Mai'naya kavane 21:23 - The Keyagana NT and 25 OT books

²³ Avayaleʼe avenafuʼnaleʼeʼmo yagaino neʼatesiya vekamoʼmo hanageke yaʼmo oʼaligiye.

Mai'naya kavane 21:23 ပူးပေါင်းရင်းမြစ်များ

Samu 141:3

O Ala kava nene, huʼna, kagaemo navayaleʼmo alagepa huka yagaika nato. Geʼnileʼmo alagepa huka yagaika nategeʼnao hosu gemo osino.

Mai'naya kavane 10:19

Asole gemo nehiya vekamoʼmo geʼafatiʼmo hosu kavaʼmo afole aigiyaʼmonanafa afiteno neʼageya vekamoʼa avayamo aino akani malegaiye.

Mai'naya kavane 12:13

Hosu vayaʼai geʼapimoʼmo aneʼai hegekana huno apatafaugiyaʼmonanafa fatago vayaʼmogi hanageke yaʼmo aeʼa aga segae.

Mai'naya kavane 13:3

Avayaleʼmo alagepa huno neʼyagaiya vekamo alagepa huno maigiyaʼmonanafa asole gemo nehiya vekamo alagepa huno oʼmaigiye.

Mai'naya kavane 16:17

Fatago vayaʼmogimo hosu kavaʼmo aeʼa aga sesaya kateʼmo neʼvae. Vayaʼmogimo kavaʼapileʼmo alagepa huʼa yagaiʼa neʼataya vayaʼmogi apauneʼapameʼmo alagepa huno maigiye.

Mai'naya kavane 18:21

Apavayafatiʼmo nehaya geʼapimoʼmo afaʼa maisaya yaʼmo alino apamige falisaya yaʼmo alino apamige nehiye. Alagepa geeʼmo nehapaisiya vayaʼmo alagepa huʼa maigayaʼmonanafa hosu geeʼmo nehapausiya vayaʼmo alagepa huʼa oʼmaigae.

Yemisi 1:26

Mago vekamoʼmo hunoʼaeʼmo, mono vekamo maiʼnove, huno agesamo afiʼnisiyaʼmoʼmo avayaleʼmo alagepa huno oʼyagaino hosu gemo nehisiyana mono nehiya kavaʼamo ina agufa kavaʼmo haneʼniyanageno alagi ha oʼmaegaiye. Agaiʼaeʼmo humi neʼate.