai'naya kavane 20:21

Mago vekamoʼmo afoʼamo yaʼmo malage huno aliʼnisiyaʼmoʼmo atupa afinaʼmo Gotiʼa alino auleno oʼategaiye.

Mai'naya kavane 22:8

Vayaʼmogimo hosu kavaʼmo nehaya kavaʼmo avina yaʼmo hakalegekana huʼa nehakalayanageʼa neʼyaʼmo neʼaliya kava huʼa kana yaʼmo aligae. Apaipamo leʼnigeʼa kayoʼmo neʼapamiya kavaʼmo hano hugiye.

Mai'naya kavane 30:8

Ma mopafi muki afa kavaʼe aigofe geʼeʼmo nagaetegatiʼmo alika afagitegamo yaga auka atalo. Kafu hisuva kavaʼmo osuge asole kagemi yaʼnimo hanesiya kavaʼmo osuge huvo. Na magi yaʼmo kamiguve, huka hisapi afaʼa namiyo.

Mai'naya kavane 8:36

Nagaetegamo hosu kavaʼmo nehisiya vekamoʼmo agaiʼa aunemeʼamo alino hosu huno neʼate. Nagaefeʼmo nohapaiya vayaʼmo falisaya kavafeʼmo nehapaiye.

Taitasi 1:11

Ani agufa vayaʼmogi monimo alisayafeʼmo afaʼa osisaya agufa gemo aliʼa apaya neʼmaleʼapaeʼmo muki afamo anaga vayaʼae vayaʼaeʼmo aliʼa hosu huʼa neʼapatae. Ge osisayafeʼmo apavayaleʼmo huka apatafauka apato.

2 Pita 2:3

Apakaemo hapaʼye huʼninageʼa aigofe geʼapiletiʼmo lapakaetetiʼmo muki kagemi yatapiʼe monitapiʼeʼmo alisayafeʼmo hugae. Muki afinaʼmo agoti huno apatesiya vekamo fikumo noʼmaifa alo hunoʼageʼmo neʼmaiye. Alino apagoʼya lagauno apatalesiya vekamo muki afinaʼmo au nokale.