Mai'naya kavane 20:13 - The Keyagana NT and 25 OT books

¹³ Kau kaleka maisana kavafeʼmo okahaino fiku yanageno kagemi yakamo ohanesiya vekamo maigane. Kaupatiʼmo he tika aliʼyaʼmo alisanaʼmoʼmo neʼyaʼmo neka kamu hugane.

Mai'naya kavane 20:13 ပူးပေါင်းရင်းမြစ်များ

Mai'naya kavane 10:4

Alagaʼmo haesiya vekamoʼmo kagemi yaʼamo ohanesiya vekamo maigiyaʼmonanafa lokiya vaino haise vose huno aliʼyaʼmo alisiya vekamoʼmo kagemi yaʼamo hanesiya vekamo maigiye.

Mai'naya kavane 12:11

Hoyamo neʼvaiya vekamoʼmo neʼyaʼmo neno amu hugiyaʼmonanafa aliʼyaʼmo oʼaliʼa alu ya alu yafeʼmo apamogaga neʼaiya vayaʼmogi afiʼa aeto nosae.

Mai'naya kavane 13:4

Alagaʼmo nehaeya vekamoʼmo kagemi yaʼmo alisiyafeʼmo haʼye nehiyaʼmonanafa oʼalisigeno ayamukiki huno haise vose huno aliʼyaʼmo neʼaliya vekamoʼmo kagemi yaʼmo aligiye.

Mai'naya kavane 19:15

Vayaʼmo alagaʼmo nehapaeya kavaʼmoʼa alino apau kalegekana huno neʼapate. Aliʼyaʼmo oʼaliʼa afaʼa neʼmaiya vayaʼmo apaka tegaiye.

Mai'naya kavane 20:14

Maketi hu maleʼniya vekaeʼmo miya nefaiya vekamoʼmo miya faisiyafeʼmo hunoʼaeʼmo, hosu yaʼmo haneʼniye, huno huteno miya faino alinino neʼunoʼaeʼmo kanale yaʼmo miya faiʼnove, huno alu vayaʼaifeʼmo hapa nepaiye.

Mai'naya kavane 28:19

Agaiʼamo mopafiʼmo hoyamo alino neʼvaiya vekamoʼmo asole neʼyaʼmo aligiyaʼmonanafa aepaʼamo ohaneʼniya kavaʼmo akame nehiya vekamo kafu huge huge huno maigiye.

Mai'naya kavane 31:15

Agaemo kotilamiyapiʼmo he tino afamo anagaʼamogi neʼyaʼmo nekae. Mago hetamamo alino aliʼyaʼamo neʼaliya aʼne anagaʼmo neʼapamiye.

Yona 1:6

Sipifiʼmo aliʼyaʼmo neʼaliya vayaʼaiteʼmo yagaino neʼapateya vekamoʼmo ageyana Yonaʼa afaʼageʼmo au kaleno maiʼnigeno agetenoʼaeʼmo, Na kava higekaeʼmo kau kaleka maiʼnane. He tika kagaemo gotikamofeʼmo keya aeka ge huvo. Ofalisunafeʼmo afiteno laha maesifi laha oʼmaesifigi ge huka afi go, huno ha paiʼniye.

Lomu 12:11

Alaga olapaenagetapa lapayamukiki hutapa Ala kava neʼmo aliʼyaʼamo aliyo.

Lomu 13:11

Afole aiʼniya afinaʼmo ago ageʼnayaʼmofeʼmo mani kavaʼmo hiyo. Lagesamo afita fatago huʼnona afinatetiʼmo mago afinaʼmo utesigeno Gotiʼa lagufamo alino katino latesiya afinaʼmo ago hogo nehiyaʼmofeʼmo lapaupatiʼmo he tita yagaitapa maisaya afinaʼmo afole aiʼniye.

1 Kolitiyani 15:34

Negi nagi kavaʼmo osutapa alagepa hutapa lapakesamo afitetapa hosu kavatapimo ataleyo. Lapavagagemo hisiyafeʼmo nagaemo, magoʼamogitapamo Gotiʼa oʼageʼnae, huʼna lapa nepauve.

Efasasi 5:14

Ani kavafeʼmo hunoʼaeʼmo, kaukaleʼnana vekamogamo kaupatiʼmo he tige faliʼnaya vayapatiʼmo he tige huka maigenoʼao Kalaisiʼa kaipafiʼmo ha le yaʼmo kamino, huno huʼniye.

2 Tesaloniyani 3:10

Lapakaeʼeʼmo magokepi lokaeta maiʼnetaeʼmo, aliʼyaʼmo alisiyafeʼmo ohauʼnisiya vekamoʼmo neʼyatapimo oʼnegaiye, huta lokiya gemo huta lapa paiʼnone.