Mai'naya kavane 21:11 - The Keyagana NT and 25 OT books

¹¹ Vayaʼmogimo himuʼnamu kavaʼmo nehisiya vekamo kayoʼmo amisagenoʼaeʼmo gemo afisiya yaʼamo ohaneʼnisiya vekamoʼmo agetenoʼaeʼmo afigiye. Afigiyaʼmonanafa afiteno ageʼniya vekamo aliʼa aya malesagenoʼaeʼmo magoʼe huno afiteno agegaiye.

Mai'naya kavane 21:11 ပူးပေါင်းရင်းမြစ်များ

Mai'naya kavane 1:5

Alagepa huno afiʼnisiya vekamo kaʼmo alino ho huno ategaiye.

Mai'naya kavane 15:14

Afino aeto huʼniya vekamoʼmo magoʼe huno afisiyafeʼmo kahauya nehiyaʼmonanafa negi vayaʼmogimo negi kavaʼmo nehaya kavaʼmo neʼyaʼapigana huʼa neʼnae.

Mai'naya kavane 18:1

Alu vayaʼmo apataleno uno aoteʼmo neʼmaiya vekamoʼmo agaiʼa kavafekeʼmo agesamo neʼafiye. Alu vayaʼmogi huʼnaya geeʼmo agesamo noʼafiye.

Mai'naya kavane 18:15

Alagepa kavaʼmo hisiyafeʼmo ageʼniya vekamoʼmo magoʼe huno afigiye. Afiteno ageʼniya vekamoʼmo magoʼe huno afisiyafeʼmo alino aya maleʼniya gemo agetafo huʼneno neʼafiye.

Mai'naya kavane 19:25

Kagaemo himuʼnamu nehiya vekamo kayoʼmo amisanagenoʼaeʼmo gemo oʼafiʼniya vekamoʼmo alagepa kavaʼmo hisiyafeʼmo gemo afigiye. Kagaemo gemo afino aeto nehiya vekamo alika api aika atesanagenoʼaeʼmo magoʼe huno afigiye.

Mai'naya kavane 9:7

Mago vekamoʼmo himuʼnamu vekamo alino api aino atesiyafe hugiyana agaiʼamo avagage yaʼmo aligiye. Mago vekamoʼmo hosu vekaeʼmo hosu kava nehane, huno hugiyana hosu yaʼmo aligiye.

Mai'naya kavane 9:9

Kagaemo afiteno neʼageya vekamo alika aya malesanageno magoʼe huno afiteno agegaiye. Kagaemo fatago vekamo alika aya malesanageno afiʼniya kavaʼaleʼmo magoʼe huno afigiye.

Napa 16:34

Ani kelifiʼmo uʼa nelamiʼapaeʼmo lusi kava huʼa kage kage huʼnageʼapaeʼmo muki Isaleli vayaʼmogimo apaune neheʼapaeʼmo, Fiku yanageno mopamo aino akaka vaesigeta lagaeʼeʼmo asagauta aigune, huʼa huʼnae.

Apa 5:5

Ananaiyasiʼa ani gemo afitenoʼaeʼmo mopafiʼmo asagauno aiteno faliʼniye. Ani kavafeʼmo ava gemo afiʼnaya vayaʼmogimo lusi kava huʼa koli huʼnae.

Leveleseni 11:13

Anakeʼnagenoʼaeʼmo lusi imimaʼmo aliʼnigenoʼaeʼmo naya loleʼa taonifatiʼmo magoke taonimo magokayaga atupalega asagauno aiʼnigeʼapaeʼmo seveni tauseniʼa vayaʼmo faliʼnae. Faliʼnageʼapaeʼmo afaʼa maiʼnaya vayaʼmogimo lusi kava huno apamoʼya aiʼnigeʼa kokuʼnapi Goti agiʼaleʼmo aliʼa asaga huʼa ateʼnae.