Mai'naya kavane 21:1 - The Keyagana NT and 25 OT books

¹ Ala kava neʼmoʼa muki kini vayaʼmogi apaipa apakesamo ayapiʼmo aliʼneno aniʼmoʼa uteno eteno hulino uno nelamiya kava huno hauʼniya kateʼmo alino ho huno neʼapate.

Mai'naya kavane 21:1 ပူးပေါင်းရင်းမြစ်များ

Esala 1:1

Sailasiʼa Pesiya kotega kini vekamo hogote kafugaʼamo yagaiʼniya afinaʼmo Yelemaiyaʼmo Ala kava neʼmo geʼamo hapa paiʼniya gemo afole aisiyafeʼmo Sailasi aipafiʼmo Ala kava neʼmoʼa aliʼyaʼmo aliʼnigeno muki vayaʼmogi afisayafeʼmo mago keʼaepa gemo avoʼmo kaeno hu maleʼniye.

Esala 1:2

Sailasiʼa Pesiya kotega kini vekamoʼmo hunoʼaeʼmo, Ala kava neʼmo kokuʼnapi Gotiʼa muki kini vayaʼmogi mopaleʼmo yagaisuvafeʼmo namitenoʼaeʼmo, Kagaemo Yuta polovenisi Yulusalemu taonifiʼmo mono noʼnimo kika nato, huno naha paiʼniye.

Esala 6:22

Ala kava neʼmoʼa apamogaga aisayafeʼmo alino he tino apateʼniyaʼmofeʼmo hopa afinaʼmo seveni afinaʼae afinaʼaeʼmo aeno apafu noleya peleti mayamo afina kavaʼmo akame huʼa apamogaga aiʼnae. Gotiʼa lokiya vaino apatesigeʼa Isaleli vayaʼmogi Gotiʼapimo mono noʼamo kisayafeʼmo Asiliya kini vekamo aipa agesamo alino aino afe leno ateʼniye.

Esata 2:17

Kini vekamoʼmo Esatafeʼmo magoʼe huno hau ayamopafiʼmo hauʼnigeno mago alu aʼmafaʼne anagaʼmo veʼeʼmo magokepi lokaeʼa ohavaeʼnaya aʼmafaʼne anagaʼaifeʼmo ohauʼniye. Kini vekamoʼmo magoʼe huno amuse huno ateʼniyaʼmofeʼmo Esata agenopaleʼmo kuvini kakolitamo alino maleno ateteno Kuvini a kanomo Vasiti aimuʼyaleʼmo ateʼniye.

Samu 105:25

Agaemo Isipi vayaʼai apaipa apakesamo alino aino afe le maleʼnigeʼapaeʼmo agaiʼa vayaʼaifeʼmo apaini huteʼa aliʼyaʼamo neʼaliya vayaʼaifeʼmo humi apateʼnae.

Samu 106:46

Agaemo apavaleli uʼa kalavusi aliʼyateʼmo apateʼnaya vayaʼaifeʼmo hapa paiʼnigeʼa hapau huʼa apateʼnae.

Samu 114:3

Gotiʼa Haesa Solovala anipiʼmo visaya kaʼmo valino apateʼnigeʼa aniʼmo folagapatiʼmo uʼnae. Uʼa Yoneni aniteʼmo avaʼyi huʼnageno aniʼmo magoʼe huno uno olamiʼniye.

Samu 114:5

Solovala Anine, huʼna, Na agufa kavaʼmo afole aiʼnigekaeʼmo kagaemo kaune heʼnane. Yoneni Anine, huʼna, na kava higekaeʼmo uka olamiʼnane.

Samu 93:4

Ala kava neʼmo lokiyaʼamoʼmo aniʼmoʼa aino holakau holakau nehigenoʼaeʼmo alopa agemo neʼaiya aniʼmo lokiyaʼamo ago aeno agaseʼniye.

Hatu maeno apate'niya gemae 7:3

Ha paigiyaʼmonanafa nagaemo Felo aipa agesamo aliʼna akani maleʼneʼna asole noʼagaya agufa naune kavaʼmo Isipi koteʼmo huguve.

Mai'naya kavane 16:1

Vayaʼmogimo hisaya kavafeʼmo apakesa afifi huge huge huʼa neʼmaiyaʼmonanafa Ala kava neʼmoʼa ani hisaya gemo alino neʼapamiye.

Mai'naya kavane 16:9

Vayaʼmogimo hisaya kavafeʼmo apakesamo neʼafiyaʼmonanafa Ala kava neʼmoʼa agaiʼageʼmo alino ho huno neʼapate.

Mai'naya kavane 20:24

Ala kava neʼmoʼa vayaʼmogimo hisaya kavaʼmo alino ho huno neʼapateyaʼmofeʼmo haiya kava huʼa apakaiʼapimo hisaya kavaʼmo agegae.

Aiyeya 43:19

Afiyo, huʼna, Nagaemo saufa kavaʼmo huguve. Hemenimo afole aigiye. Lapakaemo oʼagesafiye. Nagaemo kaʼme kotegamo kaʼmo valiguve. Nagaemo hau huʼniya kotegamo meti aniʼmo afole aiteno uno lamisiya kavaʼmo huguve.

Neniyo 4:35

Agae aulagaleʼmo muki ma mopafi vayaʼmo afaʼa ina agufa vayaʼmo maiʼnae. Agaemo muki kokuʼnapi vayaʼaitegaʼe ma mopafi vayaʼaitegaʼeʼmo hauʼniya kavaʼmo afaʼa nehiye. Mago vayaʼmogi agaemo mago kavaʼmo osisiyafeʼmo atafauʼneʼa, kagaemo na kava nehane, huʼa afaʼa osugae.

Apa 7:10

Maiʼniyaʼmonanafa Gotiʼa alagepa huno ha maeteno hosu kavategatiʼmo hatu maeno ateʼniye. Ha maeteno alagepa aipa agesamo amiʼnigeno Feloʼa Isipi kote kini vekamoʼmo agenoʼaeʼmo alagepa aipa agesa vekamo maiʼniye, huno agetenoʼaeʼmo, Isipi koteʼe muki yaʼnileʼeʼmo yagaino apategaiye, huno huteno lekana paino ateʼniye.

Leveleseni 16:12

Napa sigisi enisole vekamoʼmo yuvapaʼamo alinino uno alopa aniʼmo uno nelamiya aniʼmo agiʼamo Yufaletisi anipiʼmo aino lakiʼnigeno yegemo haine neʼeya kotegamo yagaiʼa neʼapataya kini vayaʼmo esaya kaʼmo valino apatesiyafeʼmo aniʼmo leno laneʼniye.

Leveleseni 16:4

Napa tali enisole vekamoʼmo yuvapaʼamo alinino uno alopa aniʼmo uno nelamiya anipiʼe aise aniʼmo nelamiya anipiʼeʼmo aino lakiʼnigeno kola aniʼmo alino hamaleʼniye.