Mai'naya kavane 20:11 - The Keyagana NT and 25 OT books

¹¹ Vayaʼmogimo kavaʼapimo ageteʼapaeʼmo alagepa vayaʼmo maiʼnae, huʼa apakege hosu vayaʼmo maiʼnae, huʼa apakege nehaya kava huʼa aise mafaʼne anagaʼeʼmo apakeʼnae.

Mai'naya kavane 20:11 ပူးပေါင်းရင်းမြစ်များ

2 Sitoli 34:3

Yosaiyaʼmo eitiʼa kafugamo neya kini vekamo maiʼnenoʼaeʼmo aginago kini vekamo Nevini Gotiʼamoʼmo agesiyafeʼmo aepa faino kahauya huʼniye. Agaemo tuolofuʼa kafugamo yagaino apatetenoʼaeʼmo Yuta haopalegaʼe Yulusalemu taonifiʼeʼmo yosaletiʼmo alo huʼnaya aune yatefenagi aeniletiʼmo alo huʼnaya aune yatefenagi haginaletiʼmo alo huʼnaya aune yatefenagi huʼa ave koteʼmo mono huʼnaya yaʼmo aepa faino alino ataleʼniye.

Samu 51:5

Vae, huʼna, itaʼnimoʼmo nagae aipaguʼeʼmo aepa faiʼniya afinaʼmo hosu kavapiʼmo maiʼnove. Itaʼnimo aipafiʼmo maiʼneʼnaeʼmo hosu mafaʼnemo maiʼnove.

Samu 58:3

Hosu vayaʼmogimo itaʼapimogi aliʼa apateʼnaya afinatetiʼmo alagepa kaʼmo ago ataleʼa hosu katekeʼmo neʼvae. Apakaemo itaʼapimogi aliʼa apateʼnaya afinatetiʼmo hosu kavakeʼmo huteʼa aigofe gemo nehae.

Mai'naya kavane 20:12

Ala kava neʼmoʼa apakesamo neʼafiya apakesaʼe neʼagaya apaulagaʼeʼmo alo huʼniye.

Mai'naya kavane 21:8

Vaiʼmo neʼaliya vayaʼmogimo humiʼnami kavaʼmo nehayaʼmonanafa vaiʼmo noʼaliya vayaʼmogimo fatago kavaʼmo nehae.

Mai'naya kavane 22:15

Negi nagi kavaʼmoʼa mafaʼne anagaʼai apaipafiʼmo aeno kamaeno alagi huʼniyaʼmonanafa alita api aitapa apatesayafeʼmo hopa kayotetiʼmo apamagisaya kavatetikeʼmo amagita hafaitalesageno uno afagiʼalegamo hanegaiye.

Matiyu 7:16

Apaipafatiʼmo alagamo neʼaesigetapa apaketetapaeʼmo, haiya agufa vayaʼmo maiʼnafi, hutapa apakegae. Aufe yosamoʼmo haga nehiya nofi alagamo afaʼa neʼaefiye. Hosu kahaumoʼmo haga alagamo afaʼa neʼaefiye. Haʼao.

Luki 1:15

Goti aulagaleʼmo ala agi vekamo maigiye. Lokiya aniʼmo neteʼa negi nehaya agufa aniʼmo oʼnegaiye. Itaʼamoʼmo alino atesiya afinatetiʼmo Aote Aunemeʼamoʼmo aipafiʼmo havai teno maigiye.

Luki 1:66

Ava gemo afiteʼapaeʼmo aliʼa apaipafiʼmo maleteʼa, henagaʼamo haiya agufa mafaʼnemo maigiye, huʼa huʼnae. Ala kava neʼmoʼa alagepa huno ha maeteno yagaino ateʼniye.